(කේ බුද්ධික කුමාරසිරි )
බන්ධනාගාර ගතව සිටින ප්රබල පාතාල කල්ලි නායකයෙකු වන සමන්ත කුමාර නොහොත් “වෙලේ සුදා” නමැත්තාගේ සමීපතම ඥාතීයෙකු හෙරොයින් මත්කුඩු සමඟ අද (16) දින පාදුක්ක බටහිර හොරගල පිහිටි සැකකරුගේ නිවසේදී අත් අඩංගුවට ගත් බව මීගොඩ පොලිසිය පවසයි.
මීගොඩ පොලිස් ස්ථානාධිපතිවරයාට ලද තොරතුරක් මත පොලිස් නිලධාරීන් කණ්ඩායමක් සැකකරුගේ නිවස වටලා සැකකරු අත් අඩංගුවට ගෙන පරීක්ෂා කිරීමේදී සැකකරු හැඳ සිටි කලිසමේ දකුණු සාක්කුවේ තිබි හෙරොයින් පැකට් 110 ක් සොයා ගැනිමට හැකි වූ බවත් එහි මුළු බර ග්රෑම් 6 මිලි ග්රෑම් 200 ක් බවද පොලිසිය පවසයි.
මෙලෙස අත් අඩංගුවට පත්ව ඇත්තේ පාදුක්ක බටහිර හොරගල පදිංචිව සිටි විතානගේ දුමින්ද කුමාර නමැති 30 හැවිරිදි පුද්ගලයෙකි.
සැකකරු සමන්ත කුමාර නොහොත් “වෙලේ සුදා” ගේ ඥාතී සහෝදරියක් විවාහ කරගෙන සිටින බවත් සැකකරුගේ පියා සහ සමන්ත කුමාර නොහොත් “වෙලේ සුදා” අතර ඇති වූ ගැටුමක් නිසාවෙන් වෙලේසුදා විසින් දෑත් දෙකම කපා දමා ඇතැයිද අනාවරණය වූ බවද පොලිසිය පවසයි.
සැකකරු සහ අත් අඩංගුවට ගත් මත්කුඩු හෝමාගම මහේස්ත්රාත් අධිකරණය වෙත ඉදිරිපත් කිරීමට නියමිතය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
වෙලේ සුදාගේ සමීපතමයකු මත්කුඩු සමඟ අත්අඩංගුවට
gamage Wednesday, 16 September 2020 06:27 AM
මාළඹේ සිටින කුඩු මුදලාලිලා අල්ලන්න
Kamal Koyrala Wednesday, 16 September 2020 09:58 AM
දැන් අහුවෙන සේරගේම පාතාලයන්ගේ සමීපතමයෝ... එහෙකම් ළඟදී අල්ලපු හමුදා කර්නල්වරයාගේ සමීපතමයා කවුද?