කොරියන් යන ගුවන් යානය අදත් ප්‍රමාදයි: තරුණයන්ගේ රැකියා අනතුරේ

(ටී.කේ.ජී.කපිල)

දකුණු කොරියාවේ රැකියා සදහා පිටත්ව යන තරුණයන් පිරිසක් ද රැගෙන ඉන්චියොන් බලා අද (20) රාත්‍රියේ පිටත්ව යාමට නියමිත ශ්‍රී ලන්කන් ගුවන් යානය මෙවර ද ප්‍රමාද වීමකට ලක් වී තිබීම නිසා ඔවුන්ගේ රැකියා අහිමි වී යාමේ අවදානමක් මතු වී ඇති බව කටුනායක ගුවන් තොටුපොළ ආරංචි මාර්ග පවසයි .

දකුණු කොරියාවේ ඉන්චියොන් බලා අද රාත්‍රී 08.50 ට පිටත්ව යාමට නියමිතව තිබූ ශ්‍රී ලන්කන් ගුවන් සේවයේ යූ.එල්.- 470 දරන ගුවන් යානය කාර්මික දෝශයකට ලක් වීම නිසා මෙසේ ප්‍රමාද වීමකට ලක් වී තිබේ .

මෙම ගුවන් යානයෙන් ගුවන් මගීන් 181 දෙනෙකු දකුණු කොරියාව බලා පිටත්ව යාමට සිටි අතර , ඒ අතරින් එරට රැකියා සදහා පිටත්ව යන ශ්‍රී ලාංකික තරුණයන් 60 කට ආසන්න පිරිසක් ද සිට තිබේ .

ඔවුන් කටුනායක ගුවන් තොටුපොළ වෙත පිවිස සියලු නිශ්කාශන කටයුතු ද නිමා කර තිබූ අතර , මේ වනවිට ඔවුන් ගුවන් තොටුපොළ අසළ හෝටල් වෙත යොමු කර ඇති බව ගුවන් තොටුපොළ කාර්යය භාර නිලධාරීවරයා පැවසීය .

පසුගිය මාසයේදීත් මේ ආකාරයට මෙම ශ්‍රී ලන්කන් ගුවන් යානය ප්‍රමාද වීමකට ලක් වී තිබීම නිසා , එම ගුවන් යානයෙන් දකුණු කොරියාව බලා පිටත්ව යාමට සිට සිටි තරුණයන්ගේ රැකියා අවදානමකට ලක් වී තිබුණි .

අදහස් (6)

කොරියන් යන ගුවන් යානය අදත් ප්‍රමාදයි: තරුණයන්ගේ රැකියා අනතුරේ

Asela Tuesday, 20 June 2023 11:28 PM

උඔලට වෙන flights නැත්ද බං ඔය පතෝල මැස්සෙම එල්ලිලා යන්නේ.

: 0 16

de silva berlin Tuesday, 20 June 2023 11:38 PM

රැකියා අවදානම නොව ජීවිත අවධානම ගැන කල්පනා කරලා මේකේ යන්න ඉස්සරවෙලා දෙවරක් කල්පනා කරලා බලන්න .පසුගිය මාස 3 ඇතුලත ශ්‍රී ලංකන් යන මම දන්නා තරමින් 7-8 වතාවක් කාර්මික දෝෂ නිසා ගුවන් ගමන් අවලංගු කල බව දුටුවා

: 1 12

siri lankan api Wednesday, 21 June 2023 03:52 AM

මේ සිරි ලන්කන් එකෙන් රට යන උන්ට සෙතකුත් නැහැ. රටෙ ඉන්න එවුන්ට සෙතකුත් නැහැ. මෙය වහාම විකුනා හො වසා දැමිය යුතුය.

: 0 17

Senarath Wednesday, 21 June 2023 08:59 AM

මේ ප්‍රමාධයන් පිටුපස යම් කුමන්ත්‍රණයක් තියෙන්න පුළුවන් .වගකිව යුත්තෝ මේ ගැන සොයා බලන්න ඕනේ

: 0 12

de silva berlin Wednesday, 21 June 2023 12:12 PM

සෙනරත් මහත්මය මට පෙනෙන්නෙ මෙතන තිබෙන්නෙ කුමන්ත්‍රනයක් නොව ඉතා දුර්වල පරිපලනයක් , සමහර විට පාලකයො හෝ සේවකයො තුන්වෙනි පාර්ශවයකින් කොමිස් හෝ අල්ලස් ලබාගන්න හිතා මතාම කඩාකප්පල්කාරි වැඩ කරන්වද දන්නෙ නැහැ , මොනව වුනත් ජිවිත සහ පල අනතුරෙ ඩමමමින් , භන්ඩගරෙ මුදල් නාස්ති කරමින් මෙ විදිහට දිගටම කරගෙන යන්න බැහැ , රජය වහාම මෙ පිලිබඳව තීරනයක් ගන්න ඔනෙ.

: 0 7

පුරවැසියෙක්. Wednesday, 21 June 2023 03:40 PM

මෙම ශ්‍රී ලන්කන් ගුවන් සේවය තවදුරටත් පවත්වාගෙන යාමේ තේරුමක් තිබේද යන්න නැවතත් සිතා බැලිය යුතුයි. කඩිනමින් ක්‍රියාමාර්ගයක් ගත යුතුයි...

: 0 3