(අංජුල මහික වීරරත්න)

ආණ්ඩුවේ උවමනාව ඉටු කළේ නැත්නම් ඔවුන්ට මරණ තර්ජනය කරන බව පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය.

දැන් අභිරහස් ලෙස පුද්ගලයන් ඝාතනය වෙමින් පවතින්නේ යැයි ද රාජපක්ෂ මහතා කීය.

නාමල් රාජපක්ෂ මහතා මේ බව කීවේ හිරියාලේ පැවති ජන හමුවක් අමතමිනි.

"අභිරහස් විදියට පුද්ගලයෝ ඝාතනය වෙනවා.නීතිය නවනවා. තර්ජනය කරනවා. ආණ්ඩුවේ අවශ්‍යතාව ඉටු කරු කරගන්න කටඋත්තර ලියාගන්න හදනවා. ආණ්ඩුවේ උවමනාව ඉටු කළේ නැත්නම් ඔවුන්ට මරණ තර්ජනය කරනවා. 

 අපිට පේන තෙක් මානෙක මැතිවරණයකුත් නෑ. ඡන්දයක් තියෙන දවසක් අපි දන්නේ නෑනේ.හැබැයි හැම ගමකම,හැම කොට්ඨාශයකම අපිට මේ රටට ආදරය කරන පිරිස අපි වටා අපේ පක්ෂය වටා එක්රොක් වුණා යනුවෙන්ද නාමල් රාජපක්ෂ මහතා කීය.