කොරෝනා වයිරස රෝගීන් සඳහා ප්රතිකාරකයක් ලෙස නම්කර ඇති හයිඩ්රොක්සික්ලෝරොක්වීන් ඖෂධයේ අපනයන තහනම ඉවත් කිරීමට ඉන්දියාව එකඟ වී ඇත.
ඉන්දියාව විසින් ඖෂධය සඳහා පැනවූ අපනයන තහනම ඉවත් නොකළහොත් පලිගන්නා බවට ඇමරිකානු ජනාධිපති ඩොනල්ඩ් ට්රම්ප් මහතා විසින් අනතුරු ඇඟවීමෙන් පැය කිහිපයකට පසුව ඉන්දියාව මේ බව ප්රකාශ කළේය.
මැලේරියා රෝගය සඳහා භාවිතා කරන ක්ලෝරොක්වීන් වලට බොහෝ සෙයින් සමාන හයිඩ්රොක්සික්ලෝරොක්වීන් ඖෂධය රූමැටික් ආතරයිටීස් සහ දද වැනි චර්ම රෝග සඳහා ප්රථිකාර ලෙස යොදා ගනී.
හයිඩ්රොක්සික්ලෝරොක්වීන් ප්රතිවෛරස කාරකයක් ලෙස පසුගිය දශක කිහිපය පුරා වෛද්ය විශේෂඥයන් විසින් භාවිතා කළ ඖෂධයකි.
කෙසේවුවද සමහර වෛද්ය විශේෂඥයින් අනතුරු අඟවා ඇත්තේ එය කොවිඩ් - 19 සුවකරන බවට කිසිදු සාක්ෂියක් නොමැති බවයි.
ඖෂධය සම්පූර්ණයෙන්ම අපනයනය තහනම් කිරීමෙන් පසු ඉන්දියාව සඳහන් කළේ කොරෝනා වයිරසයෙන් දරුණු ලෙස පීඩාවට පත්ව සිටින රටවලට හයිඩ්රොක්සික්ලෝරොක්වීන් ඖෂධය ලබාදෙන බවයි.
ඊට අමතරව අසල්වැසි රටවලට යම් ප්රමාණයකින් ඖෂධය සපයන බවද ඉන්දියාව පැවසීය.
ජනපති ඩොනල්ඩ් ට්රම්ප් කියා සිටියේ ඇමරිකාවේ ආහාර හා ඖෂධ පාලකමණ්ඩලය විසින් කොරෝනා රෝගයට ප්රථිකාර කිරීම සඳහා හයිඩ්රොක්සික්ලෝරොක්වීන් ඖෂධය අනුමත කර ඇති බවයි. ජීවිත තර්ජනයක් ඇති රෝගියෙකුට එය භාවිතා කිරීම ගැටලුවක් නොවන බවද ඔහු පවසයි.
බීබිසී සෞඛ්ය වාර්තාකරු ජේම්ස් ගැලගර් පවසන්නේ, "හයිඩ්රොක්සික්ලෝරොක්වීන් රසායනාගාර අධ්යයන වලදී කොරෝනා වයිරසය අවහිර කරන බව පෙනෙන්නට තිබේ. එය උපකාරකයක් වියහැකි බව වෛද්යවරුන් කිහිපදෙනකු පවසා තිබේ." යනුවෙනි.
ඉන්දියාවේ තරමක් මිල අඩු ඖෂධයක් වන හයිඩ්රොක්සික්ලෝරොක්වීන් කොවිඩ් - 19 ප්රතිකාරකයක් ලෙස නම් කිරීමෙන් පසු මිලදී ගැනීම දැඩි ලෙස සීමා කර ඇත.
ඇමරිකාවේ කොරෝනා රෝගීන් 367 650ක් වාර්තා වන අතර මරණ 10 943ක් සිදුවී තිබේ.
ඉන්දියාවේ මේ වනවිට රෝගීන් 3981ක් වාර්තා වන අතර මරණ 114ක් සිදුවී ඇත.
