(නිමන්ති රණසිංහ)

මෙරට මුහුදු සීමාවේදී ගිනි ගත් ‘‘එක්ස්ප‍්‍රස් පර්ල්” නෞකාවේ දේශීය නියෝජිත ආයතනය වන සී. කොන්සෝටියම් ලංකා සමාගමේ කළමනාකාර අධ්‍යක්ෂ අර්ජුන හෙට්ටිආරච්චි මහතා අද (16) අපරාධ පරීක්ෂණ දෙපාර්තමේන්තුවට පැමිණ ප‍්‍රකාශයක් ලබා දුන්නේය.

එක්ස්ප‍්‍රස් පර්ල් නෞකාවේ ගින්නට අදාළව මෙම ප‍්‍රකාශය ලබාදීම සඳහා අර්ජුන හෙට්ටිආරච්චි මහතා  අපරාධ පරීක්ෂණ දෙපාර්තමේන්තුවේ සාගර කටයුතු පිළිබද අංශය වෙත පැමිණීයේ ඉකුත් දා අධිකරණයෙන් නිකුත් වූ නියෝගකට අනුවය.

අපරාධ පරීක්ෂණ දෙපාර්තමේන්තුවට  උදෑසන 8.30ට පමණ පැමිණී ඒ මහතා පැය දෙකකට අධික කාලයක් සිය ප‍්‍රකාශය ලබා දීමෙන් පසු උදෑසන 10.45ට පමණ එම ස්ථානයෙන් පිටත්ව ගියේය.

අර්ජුන හෙට්ටිආරච්චි මහතා සිය නිතීඥවරයා ද සමග පැමිණ මෙම ප‍්‍රකාශය ලබාදුන් බව අපරාධ පරීක්ෂණ දෙපාර්තමේන්තුව සදහන් කරයි.

(ඡායාරූප: ගයාන් අමරසේකර)