(කේෂර ගුණතිලක)
 
පවුල් ආරවුලක් දුරදිග යාමෙන් අද (14) අලුයම පොල්ලකින් පහරදීමකින් විශ්‍රාම පූර්ව නිවාඩු ලබාසිටි යුද හමුදා සෙබළෙකු ජීවිතක්ෂයට පත්වී ඇතැයි මොනරාගල පොලීසිය පවසයි.
 
මෙලෙස ජීවිතක්ෂයට පත්වී ඇත්තේ මොනරාගල බටුගම්මන දෙබැද්දේකිවුල පදිංචි බී.එස් සුරංග ඉන්ද්‍රජිත් වීරකෝන් (42) නැමති තිදරු පියෙකි.

ඔහු යුද හමුදාවේ සේවය කර විශ්‍රාමයාම සඳහා විශ්‍රාමපූර්ව නිවාඩු ලබාගෙන නිවසට පැමිණ සිටියදී  බීමත්ව බිරිඳට සහ දරුවන්ට බැනවදිමින් පහරදී ඇත.
 
ඒ අසල පදිංචිව සිටින බිරිඳගේ බාල සහෝදරයා පැමිණ මස්සිනාට රණ්ඩු නොවන ලෙස අවවාද කැර ඇත.
 
එම අවස්ථාවේදී දෙදෙනා අතර ගැටුමක් ඇතිවී බිරිඳගේ මල්ලී මස්සිනාට පොල්ලකින් පහරදී ඇත.
 
යුධහමුදා සෙබලා එම පහරදීමෙන් නිවස ඉදිරිපිට මිදුලේදීම මියගොස් ඇත.
 
මෙම ඝාතනය  පිළිබඳව මහේස්ත්‍රාත් පරීක්ෂණය සහ පශ්චාත් මරණ පරීක්ෂණය අද (14) පැවැත්වීමට නියමිතව තිබිණි.

සැකකරු පොලීසිය මඟින් අත්අඩංගුවට ගෙන ඇත.