ගැටුම පාලනයට ගිය පොලීසියට ගම්මු ගහලා

(හේමන්ත රණසුරිය සහ පියදාස සමරවීර)

කැබිතිගොල්ලෑව කුරුලුගම ප්‍රදේශයේ විහාරස්ථානයක දායක සභාවේ සාමාජිකයකු නොවන අයකුගේ ආරාධනාව මත ධර්මදේශනයක් පැවැත්වීමෙන් මතු වූ බව කියන ගැටුමක් පාලනයට ගිය පොලිස් කණ්ඩායමකට ගමේ පිරිසක් පහරදී ඇතයි පොලීසිය කියයි.

පොලිස් හදිසි ඇමතුම් අංකයට ලැබුණු තොරතුරක් අනුව එය පාලනය කිරීමට ගිය පොලිස් කණ්ඩායමට විහාරස්ථානයේ හිමිනමක හා තවත් පිරිසක් පහරදී තිබේ.

සිද්ධියෙන් පොලිස් කොස්තාපල්වරුන් තිදෙනකු තුවාල ලබා ඇතැයි උසස් පොලිස් නිලධාරියෙක් පැවැසීය . සිද්ධිය සම්බන්ධයෙන් විමර්ශනයක් ආරම්භ කර ඇත.

අදහස් (2)

ගැටුම පාලනයට ගිය පොලීසියට ගම්මු ගහලා

ජයන්ති මධුසංඛා Sunday, 29 October 2023 06:52 PM

මෙම මුග්ධයින් කරන්න හදන්නේ බුද්ධාගම විනාශ කර අන්‍යාගමික අයට තැනක් හදා දීමද කියලා හිතෙනවා ගමේ හාමුදුරුවෝ තුන්මාසෙ දානෙට එන්න මෙපමණ මුදලක් අවශ්‍ය බව කියන්නේ නම් අහිංසක මිනිස්සු මොනවා කරන්නද? කරන්න වෙන්නේ ආගමෙන් බැහැර නොවී වෙනත් විකල්පයක් ගැනීම තමයි... මෙහිදී වෙලා තියෙන්නේ ඒක... වර්තමානයේ සමහරක් හාමුදුරුවෝ පංසල් සීමාසේ මරණෙට බණට එන්නේ නැහැ කියලා තර්ජනය කරන තත්වයක් තියෙනවා... එහෙම නම් මොකක්ද කරන්න ඕනෑ. මේ අතර සමහරක් මානසික අසනීප තිබෙන රෝගීන් සුවකරන්න කියලා අන්‍යාගමික පිරිසක් වෙතට යනවා කියලා අහන්න ලැබුණා... එම සුවපත් කරනවා කියන කාන්තාවෝ කියනවලු... ආගමට නාවට කමක් නැහැ.. ඒත් කැමැත්තක් කරන්න කියලා ඇත්තටම රජයේ සෞඛ්‍ය අංශවල නිලධාරින් ගම්මට්ටමින් මනෝ උපදේශන තියනවා නම් ඉතාමත් හොඳයි...!

: 0 3

Perera Monday, 30 October 2023 04:47 AM

පොලිසියට ජනතාවගේ තිබුණු ගරුත්වය සහ බිය දැන් දියාරු වෙලා ගිහින්... පොලීසියම කරන මජර වැඩ නිසා..

: 0 1