(සුමිත් පොතුපිටිය)

රජයේ අරක්කු කාලක් (මිලිලීටර් 180 අඩංගු) බෝතලයක් ඉනේ සගවාගෙන පානදුර අධිකරණ භූමියට ඇතුළුවීමට උත්සාහ දැරූ පුද්ගලයෙකු අද (28) අත්අඩංගුවට ගත්බව පානදුර දකුණ පොලිසිය පවසයි .

මෙසේ අත්අඩංගුවට ගෙන ඇත්තේ පානදුර, මොරවින්න ප්‍රදේශයේ පදිංචි 57 හැවිරිදි පුද්ගලයෙකු බව පොලිසිය පවසයි .

සැරයන් ප්‍රනාන්දු සහ සිවිල් ආරක්ෂක නිලධාරී නදීරා  අධිකරණයේ ප්‍රධාන දොරටුවේ රාජකාරි නියුතුව සිට ඇති අතර , සැකකරු අධිකරණ භූමියට ඇතුළුවීමට ප්‍රථම කල ශරීර පරීක්ෂාවේදී රජයේ අරක්කු  මිලිලීටර් 180 ක් අඩංගු බෝතලයක් ඉනේ සගවාගෙන සිටියදී සොයාගෙන අත්අඩංගුවට ගෙන  ඇතැයි පොලිසිය කීය.

අධිකරණයට ඉදිරිපත් කර සිටී පුද්ගලයෙකුට ඇප ලබාදීම සදහා සැකකරු පැමිණ ඇති බවත්, මෙය කිසියම් පුද්ගලයෙකුට ලබාදීමේ අරමුණින් රැගෙන විත් ඇද්ද යන්න සම්බන්ධයෙන් පරීක්ෂක සිදුකරන බව සදහන්වේ.

සැකකරු පානදුර මහේස්ත්‍රාත්  අධිකරණයට ඉදිරිපත් කිරීමට නියමිතව තිබුණි .

ජේෂ්ඨ පොලිස් අධිකාරී සමන්ත වෙදගේ , සහකාර පොලිස් අධිකාරී නිශාන්ත සේනාරත්න යන මහත්වරුන්ගේ උපදෙස් පරිදි මූලස්ථාන පොලිස් පරීක්ෂක චාමින්ද පින්තු මහතාගේ උපදෙස් පරිදි සැරයන් ප්‍රනාන්දු (41075) සහ සිවිල් ආරක්ෂක නිලධාරීනී නදීරා (19780) පරීක්ෂණ පවත්වති .