(රංජිත් රාජපක්ෂ) 

බිබිල සිට තලවකැලේ දක්වා ධාවනය වූ පෞද්ගලික බස් රථයක් නානුඔය රදැල්ල කෙටි මාර්ගයේදි අද(22) ප්‍රධාන මාර්ගය හරහා පෙරැළීම හේතුවෙන් එහි ගමන්ගත් මගීන් 13 දෙනෙකු තුවාල ලබා නුවරඑලිය දිස්ත්‍රික් මහ රෝහල වෙත ඇතුලත් කර ඇති බව නානුඔය පොලිසිය පැවසීය.
 
මෙම අනතුර සිදු වී ඇත්තේ හැටන් නුවරඑළිය ප්‍රධාන මාර්ගයේ නානුඔය රදැල්ල කෙටි මාර්ගයේ කෝවිල අසලදිය.
 
තලවකැලේ ප්‍රදේශයේ අවමංගල්‍ය උත්සවයකට සහභාගි වීම සඳහා බිබිල ප්‍රදේශයේ සිට ධාවනය වු පෞද්ගලික බස් රථයක් මෙසේ අනතුරට පත් ව ඇත.
 
අධික බෑවුම් සහිත එම මාර්ගයේ බස්රථය ධාවනය වන අවස්ථාවේ රථයේ හදිසියේ ඇති වූ කාර්මික දෝෂයක් හේතුවෙන් බස් රථය ඉදිරියට ඇදී ගොස් ඉදිරියෙන් ධාවනය වූ බවුසර් රථයක ගැටී අනතුර සිදු වී ඇති බව නානුඔය පොලිසිය කියාසිටියේය.