(බීබීසී ඇසුරිණි - 085)
පොලිස් නිලධාරීන්ගේ රාජකාරියට බාධා කිරීම ඇතුළු චෝදනා කිහිපයක් යටතේ දෙමළ ජාතික ජනතා පෙරමුණේ නායක පාර්ලිමේන්තු මන්ත්රී ගජේන්ද්රකුමාර් පොන්නම්බලම්
බස්නාහිර, සබරගමුව සහ මධ්යම පළාත්වලත් ගාල්ල සහ මාතර දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව ක
ගම්පහ රෝහලේ සායන සඳහා පැමිණෙන රෝගීන්ට සුව පහසුවට රැඳී සිටීමට හැකි වන අනන්දමට ‘රයිනෝ රූෆිං ප්රඩක්ට්’ සමාගම විසින් ඉදිකළ පරීශ්රය පසුගියදා විවෘත කෙරි
මිස්ටර් ශ්රී ලංකා ලෙස ජාත්යන්තර තරඟාවලිය සඳහා’’ Mister Sri Lanka For International - 2023’’ මෙරට නියෝජනය සඳහා ’’ ඩි මෝඩ් නිරූපන ආයතනය ’’ තෝරගත් නිරූපණ ක්ෂේත්රයේ තරුණයන් ති
ගෙවත්තේ ළිඳෙන් ඇඟ සෝදාගෙන රාත්රී 11ට පමණ නිවෙසට එමින් සිටි පාසල් සිසුවියක කිසිවකු විසින් අල්ලා බිම පෙරළාගෙන අතවර කිරීමට උත්සාහ කිරීම හේතුවෙන් ඇය රෝහ
පක්ෂ සාමාජිකත්වය අත්හිටුවන බවට ශ්රී ලංකා නිදහස් පක්ෂයේ හිටපු ජ්යෙෂ්ඨ උප සභාපතිවරයකු වන අමාත්ය නිමල් සිරිපාල ද සිල්වා මහතා ඇතුළු නව දෙනකුට යොමු කර
මැයි 23, 2023 - කොළඹ දී. දේශයේ රක්ෂකයා ශ්රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක බදුපෙර ලාභයක් සහ රු. බිලියන 41.2 ක ඒකාබද්ධ රක්ෂණ වාරික අදායම් අගයක් වාර්තා
ආබාධිත තත්ත්වයන් හේතුවෙන් වෙනස්ව සැළකීම හා සබැඳි කථිකාවන් වෙනස් කිරීම තුළින් ඒ පිළිබඳව ඇති අපකීර්තිය වෙනස් කිරීම පිණිස Linea Aqua සමාගම හා එක්ව, ආබාධිත පුද්
කොළඹ ඩර්ඩන්ස් රෝහලේ අධ්යාපනික අංශය වන Amrak වෛද්ය විද්යා අධ්යාපන ආයතනය, පසුගියදා ඕස්ට්රේලියාවේ ප්රමුඛතම විශ්ව විද්යාලයක් වන සිඩ්නි තාක්ෂණ
ට්රම්ප්ගේ තර්ජනයෙන් පසු ඉන්දියාව හයිඩ්රොක්සික්ලෝරොක්වීන් අපනයන තහනම ඉවත් කරයි
Oshan Tuesday, 07 April 2020 11:13 AM
සජිත් ප්රේමදාස ඕක ගැන කිව්වම කට්ටිය ඕක අල්ලගෙන ඒ මනුස්සයට මඩ ගැහුවනේ. අපේ මිනිස්සුන්ට දිට්ඨ ධම්මවේදනීය කර්මය ඉක්මනින් පල දෙනවා වගේ.
ටාසන් Tuesday, 07 April 2020 11:23 AM
රටවල් වලට තර්ජනය කළාට වෛරසයට තර්ජන ගර්ජන වලින් වැඩක්නැති බව ඔප්පුවී හමාරයි.
Bamunuarachchi Tuesday, 07 April 2020 01:51 PM
මෙය මාර බඩුවක්නේ. ඇමරිකානු සමාගමක් නිපදවන මුඛ ආවරණ කැනඩාවට යැවීමට තහනම් කරපු මේ හාදයා ඉන්දියාව හයිඩ්රොක්සික්ලෝරොක්වීන් අපනයනය නැවැත්තුවාට තර්ජන දානවා.
Kumar Tuesday, 07 April 2020 03:55 PM
ට්රුම්ප් කිව්වට, මෙරට ප්රධාන වෛද්යවරු කියන්නෙ සියලුදෙනාටම මේ බෙහෙත් සුදුසුනොවන බවයි. විශේෂයෙන් හෘදයාබාධ තිබෙන අයට නුසුදුසු බවයි කියන්නෙ. මෙ දිනවල අනෙක් අසනීපවලට ගන්න අයට මෙම බෙහෙත් සොයාගැනීමට අපහසුවී තිබෙනවා. ඇමෙරිකාවේ අරෝග්යශාලවලත් හිඟයක් තිබෙන අවස්ථාවකදී කැනඩාවට මුක ආවරණ සහ වෙන්ටිලේටර් සපයන්නේ කොහොමද?
jayath Wednesday, 08 April 2020 01:20 AM
බොහෝ ප්රශ්න , මතවාද සහ අතුරු ආබාද තිබුනත් මේ වෙලාවේ ඕක බාවිතා කරන්න අවසර දීලා තියනවා මොකද ඔය බෙහෙත වසර ගණනාවක් අපේ රටත් ඇතුළුව සාර්ථකව මැලේරියාවට දුන්න බෙහෙතක්. මේ වෙලාවේ ගිලෙන්න යන කෙනා පිදුරුගහෙත් එල්ලෙනවා.