IMG-LOGO

කුවේටයේ සිටි ගෘහ සේවිකාවෝ 46 ක් ආපසු එවති

(ටී.කේ.ජී.කපිල)
 
කුවේටයේ ගෘහ සේවය සඳහා ගොස් සිටියදී , එරට නිවෙස් හිමියන් වෙතින් විවිධ හිරිහැර, කරදරවලට ලක් වූ ශ්‍රී ලාංකික ගෘහ සේවිකාවන් 46 දෙනෙකු  අද (14) උදෑසන කටුනායක ගුවන් තොටුපළ වෙත එවා තිබුණි.
 
මොවුන් අතරින් වැඩි පිරිසක් අනුරාධපුරය සහ පොළොන්නරුව යන ප්‍රදේශවල පදිංචිකාරියන් වූ අතර, ඉතිරි පිරිස ශ්‍රී ලංකාවේ අනෙකුත් ප්‍රදේශවල පදිංචි අය වූහ .
 
ඔවුන් සේවය සඳහා ගොස් සිටියදී, නිවෙස් හිමියන්ගෙන් වූ හිරිහැර තවදුරටත් ඉවසාගත නොහැකිව එම නිවෙස්වලින් පැන යමින් සිටියදී, එරට ආරක්ෂක අංශ මගින් අත්අඩංගුවට ගෙන තිබුණි.
 
මෙයින් 13 දෙනෙකු කුවේටයේ අපරාධ පරීක්ෂණ දෙපාර්තමේන්තු  නිලධාරීන් විසින් රඳවා තබාගෙන සිටි ශ්‍රී ලාංකික ගෘහ සේවිකාවන් වන අතර, ඉතිරි 33 දෙනා කුවේටයේ ශ්‍රී ලංකා තානාපති කාර්යාලයේ " සුරක්ෂා" රැඳවුම් මධ්‍යස්ථානයේ රඳවා තබා සිටි අය වූහ.
 
ඔවුහු අද(14) දින උදෑසන 6.20 ට කුවේටයේ සිට පැමිණි  ශ්‍රී ලන්කන් ගුවන් සේවයේ යූ.එල්.- 230 දරණ  ගුවන් යානයෙන් කටුනායක ගුවන් තොටුපළ වෙත පැමිණ සිටියහ.
 
ඔවුන් විසින්ම ලබා ගත් ගුවන් ප්‍රවේශ පත්‍ර මගින් සහ තාවකාලික ගුවන් ගමන් බලපත්‍ර යටතේ මෙම මෙම ගෘහ සේවිකාවෝ පිරිස ශ්‍රී ලංකාවට පැමිණියහ.
 
ඔවුහු ශ්‍රී ලංකා විදේශ  සේවා නියුක්ති කාර්යාංශයේ, ගුවන් තොටුපළ කාර්යාලයේ මේ පිළිබඳව පැමිණිලි කිරීමෙන් අනතුරුව, ඔවුන්ගේ නිවෙස් බලා පිටත්ව ගියහ.



අදහස් (1)

කුවේටයේ සිටි ගෘහ සේවිකාවෝ 46 ක් ආපසු එවති

eresh S kumara Friday, 14 February 2020 06:04 AM

අනුරාධපුරය සහ පොළොන්නරුව යන ප්‍රදේශවලින් යන්නේ කුරුණෑගල සහ අනුරාධපුර රැකියා නියෝජිත කාර්යාල හරහා. ඒ කාර්යාල වලිනුත් ගෘහ සේවයට යන ස්ථාන ගැන සොයා බලනවා නම් මෙච්චර දුරදිග යන්නේ නෑ. අනිත් කාරණය තමයි මනා පුහුණුවකින් පසුව අලුතෙන් යන ගෘහ සේවිකාවන්ට මෙතරම් ගැටළු නෑ . බොහෝදුරට නිවෙස්වලින් පනින්නේ රට ගැන හොදට දන්නා කියන අය තමයි

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 68 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 277 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site