(සුමිත් පොතුපිටිය)

හෙට දින නැවත මව් රටට යාමට බලාපොරොත්තුවෙන් සිටී චීන ජාතිකයෙකුගේ විදේශ ගමන් බලපත්‍රයද සහිත ගමන් මල්ල අද (04) පස්වරුවේ දුම්රියේ ගමන් ගනිමින් සිටියදී සොරකම් කර ඇතැයි කළුතර දකුණ පොලිසිය පවසයි.

චීන ජාතික ෆෑන් ජී ඈන් නමැති සංචාරකයකු විසින් කළ පැමිණිල්ලක් මත මෙසේ පරීක්ෂණ ආරම්භ කර ඇති බව පොලිසිය කීය.

පැමිණිලි කරු එදින පස්වරුවේ ගාල්ල සිට මරදාන බලා ධාවනයවූ සීඝ්‍රගාමී දුම්රියේ ගමන් කරමින් සිටියදී ගමන් මල්ල කිසියම් පුද්ගලයකු විසින් සොරකම් කර ඇති බවට පැමිණිල්ලේ සටහන්ව ඇති බවද පොලිසිය කීය.

ඔහු එදින රාත්‍රි සිට කොළඹ සුප්‍රසිද්ධ හෝටලයක නවාතැන් ගැනීමට වෙන්කර ගෙන සිට ඇති බවද සදහන් වේ.

ඔහු හෙට (6) සිංගප්පූරුව බලා පිටත්ව එහි සිට චීනයට ගමන් කිරීමට ගුවන් ගමන් බලපත්‍ර වෙන්කර ගෙන සිට ඇති බවද පවසමින් චීන ජාතිකයා දැඩි කම්පාවෙන් සිට ඇති බවද වාර්තාවේ.