මහජන බැංකුව, අප්‍රේල් මස 1 වැනිදා සිට 15 වැනිදා දක්වා වූ අලුත් අවුරුදු කාල සීමාව තුළ රුපියල් බිලියන 568කට අධික වටිනාකමකින් යුත් මිලියන 17කට අධික ගනුදෙනු සංඛ්‍යාවක් වාර්තා කරමින් යළිත් වරක් සිය ඩිජිටල් බැංකුකරණයේ ශක්තිය පෙන්නුම් කර ඇතැයි එම බැංකුව සදහන් කරයි.

මහජන බැංකුව, ශාඛා හා සේවා මධ්‍යස්ථාන 747කින් සහ ATM,CDM හා CRM යන්ත්‍ර 1,150කට අධික පුළුල් ජාලය ඔස්සේ සිය ගනුදෙනුකරුවන්ට අසමසම සේවාවක් පිරිනමයි. එමෙන්ම එහි People’s Wave App, People’s Wyn Appsසහ People’s Pay Digital Wallet appයන යෙදවුම් ශ්‍රී ලංකාවේ ඩිජිටල් බැංකුකරණ ක්ෂේත්‍රය නව මානයක් කරා රැගෙන යාමට සමත් වී තිබේ. මේ වනවිට මිලියන දෙකකට වැඩි සක්‍රිය පරිශීලකයන් පිරිසක් People’s Wave යෙදුම බාගත කර ඇති අතර, 50කට වැඩි විවිධ මූල්‍ය ගනුදෙනු සේවා සංඛ්‍යාවක් සහ ගනුදෙනුකරුවන්ට පහසුවෙන් බැංකු සේවා ඉටු කරගැනීමට හැකියාව ලබාදෙන නවීන බැංකු පහසුකම් රැසක් ද මෙම සේවාවෙහි අන්තර්ගත වේ.

මේ පිළිබඳ අදහස් දැක්වූ මහජන බැංකුවේ නියෝජ්‍ය සාමාන්‍යාධිකාරි (ශාඛා කළමනාකරණ)

නලීන් පතිරණගේ මහතා මෙසේ පැවසීය ‘මහජන බැංකුව සිය ඩිජිටල් බැංකුකරණ පහසුකම් ඔස්සේ  තෝරාගත් කොටසකට පමණක් සීමානොවී සමස්ත සමාජයටම ප්‍රතිලාභ සැලසෙන පරිදි බාධාවකින් තොරව සහ කාර්යක්ෂම සේවා සැපයීම සඳහා කැපවී සිටිනවා. අවුරුදු සමයේදී අප වාර්තා කළ ඉහළ කාර්ය සාධනය, මිලියන සංඛ්‍යාත ශ්‍රී ලාංකිකයන් අප බැංකුව කෙරෙහි තබා ඇති විශ්වාසය පිළිබඳ මනා නිදසුනක්  වනවා.’

-595