
(සුජිත් හේවාජුලිගේ සහ අංජුල මහික වීරරත්න)
රුපියල් කෝටි 11200 ක් වැයකර සීනි කිලෝ කෝටි 56 ක් 2024 අවුරුද්දේ ආනයනය කර ඇතැයි කර්මාන්ත සහ ව්යවසාය සංවර්ධන අමාත්ය සුනිල් හඳුන්නෙත්ති මහතා පාර්ලිමේන්තුවේදී අද (6) පැවසීය.
2025 ජනවාරි පෙබරවාරි මාස දෙකේදී පමණක් සීනි කිලෝ කෝටි දාහතරක් ආනයනය කර ඇතැයි පැවසු අමාත්යවරයා ඊට දෙකෝටි හතළිස් ලක්ෂයකට වැඩි මුදලක් වැය කර ඇතැයිද සඳහන් කළේය.
ඔහු මෙසේ පැවසුවේ සමගි ජන බලවේගයේ මන්ත්රී නලින් බණ්ඩාර මහතා මතු කළ ප්රශ්නයකට පිළිතුරු දෙමිනි.
සීනි මෙට්රික් ටොන් 23600ක් සහ එතනෝල් ලීටර් 2350000ක් ආයතනවල පවතින බවද ඔහු සඳහන් කළේය.
රජය සතු සීනි සමාගම් හතරක් පවතින බවත් සීමාසහිත ලංකා සීනි පුද්ගලික සමාගම, ගල්ඔය වැවිලි පුද්ගලික සමාගම, සීමාසහිත හිඟුරාණ සීනි කර්මාන්ත සමාගම, කන්තලේ සීනි සමාගම එම ආයතන බවත් ඔහු සඳහන් කළේය.
හිඟුරාණ සීනි කර්මාන්ත සමාගම සහ කන්තලේ සීනි සමාගම දැනට ක්රියාත්මක තත්වයේ නොපවතින බවද අමාත්යවරයා පැවසීය.
"මීට පස්සේ සුදු සීනි අස්සේ දුඹුරු සීනි ගේන්නත් බෑ. හාල් අස්සේ සීනි ගේන්නක් බැහැ" යැයිද ඔහු සඳහන් කළේය
2025 නොවැම්බර් මස 04
585
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2277
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1706
0
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
කෝටි 11200ක සීනි කාලා
Nihal Friday, 06 June 2025 05:27 PM
අරක්කු හදන්න ගන්නවානේ...
ගුණරත්න Friday, 06 June 2025 05:40 PM
වැඩිම සීනි කන්නේ අපේ රට නොවෙයි, ඔය වැඩි පරිභෝජනයක් පෙන්නුම් කරන්නේ කසිප්පු හැදිල්ල නිසා, මෙහෙ නීතියානුකූල මත්පැන් ඉතා මිල අධිකයි, ඉතින් මිනිස්සු වැඩියෙන් පාවිච්චි කරන්නේ කසිප්පු. ආණ්ඩුව සීනි වලට ඒකාධිකාරයක් හදාගන්න උත්සහ කරන්නේ නැතිව පෞද්ගලික අංශයට ඔය ආයතන පවරනවා නම් මහජනයාට බරක් නැතිව වැඩෙත් කෙරෙයි...
විපරමා Friday, 06 June 2025 05:57 PM
සීනී කාලා නෙවෙයි, හිටපු දූෂිත දේශපාලුවෝ සීනී වලින් ගසා කාලා...?
රුවන් Friday, 06 June 2025 06:28 PM
හිටපු කැබිනට් ඇමැති ජොන්ස්ටන් නම් දන්නවා ඕවා ගැන. එයාගෙන් අහන්න.