මුස්ලිම් පල්ලියකට ගල් ගැසූ දෙදෙනෙක් අත්අඩංගුවට

(අජිත්ලාල් ශාන්තඋදය)

නිවිතිගල කලවාන පාරේ ගැටනිගෙවත්තේ පිහිටි මුස්ලිම් දේවස්ථානයකට ගල් ගැසූ බවට සැකකරන පුද්ගලයන් දෙදෙනකු අද (18) අත්අඩංගුවට ගත් බව නිවිතිගල පොලිසිය පවසයි.

නිවිතිගල නගරයේ මෝටර් රථ අලුත්වැඩියා කරන්නෙකු ඇතුළු දෙදෙනෙක් මෙසේ අත්අඩංගුවට ගෙන තිබේ.

අත්අඩංගුවට ගත් සැකකරුවන් නිවිතිගල නොරගොල්ල හා උඩකරවිට, පිංකන්දවත්තේ පදිංචිකරුවෝ වෙති.

සැකකරුවන් ත්‍රිරෝද රථයකින් ගොස් මුස්ලිම් පල්ලියට ගල් ගසා ඇති බවට තොරතුරු හෙළි වී ඇතැයි පොලිසිය පවසයි.

ගල්වැදීමෙන් පල්ලියේ වීදුරු කිහිපයක් බිඳී අලාභ හානි සිදුවී තිබෙන බව පොලිසිය කියයි. සිද්ධිය සම්බන්ධයෙන් නිවිතිගල පොලිසිය වැඩිදුර පරීක්ෂණ පවත්වයි.

අදහස් (9)

මුස්ලිම් පල්ලියකට ගල් ගැසූ දෙදෙනෙක් අත්අඩංගුවට

අතුල Monday, 18 November 2019 06:56 AM

මග හොඳට තිබේ නම් ...යන්න පාරත් පෙනේනම් ...කිමද බැදිවල යන්නේ........

: 13 60

රජින්ද Monday, 18 November 2019 07:01 AM

ගෝඨාගේ දිව්රුම් දීමෙන් පසු සුළු ජාතීන්ට කරදර සිදුවන බවට ලෝකයට පණිවිඩයක් දීමට විරුද්ධවාදීන් හෝ එම සුළු ජාතීන් විසින්ම සිදු කරන විකෘර්ති වැඩ. වහාම අත්අඩංගුවට ගත යුතුයි.

: 848 831

Bamunuarachchi Monday, 18 November 2019 07:01 AM

ඒගොල්ලෝ ඒගොල්ලෝම වෙන්න ඇති අපි අහක බලාගෙන ඉමු.

: 292 140

dumindaMonday, 18 November 2019 07:16 AM

මොනවා කළත් අපේ කෙනා නෙවේ කියන මානසිකත්වයෙන් මිදෙන්න.

: 16 231

BamunuarachchiTuesday, 19 November 2019 02:24 AM

ගල් ගැසුවේ අපේ එක්කෙනෙක් කියන මානසිකත්වයෙනුත් මිදෙන්න

: 0 0

Deepal Nirosh Monday, 18 November 2019 07:19 AM

මේ වගේ සිද්ධීන් නම් ඉදිරියටත් බලාපොරොත්තු වෙන්න වෙයි. කළ යුත්තේ ආරක්ෂක අංශ සීරුවෙන් තබා සියලු සැකකරුවන්ට නීතිය ක්‍රියාත්මක කිරීමයි.

: 2 177

vidya Monday, 18 November 2019 07:30 AM

රටේ නීති රීති සැමටම පොදුවන සේ කටයුතු කළ යුතුය.

: 1 80

janahitha Monday, 18 November 2019 09:11 AM

රටේ ජනතාවගේ ආරක්ෂාවට බලවත් හමුදාවක් නිසි උපදෙස් විධාන දිය හැකි නායකත්වයක් යටතේ ඇති නිසා මෝඩ ගල් ගසන්නන් අද අප රටට අවශ්‍ය නැත. බල සේනා, මහසෝන් සේනා මින් මතු අවශ්‍ය නැත.

: 1 234

janatha anura Monday, 18 November 2019 09:13 AM

ගල් ගසන්නේ බියගුල්ලන්ය. අපට ප්‍රබල හමුදාවක්, පැහැදිලි නායකත්වයක් යටතේ අද දවසේ ඇත.

: 5 31