(නිමල කොඩිතුවක්කු)
පාස්කු ඉරිදා ප්රහාරය ඉලක්ක කරමින් අන්තවාදී දේශපාලන කණ්ඩායම් එක්ව ආණ්ඩුව ගෙදර යැවීමට සැලසුම් සකස් කරමින් සිටින බව රාජ්ය පරිපාලන හා ආපදා කළමනාකරණ අමාත්ය රංජිත් මද්දුමබණ්ඩාර මහතා කොළඹදී පැවසීය.
මෙවැනි සිද්ධියකදී අවස්ථාවාදී දේශපාලනය කිරීමෙන් වළකින ලෙසට ඔවුන්ගෙන් ඉල්ලා සිටින බව පැවසූ අමාත්යවරයා පක්ෂ විපක්ෂ සියලූදෙනා රට වෙනුවෙන් කටයුතු කළ යුතුව ඇතැයිද සඳහන් කළේය.
රජයේ ප්රවෘත්ති දෙපාර්තමේන්තු ශ්රවණාගාරයේ අද(28) පැවති මාධ්ය හමුවකදී ඔහු මේ බව පැවැසීය.
එහි දී වැඩිදුරටත් අදහස් දැක්වූ අමාත්ය රංජිත් මද්දුමබණ්ඩාර මහතා මෙසේ ද කීවේය.
‘‘අපේ්රල් 21 එල්ල වූ පාස්කු ඉරිදා ප්රහාරයෙන් පසු රටේ සාමකාමී වාතාවරණයක් පවත්වා ගැනීමට රජය සමත් වී තිබෙනවා. ඒ සාමකාමී බව කඩාකප්පල් කිරීමට මේ රටේ යම් යම් අන්තවාදී කණ්ඩායම් විවිධ ක්රියාමාර්ග ගෙනියනවා.
පාස්කු ඉරිදා ප්රහාරයෙකන් මියගිය සහ තුවාල ලැබූවන්ට රජයක් විදියට අපි යම් සහන ලබාදුන්නා. මේ අන්තවාදී සංවිධානවල අය අත්අඩංගුවට ගන්න අපිට පුලුවන් හැම ක්රියාමාර්ගයක්ම අපි අරගෙන තියෙනවා. මේ කාලය තුළ ඒ ත්රස්තවාදී කණ්ඩායම්වලට කිසිදු ක්රියාමාර්ගයක් ගන්න බැරි වුනා. ඒ පිළිබඳව පොලිසිය ඇතුළු ආරක්ෂක අංශවලට ස්තූතිය පිරිනැමිය යුතුයි.
මේ රටේ අන්තවාදී සංවිධාන දේශපාලන වාසි ගන්න ඕන අය දැන් නොයෙකුත් දේ කරනවා. ඒ අය පහුගිය 13 වනදා කුරුණෑගල සහ මිනුවන්ගොඩ ප්රදේශ ඉලක්ක කරමින් ගැටුමක් ඇති කිරීමට කටයුතු කළා. ඉන් පසුවත් පාසල් ඉලක්ක කරගනිමින් බදුරලිය ප්රදේශයේ බෝම්බ තැබූ සිද්ධියක් වාර්තා වුණා.
මේවා පිටිපස්සේ කවුද ඉන්නේ කියලා ජනතාව කල්පනා කළ යුතුයි. මේ සිද්ධිය ඉලක්ක කරමින් මේ අය බලනවා ආන්ඩුව ගෙදර යවන්නේ කොහොමද කියලා.මෙවැනි සිද්ධියක් වෙලාවේ පක්ෂ විපක්ෂ සියලූ දෙනාත් ජාතින් ආගම් එකතු වෙලා රට වෙනුවෙන් කටයුතු කළ යුතුයි. අපි ඒ අයගෙන් ඉල්ලා සිටිනවා අවස්ථාවාදී දේශපාලනය කරන්න එපා කියලා.
අන්තවාදී සියලූ කණ්ඩායම් තහනම් කිරීමට රජයක් විදියට අපි කටයුතු කරලා තියෙනවා. මෙම ත්රස්තවාදයට මුහුණදීමට අවශ්ය නීති රීති සකස් කරමින් පවතිනවා.
