IMG-LOGO

සෞඛ්‍ය කාර්ය මණ්ඩල අදත් පෝලිම්වල

(ඩයනා උදයංගනී)

රෝහල් හා සෞඛ්‍ය ආයතනවල වෛද්‍යවරුන් ඇතුළු කාර්ය මණ්ඩලවලට ඉන්ධන ලබාදීම සඳහා අද (1) රටපුරා ඉන්ධන පිරවුම්හල් 92කදී සිදුකෙරුණු අතර, ඒවායින් ඉන්ධන ලබාගැනීම සඳහා සෞඛ්‍ය කාර්ය මණ්ඩල ඊයේ (30) රාත්‍රියේ සිටම දිගු පෝලිම්වල රැඳී සිටීම හේතුවෙන් රෝහල් කටයුතු රැසක් ද අඩාල වූ බව වාර්තා විය.  

වෛද්‍යවරුන් ඇතුළු රෝහල් කාර්ය මණ්ඩලවලට වෙන් කරන ලද පිරවුම්හල්වලින් ඉන්ධන ලබාගැනීමට ද පැය ගණනක් පෝලිම්වල බලා සිටීමට සිදුවීම නිසාත්, ඉන්ධන ලබාගැනීමට වෙනත් දිනයක් නොමැති නිසාත් රෝගී ප්‍රතිකාර කටයුතු හැකිතාක් කළමනාකරණය කරගනිමින් ඉන්ධන ලබාගැනීමට සිදුවූ බව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ මහතා පැවසීය.

මේ හේතුවෙන් ගම්පහ මූලික රෝහල ඇතුළු රෝහල් ගණනාවක බාහිර රෝගී ප්‍රතිකාර ඒකකවල කටයුතු අඩාල වී තිබූ බව වාර්තා විණියැයි අලුත්ගේ මහතා කීවේය.

සෞඛ්‍ය කාර්ය මණ්ඩල සඳහා වෙන්කර තිබූ ගාල්ල කොටුව, අක්කරෙයිපත්තු, නාවින්න සහ මාතර මැද්දවත්ත යන පිරවුම්හල්වලින් ඉන්ධන නිකුත් කිරීමේදී සාමාන්‍ය ජනතාව ද පැමිණ ඉන්ධන ඉල්ලා සිටීමෙන් ගැටලු ඇතිවූ බව  වෛද්‍යවරයා සඳහන් කළේය.
පසුව යුද හමුදාව සහ පොලීසිය මැදිහත්ව ජනතාවට කරුණු පැහැදිලි කර දී සෞඛ්‍ය කාර්ය මණ්ඩලවලට ඉන්ධන ලබාගැනීමට අවස්ථාව සලසා දුන් බව හෙතෙම කීවේය.

එමෙන්ම සෞඛ්‍ය කාර්ය මණ්ඩලවලට ඉන්ධන නිකුත් කිරීම සඳහා වෙන්කර තිබූ ඇතැම් සිපෙට්කෝ ඉන්ධන පිරවුම්හල් වෙත අද (1) දහවල් වන තුරුත් ඉන්ධන නොලැබී තිබූ බව කී අලුත්ගේ මහතා ඒ හේතුවෙන් ද සෞඛ්‍ය කාර්ය මණ්ඩල පෝලිම්වල රැඳී සිටිමින් දැඩි පීඩාවට පත්වූ බව සඳහන් කළේය.

එමෙන්ම ගම්පහ දිස්ත්‍රික්කයේ සෞඛ්‍ය කාර්ය මණ්ඩලවලට වෙන් කර තිබූ පිරවුම්හල්වලින් කසල ප්‍රවාහන රථවලට ඉන්ධන ලබාගැනීමට බස්නාහිර පළාත් ආණ්ඩුකාරවරයා ක්‍රියා කර තිබූ බවත්, ඒ හේතුවෙන් සෞඛ්‍ය කාර්ය මණ්ඩලවලට ලබාදීමට ඉන්ධන ප්‍රමාණවත් නොවිය හැකි නිසා තව ඉන්ධන බවුසරය බැගින් ඒ වෙත යොමු කරන්නැයි තමන් ඛනිජ තෙල් සංස්ථාවෙන් ඉල්ලීමක් කළ බව ද වෛද්‍යවරයා පැවසීය.

සෞඛ්‍ය කාර්ය මණ්ඩලවලට පෝලිම්වල රස්තියාදු නොවී ඉන්ධන ලබාගැනීමේ වැඩපිළිවෙලක් ලබන සතියේදීවත් සකස් විය යුතු බව ද හෙතෙම කීවේය.

සෞඛ්‍ය කාර්ය මණ්ඩලවලට හා රෝහල්වලට ඉන්ධන නොමැතිවී රෝහල් පද්ධතිය බිඳ වැටුණහොත් එයින් පීඩාවට පත්වන්නේ සහ ජීවිත අවධානමක් මතුවන්නේ තමන්ට බව ජනතාව තේරුම්ගත යුතු බව ද හරිත අලුත්ගේ මහතා පැවසීය.

රටපුරා ඇති ඉන්ධන පිරවුම්හල් 1,300කින්, සෞඛ්‍ය කාර්ය මණ්ඩලවලට ඉන්ධන ලබාදීම සඳහා සතියකට එක් දිනයක් පමණක් වෙන්කරන්නේ පිරවුම්හල් 92ක් පමණක් බව ද හෙතෙම ප්‍රකාශ කළේය.

සෞඛ්‍ය කාර්ය මණ්ඩල සඳහා ඉකුත් සිකුරාදා ද රටපුරා ඉන්ධන පිරවුම්හල් 84ක් වෙන්කර තිබූ අතර, එදින ද නිසි පරිදි ඉන්ධන නොලැබීම හේතුවෙන් ගැටලුකාරී තත්වයක් මතුවී රෝහල් රැසක කටයුතු අඩාල වී තිබිණි.

(ඡායාරූප: සනත් ගමග‌ේ)


(ඡායාරූප: පුෂ්පකුමාර මල්ලවආරච්චි)



අදහස් (1)

සෞඛ්‍ය කාර්ය මණ්ඩල අදත් පෝලිම්වල

Bamunuarachchi Saturday, 02 July 2022 08:23 AM

සෞක්‍යකාරයින් යාලුමිත්‍ර සියලු දෙනාටම තෙල් සපයලා ගෙදරත් තෙල් ස්ටොක් කරනවා. රාජකාරියට යන්නේ නැහැ.. තෙල් පෝලිමේ ඉන්නවා. වින්නඹු අම්මලා, සාත්තු සේවකයෝත් කාර්වලට තෙල් ගහගන්න පෝලිමට ඇවිල්ලා...!

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 179 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 691 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1087 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site