(වසන්ත චන්ද්‍රපාල)

අම්පාර මහා රෝහලේ අක්ෂි වාට්ටුවේ සේවය කරන වෛද්‍යවරයකු ඔහු නැවති සිටි පෞද්ගලික නේවාසිකාගාරයේ ඇඳ මත මියගොස් සිටියදි හමුවි ඇති බව අම්පාර පොලිස් ස්ථානයේ උසස් පොලිස් නිළධාරියෙක් පැවසිය.

මෙම වෛද්‍යවරයා නියමිත පරිදි ඔහු සේවය කරන වාට්ටවුට නොපැනිම නිසා වාට්ටුවේ සිටි අය ඔහුගේ දුරකථනයට ඇමතුම් කිහිපයක් රුගෙන තිබේ.

එයට ප්‍රතිචාර නොමැති නිසා හෙද නිළධාරිනියක් විසින් රෝහල් සේවකයෙකු ඔහු නැවති සිටි පොද්ගලික නිවසට යවා තිබේ. ඔහු එම නිවසට ගොස් කතාකලත් වෛද්‍යවරයාගෙන් ප්‍රතිචාරයක් නොමැති නිසා නැවත රෝහලට පැමින පොලිසියට දන්වා නිවසේ අයිතිකරුටද දන්වා නැවත නිවසට ගොස් ජනේලය හැර පරීක්ෂා කරන විට වෛද්‍යවරයා ඇද මත නිදාගෙන සිටිනු දැක ගැනිමට හැකිව තිබේ.

මෙම පිරිස වෛද්‍යවරයාට කතා කලත් ඔහුගෙන් ප්‍රතිචාරයක් නොමැති නිසා පසුව ඉදිරිපස දොර හැර අම්පාර මහා රෝහලේ ගිලන් රථයකින් රෝහල වෙත ගෙන ගොස් තිබේ.

රෝහල වෙත ගෙන යන විටත් ඔහු මියගොස් සිටි බවට අම්පාර මහා රෝහලේ ප්‍රකාශකයෙක් පැවසිය.