(ෂේන් සෙනෙවිරත්න)

මහනුවර වත්තේගම අධ්‍යාපන කලාපයේ කුණ්ඩසාලයේ පිහිටි කෙහෙළිය රඹුක්වැල්ල ආදර්ශ ප්‍රාථමික විද්‍යාලයේ නාමය වහාම ක්‍රියාත්මක වන පරිදි සංශෝධනය කිරීමට මධ්‍යම පළාත් ආණ්ඩුකාර මහාචාර්ය එස් එස්.බී.එස්. අභයකෝන් මහතා පියවර ගෙන තිබේ.

එසේම එම විදුහල මින් ඉදිරියට කුණ්ඩසාලේ රාජකීය ප්‍රාථමික විද්‍යාලය නමින් නම් කොට තිබේ.

එම පාසල කුණ්ඩසාලේ රාජකීය ප්‍රාථමික විද්‍යාලය නමින් හැඳින්වීමට මධ්‍යම පළාත් අධ්‍යාපන දෙපාර්තමේන්තුවේ ව්‍යුහ කමිටුව විසින් අනුමැතිය ලබා දී තිබුණ ද එය ක්‍රියාත්මක නොවී පැවතුණි.

මේ අතර උඩදුම්බර සහ වත්තේගම අධ්‍යාපන කලාපයේ කටුගස්තොට ප්‍රදේශයේ මධ්‍යම පළාතේ හිටපු මහ ඇමතිවරයෙකුගේ (සරත් ඒකනායක) නමින් නම් කොට ඇති පාසල් දෙකකද එම නම් වෙනස් කරන ලෙස එම පාසල්වල ආදි සිසුන් දෙමව්පියන් සහ විවිධ වෘත්තිය සමිති දැඩි ලෙස ඉල්ලීම් කරමින් සිටිති.