(සුමිත් පොතුපිටිය සහ තුසිත ද සිල්වා)

වෙරළ ආරක්ෂක බළකායට අයත් නවික හමුදා සෙබළුන් පස් දෙනකු ගමන්ගත් බෝට්ටුවක් පෙරලීමෙන් එහි සිටී නාවික සෙබළුන් පස් දෙනෙකුගේ දිවි බේරාගැනීමට අලුත්ගම ජල ක්‍රීඩා සහ ජීවිත ආරක්ෂක තරුණයන් පිරිසක් අද පස්වරුවේ සමත්ව ඇත.

බලපිටිය ජීවිත ආරක්ෂක බළකායට අයත් නාවික නිළධාරීන් පස්දෙනකු මොරගල්ල ජීවිත ආරක්ෂක ඒකකය දක්වා ගමන්ගත් බෝට්ටුවක් අලුත්ගම කලුවාමෝදර මෝය ආසන්නයේ දී පෙරලී ඇති බව සදහන් වේ.

බෝට්ටුව පෙරලීමෙන් පසු එහි සිටී නාවික සෙබළුන් පෙරලීගිය බෝට්ටුවේ එල්ලී සිට ඇති අතර එය දුටු අලුත්ගම දියකාවා ජල ක්‍රීඩා සහ ජීවිත ආරක්ෂක ආයතනයේ ජෙට් ස්කි යාත්‍රා දෙකක් සහ තවත් පෞද්ගලික ජෙට් ස්කි යාත්‍රාවක් ක්ෂණයකින් ස්ථානයට ළගාවී තිබේ.

අසල සිටී ධීවරයින්ගේ සහ මොරගල්ල ජීවිත ආරක්ෂක නිළධාරීන් ගේද සහය ඇතිව කඹයක් ආධාරයෙන් නවික සෙබළුන් බේරාගත් බව සිද්දියට මුහුණදුන් නිරෝෂන් ප්‍රනාන්දු පැවසීය .