( ඩබ්ලිව් ඩී ඵමි විතානගේ හා සුදත් පුබුදු කීර්ති )

ගෙවල් බිඳුම් සහ නවතා තිබෙන මෝටර් රථවල මුදල් සොරකම් කිරීමෙ යෙදුන බව කියන " එයාර්ෆෝස් සුද්දා  " යන අන්වර්ථ නාමයෙන් හදුන්වන ගුවන් හමුදා හිටපු සෙබළෙක් කළගෙඩිහේන ප්‍රදේශයේදී සපුගස්කන්ද පොලිසිය විසින් අත්අඩංගුවට ගනු ලැබීය.

මෙසේ අත්අඩංගුවට ගෙන ඇත්තේ කළගෙඩිහේන පුදේශයේ පදිංචි 47 හැවිරිදි පුද්ගලයෙකි. මෙම සොරකම් සදහා යොදා ගත් මන්නා පිහි තුනක් හා පොල් උලක් පොලිස් භාරයට ගෙන තිබේ. 

මාවරමණ්ඩිය , ඔබවත්ත ප්‍රදේශයේ නිවෙසක නවතා තිබු මෝටර් රථයක තිබි සේවක වැටුප් ගෙවීම සදහා රැගෙන ආ රුපියල් හය ලක්ෂ හැත්තැ පන් දහසක මුදලක් ද පමුණුවිල ප්‍රදේශයේ නිවෙසක නවතා තිබු මෝටර් රථයක තිබි රුපියල් තුන් දහස් පන්සීයක මුදලක් ද මෙසේ සොරකම් කර ඇති බව පොලිසිය කියයි. 

මොහු ගුවන් හමුදාවෙ සෙබලෙකු ලෙස සේවය කර තිබෙන අතර පසුව ඔහු  සේවයෙන් පහ කර ඇතැයි ද පොලිසිය සදහන් කෙළේය. මෙසේ මෝටර් රථවලින් සොරකම් කළ මුදල් මත්කුඩු පානය කිරීමට හා මත්කුඩු ජාවාරම්කරුවන්ට ලබා දී තිබෙන අතර ඒ සමිබන්ධව විමර්ශනය කරන බවත් පොලිසිය කීවේය.