බුර්කාව සම්බන්ධයෙන් ජනාධිපතිවරයා ගැසට් නිවේදනයක් නිකුත් කරලා තියෙනවා. මේ සියල්ල ජාතික ආරක්ෂාව වෙනුවෙන් අපි ගත් පියවර.අරාබියේ තියෙන මුස්ලිම් සංස්කෘතිය අපිට වැඩක් නැහැ. ලංකාවට ඔබින මුස්ලිම් සංස්කෘතියක් අපිට අවශ්යයි. මේ චක්රලේඛ, ගැසට් නිවේදන සියල්ල අපි සකස් කරලා තියෙන්නේ මුස්ලිම් නායකයින් සමග සාකච්ඡා කරලයි.
වෛද්යවරයෙකු සම්බන්ධයෙන් දැන් කුරුණෑගලත් ප්රශ්නයක් ඇතිවෙලා තියෙනවා. මේ වෛද්යවරයා සැත්කම් 8000ක් කරලා තියෙනවලූ. මේ ගැනත් අපි පරීක්ෂණ ආරම්භ කරලා තියෙනවා. 8000කට නෙමෙයි එක් අයෙකුට හෝ වැරදි සැත්කමක් කළත් රජය විදියට අපි ක්රියාමාර්ග ගන්නවා.කුරුණෑගල මේ ප්රශ්නය පිටුපස්සෙත් දේශපාලනඥයන් ඉන්නවා.
රටේ ආරකෂාව තහවුරු කරන ගමන් අපි ඉදිරි ආර්ථික, සංවර්ධන වැඩපිලිවල ශක්තිමත් කිරීමට අවශ්ය කටයුතු කරගෙන යනවා. මේ ගැටලූව නිසා රට ආපස්සට යන්න දෙන්න බැහැ’’ යැයිද අමාත්යවරයා එහිදී පැවැසීය.
(ඡායාරූප : ජයමාල් චන්ද්රසිරි)
ශ්රී ලංකා රූපවාහිනී සංස්ථාවේ හිටපු ප්රවෘත්ති අධ්යක්ෂවරයෙකුට බැණ පහරදී තර්ජනය කළේ යැයි චෝදනාලත් හිටපු අමාත්ය මර්වින් සිල්වා ඇප මත මුදා හැරීමට ක
ව්යවස්ථානුකූලව ජනාධිපතිවරණය මිස මේ වසරේ වෙනත් මැතිවරණයක් නොමැති බව ආණ්ඩු පක්ෂ ප්රධාන සංවිධායක නිවාස සහ නාගරික සංවර්ධන අමාත්ය ප්රසන්න රණතුංග මහ
කොළඹ සිට මාතලේ බලා ගමන් ගනිමින් තිබූ ලංගම බස් රථයක ගමන් ගත් මගියෙකු මරණයට පත්වී ඇතැයි නිට්ටඹුව පොලිසිය කියයි .
කිසිදු දැනුම් දීමකින් තොරව තමාගේ නිවසේ විදුලිය විසන්ධි කර ඇති බව ශ්රී ලංකා පොදු ජන පෙරමුණේ කොළඹ දිස්ත්රික් මන්ත්රී ජගත් කුමාර සුමිත්රාආරච්චි මහ
මිතුරන් සමඟ එක්ව උදලු පහරදී සිය මාමණ්ඩිය ඝාතනය කළ බෑණා සහ ඔහුගේ මිතුරෙකු වවුනියාව සිදම්බරපුරම් මුරුගනූර් ප්රදේශයේදී අද (07) අලුයම සැකපිට අත්අඩංගුවටගත
කුලියාපිටියේ පෙම්වතියගේ නිවෙසට ගිය පසු අතුරුදන් වූ සුසිත් ජයවංශ නැමැති තිස් හැවිරිදි තරුණයාගේ සිරුර මාදම්පේ පනිරෙන්ඩාව රක්ෂිතයේ තිබී අද (07) සොයාගත් බ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘අන්තවාදී කණ්ඩායම් ආණ්ඩුව ගෙදර යවන්න සැලසුම් හදනවා’