(යොහාන් භාසුර)

ශ්‍රී ලංකාව සහ ඉන්දියාව අතර ආරක්ෂක උපකරණ සම්බන්ධයෙන් සහයෝගීතාව ප්‍රවර්ධනය කිරීම සඳහා ඉන්දීය මහ කොමසාරිස් කාර්යාලය පළමු වරට සංවිධානය කරන ඉන්දීය - ශ්‍රී ලංකා ආරක්ෂක සම්මන්ත්‍රණය සහ ප්‍රදර්ශනය කොළඹ ටාජ් සමුද්‍රාහිදී අද (7) පැවැත්වේ.

මෙම අවස්ථාවට ඉන්දීය ආරක්ෂක කර්මාන්තය, ශ්‍රී ලංකා ව්‍යවසායකයින්, ශ්‍රී ලංකා සන්නද්ධ හමුදාවන්, පොලිසිය සහ විශේෂ කාර්ය බලකායේ සහභාගීත්වය දැකගත හැකිය. ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා ප්‍රධාන ආරාධිත අමුත්තා ලෙස සහභාගි වූ අතර ආරක්ෂක ලේකම්, ආරක්ෂක මාණ්ඩලික ප්‍රධානී සහ සේවා ආඥාපතිවරුන් ඇතුළු ශ්‍රී ලංකාවේ අනෙකුත් ජ්‍යෙෂ්ඨ නිලධාරීන් මෙම අවස්ථාවට සහභාගි වීමට නියමිතය.

ආරක්ෂක උපකරණ නිෂ්පාදනය සම්බන්ධයෙන් දෙරටේ ඇති හැකියාව සහ හැකියාවන් හුවා දක්වන සම්මන්ත්‍රණයක් මෙයට ඇතුළත් වන අතර, විවිධ ආරක්ෂක නිෂ්පාදන ප්‍රදර්ශනය කිරීමටද නියමිතය.

මෙම උත්සවය, ශ්‍රී ලංකා සන්නද්ධ හමුදාවන්හි ධාරිතා වර්ධනය සහතික කරන අතරම, ආර්ථික පුනර්ජීවනය සඳහා සහයෝගීතාවයේ නව ක්ෂේත්‍ර හඳුනා ගැනීම අරමුණු කරගනිමින්, ශ්‍රී ලංකාව සමඟ සබඳතා ගැඹුරු කිරීමට ඉන්දීය රජය දරන ප්‍රයත්නය සමඟින් ප්‍රදර්ශනය මහජනතාවට විවෘත වන අතර, විවිධ ආරක්ෂක උපකරණ ප්‍රදර්ශනය කිරීමට ඔවුන්ට අවස්ථාව සලසා දෙයි.