(බිමල් ශ්‍යාමන් ජයසිංහ, සුමිත් පොතුපිටිය සහ ඉන්දිකා රාමනායක)

රැඳවුම් නියෝග මත ප්‍රශ්න කරන  සංවිධානාත්මක අපරාධකරුවකු හා ප්‍රධාන පෙළේ මත්ද්‍රව්‍ය ජාවාරම්කරුවකු වන සලිදු  මල්ශිත  ගුණරත්න හෙවත් පානදුර කුඩු සලිදු  නමැත්තා  අපරාධ රැසකට යොදාගත්  බවට සැක කරන ජර්මනියේ නිෂ්පාදිත නයින් එම් එම්   පිස්තෝල වර්ගයේ ගිනි අවියක් පොලිස් භාරයට ගත් බව මනුෂ්‍ය ඝාතන හා සංවිධානාත්මක අපරාධ විමර්ශන ඒකකය කියයි.

එම ගිනි අවිය සමග මැගසිනය සන්තකයේ තබාගෙන සිටි ඔහුගේ ගෝලයෙක් අත්අඩංගුවට ගත් බව එම ඒකකය කියයි .

අධිකරණ නියෝග මත අපරාධ පරීක්ෂණ දෙපාර්තමේන්තුවේ මනුෂ්‍ය ඝාතන හා සංවිධානාත්මක අපරාධ විමර්ශන ඒකකයේ රඳවාගෙන ප්‍රශ්න කරන සලිදු මල්ශිත ගුණරත්න  හෙවත් පානදුර කුඩු සලිදු  නැමැත්තා අනාවරණය කල තොරතුරු අනුව සැකකරු අත්අඩංගුවට ගෙන ඇත්තේ පානදුර හිරණ ප්‍රදේශයේ ප්‍රසිද්ධ විහාරස්ථානයක්  ආසන්නයේ දිය.

අත්අඩංගුවට ගත් 23 හැවිරිදි සැකකරු අධිකරණයට ඉදිරිපත් කළ රැඳවුම් නියෝග ලබා ගෙන මෙම ගිනි අවිය යොදාගෙන සිදු කළ අපරාධ සම්බන්ධයෙන් තොරතුරු අනාවරණය කරගැනීමට කටයුතු කරන බව උසස් පොලිස් නිලධාරියෙක් පැවැසීය.

අපරාධ පරීක්ෂණ දෙපාර්තමේන්තුවේ මනුෂ්‍ය ඝාතන හා  සංවිධානාත්මක අපරාධ විමර්ශන ඒකකය පරීක්ෂණ පවත්වයි.