(සුජිත් හේවාජුලිගේ සහ අංජුල මහික වීරරත්න)

ආපදාවෙන් විපතට පත්වූවන්ට සහන සැලසීම සහ විනාශ වූ භෞතික සම්පත් ප්‍රතිසංස්කරණයට රුපියල් කෝටි 5000ක අතිරේක මුදලක්  ලබා ගැනීම සඳහා ඉදිරිපත් කිරීමට නියමිත පරිපූරක ඇස්තමේන්තු යෝජනාවට රජයේ මුදල් පිළිබඳ පාර්ලිමේන්තු කාරක සභාවේ අනුමැතිය හිමි වී ඇත.

මෙම පරිපූරක ඇස්තමේන්තු යෝජනාව ඉදිරි දිනවල පාර්ලිමේන්තුවට ඉදිරිපත් කිරීමට නියමිතය.

2025 ජනවාරි පළවෙනිදා දිනෙන් ආරම්භ වන හා 2025 දෙසැම්බර් 31 දිනෙන් අවසන් වන මුදල් වර්ෂයේ ප්‍රයෝජනය සඳහා ශ්‍රී ලංකා ප්‍රජාතන්ත්‍රික සමාජවාදී ජනරජයේ ඒකාබද්ධ අරමුදලින් හෝ රජයට අයිති ඕනෑම අරමුදලකින් හෝ මුදලකින් හෝ රජය ලබා ගන්නා ඕනෑම ණය මුදලකින් රුපියල්  කෝටි 5000කට නොඉක්මන අතිරේක මුදලක් ගෙවිය යුතු බව මෙම යෝජනාවේ දැක්වේ.