IMG-LOGO

2025 ජුලි මස 19 වන සෙනසුරාදා


සුමන්තිරන්ගේ තනි කැමැත්තට නායකත්වයට පත් වෙන්න බෑ

එෆ්.අස්ලම්

දෙමළ ජාතික සන්ධානයේ නායකත්වය සඳහා එම්.ඒ.සුමන්තිරන් මහතාට තනි කැමැත්ත මත පත්විය නොහැකි බවත් ඒ සඳහා සිය පක්ෂවලද එකඟත්වය හා කැමැත්ත තිබිය යුතු බවත් එම සන්ධානයේ නියෝජනය කරන ප්ලොට් හා ටෙලෝ සංවිධාන අවධාරණය කරයි.

පක්ෂ තුනකින් සැදුම් ලත් දෙමළ ජාතික සන්ධානයේ නායකත්වයේ වෙනසක් ඇති කළ යුතු බවට කතිකාවක් පක්ෂ ආරම්භයේ පටන්ම නිර්මාණය නොවූ බවත් නායකත්වයේ වෙනසක් කිරීමට නම් ඉලංගයි තමිල් අරසු කච්චි ප්ලොට් හා ටෙලෝ යන පක්ෂ ත්‍රිත්වයේම එකඟත්වය සහ කැමැත්ත පැවතිය යුතු බවත් මෙම සංවිධාන සඳහන් කර සිටියි.

ඉලංගයි තමිල් අරසු කච්චි පක්ෂය විසින් ඒකමතිකව සුමන්තිරන් මහතාව දෙමළ ජාතික සන්ධාන නායකත්වයට නම් කළත් තම පක්ෂවල කැමැත්තකින් තොරව ඔහුට එම ධූරය සඳහා පත්විය නොහැකි බවත් ප්ලොට් සංවිධානයේ නායක පාර්ලිමේන්තු මන්ත්‍රී ධර්මලිංගම් සිද්ධාර්ථන් මහතා පැවසීය.

එමෙන්ම සුමන්තිරන් මහතා දෙමළ ජාතික සන්ධාන නායකත්වයට පත්වන්නේ නම් ඒ සම්බන්ධයෙන් පක්ෂ සම්බන්ධීකරණ කමිටු රැස්වීම කැඳවා යෝජනා කළ යුතු බවත් ඒ සම්බන්ධයෙන් තම පක්ෂයේ මධ්‍යම කාරක සභාව රැස්ව ඒ පිළිබඳ තීරණයක් ගතයුතු බවත් ටෙලෝ සංවිධානයේ නායක පාර්ලිමේන්තු මන්ත්‍රී සෙල්වම් අඩෙයිකලනාදන් මහතාද කීවේය.

දෙමළ ජාතික සන්ධානයේ නායක ආර්.සම්බන්ධන් මහතා වයස හා සෞඛ්‍ය තත්වය ගැන සිතා සන්ධානයේ නායකත්වය සඳහා සුමන්තිරන් මහතාව පත්කිරීමට පක්ෂ අභ්‍යන්තරයෙන් යෝජනා වී තිබෙන බව සන්ධාන පාර්ලිමේන්තු මන්ත්‍රී ඊ.සරවනභවන් මහතා මාධ්‍ය වෙත ප්‍රකාශයක් සිදුකර තිබිණි.

එම ප්‍රකාශය සම්බන්ධයෙන් කරන ලද විමසුමට පිළිතුරු දෙමින් සිද්ධාර්ථන් හා අඩෙයිකලනාදන් යන මන්ත්‍රීහු මේ අදහස් පලකර සිටියේය.

කෙසේ වෙතත් සරවනභවන් මහතාගේ මෙම ප්‍රකාශය නිවැරදි නොවන බව මාවෙයි සේනාධිරාජා හා එම්.ඒ.සුමන්තිරන් යන මන්ත්‍රීවරුන් මාධ්‍ය මගින් ප්‍රකාශ කර තිබේ.

එමෙන්ම සුමන්තිරන් මහතාට දෙමළ ජාතික සන්ධානයේ නියෝජිතයින් අතර දැඩි අප්‍රසාදයක් පවතින බවත් ඔහුගේ ක්‍රියාකලාපය ඊට හේතු වී තිබෙන බවත් එම සන්ධානයේ නියෝජිතයින් ද සඳහන් කර සිටීයි.

 



අදහස් (1)

සුමන්තිරන්ගේ තනි කැමැත්තට නායකත්වයට පත් වෙන්න බෑ

Hafeel Tuesday, 12 February 2019 04:37 PM

සුමන්තිරන් හොඳයි එක්සත් ජාතික පක්ෂයේ නායකත්වයට.

:       2       85

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site