(බිමල් ශ්‍යාමන් ජයසිංහ)
 
පානදුර නල්ලුරුව මුහුදු වෙරළේ වැල්ලේ සඟවා තිබූ රුපියල් කෝටියකට අධික හෙරොයින් මත්කුඩු සමග නීතිවිරෝධී ව මත්පැන් ජාවාරම්කරන පුද්ගලයකු අද(17) අත්අඩංගුවට ගත් බව කලුතර දිසා අපරාධ ඒකකය කියයි.

එම පුද්ගලයා සමග මත්කුඩු කිලෝ එකයි ග්‍රෑම් 20ක් පොලිසිය බාරයට ගෙන ඇත.

අත්අඩංගුවට ගත් පුද්ගලයා 41 හැවිරිදි අයෙකි.

නල්ලුරුවේ ප්‍රදේශයේ පුද්ගලයකු වැල්ලේ සඟවා නීතිවිරෝධී මත්පැන් ජාවාරම සිදුකරන බවට කලුතර දිසා අපරාධ ඒකකයට ලද තොරතුරක් අනුව මෙම වැටලීම කර තිබිණි.

පොලිස් නිලධාරීන් මුහුදු වෙරළේ වැටකෙයියා ගාලක සැගවී සැකකරු එනතෙක් සිට ඇති අතර, සැකකරු පැමිණ වළක් හාරා මත්කුඩු පාර්සලයක් අතටගන්නා අවස්ථාවේදී අත්අඩංගුවට ගෙන ඇත.

මුහුදේ පාවෙමින් තිබූ මෙම පාර්සලය එම ප්‍රදේශයේ පදිංචි පුද්ගලයන් දෙදෙනෙකු ඔහුට ලබාදුන් බවත්, පසුව ඒවා වළදැමූ බවත් අත්අඩංගුවට ගත් සැකකරු පොලිසිය වෙත ගෙනඒමෙන් පසු කරන ලද ප්‍රශ්න කිරීමේදී පවසා ඇත.
 
තවත් මත්කුඩු පාර්සල් වෙරළේ සගවා ඇද්දැයි පරීක්ෂා කරන බවද පොලිසිය කියයි.