‘පාස්කු ප්‍රහාර‘ ඉදිරියටත් වෙන්න පුළුවන්

(අංජුල මහික වීරරත්න සහ සුජිත් හේවාජුලිගේ)

පාස්කු ඉරිදා වැනි ප්‍රහාර ඉදිරියටත් මේ රටේ සිදු විය හැකි බව වැඩබලන ආරක්ෂක අමාත්‍ය ප්‍රමිත බණ්ඩාර තෙන්නකෝන් මහතා පාර්ලිමේන්තුවේ දී පැවසීය.

පාස්කු ඉරිදා වුනේ රටට එන අන්තිම ප්‍රහාරය කියා හිතන්න එපා යැයි කී වැඩබලන ආරක්ෂක අමාත්‍යවරයා අන්තවාදී හැගීම් තියෙන පිරිස් රට ඇතුලේ මෙන්ම පිටත් ඉන්න බවත් ඒ අය හොයාගන්නට බුද්ධි අංශ දිවා රෑ නොබලා කටයුතු කරන බවත් කීය.
පහුගිය කාලයේ පාර්ලිමේන්තුවේ සොනික් සොනික් යන වචනයක් රැව් දුන් බව කී වැඩබලන ආරක්ෂක අමාත්‍යවරයා සොනික් යනු බුද්ධි නිලධාරියෙක් බවද එය අන්වර්ත නාමයක් බවද පැවසීය.

ඉතා අසීරුවෙන් ත්‍රස්තවාදී ජාලයට සූක්ෂම ලෙස රිංගා තොරතුරු ලබා ගත්තේ ඔහු බව කී ප්‍රමිත බණ්ඩාර මහතා ඔහු ත්‍රස්තවාදියෙක් ලෙස පෙනී සිටිමින් එසේ කළ බව ද කීය.

එම කාරණා තේරුම් ගන්න තරම් පරිණත පාර්ලිමේන්තුවක් මේ රටේ තිබිය යුතු යැයි වැඩබලන ආරක්ෂක අමාත්‍යවරයා කීය.

පාස්කු ඉරිදා ප්‍රහාරය පිළිබඳ සභාව කල් තැබීමේ විවාදයට සහභාගී වෙමින් වැඩබලන ආරක්ෂක අමාත්‍යවරයා මේ බව කීය.

අදහස් (8)

‘පාස්කු ප්‍රහාර‘ ඉදිරියටත් වෙන්න පුළුවන්

මැක්ස් Thursday, 21 September 2023 07:48 PM

යහපාලන සමයේ සිදු වූ එම ත්‍රස්ත ප්‍රහාරයට මුලික වශයෙන් බලපෑවේ ඊට පෙර රජය විසින් පවත්වා ගෙන ගිය ඉතා ශක්තිමත් බුද්ධි සේවය යහපාලන විසින් විනාස කර දැමීමයි. එසේම, එකල රජ කළ යුඇන්පී, ජේවීපී, ටීඑන්ඒ, මුකො දේශපාලුවන්ගේ මුග්ධ ක්රියාකලාපයයි. රාජපක්ෂවරුන්ගෙන් පලි ගැනීම හැරුණු කල වෙනත් මෙලෝ වැඩක් නොකළ එම නොමේරු දේශපාලක අහින සහ උන්ගේ සහචර කුලී ලියන්නන් ඇතුළු මෙහෙකරුවන් යළිත්, රටේ කරුමෙට බලවත් වී සිටින නිසා රාජ්‍ය ආරක්ෂාවට සම්බන්ධ අයවලුන් කිසියම් පමණකට උකටලී වී ඇත. එම නිසා එවැනි ප්‍රහාර ඇති වීමට අවැසි පරිසරය නිර්මාණය වී ඇත. එසේම ඒවා රාජපක්ෂ ගිණුමට බැර කිරීමටත්, කිසි හෙවිල්ලක් බැලිල්ලක් නොමැතිව මහින්ද ගෝටා මහත්වරුන් කෙරේ ඇති ක්‍රෝධය නිසාම ඒවා කර තියාගෙන යන මෝඩ මිනිසුන් ද සිටින නිසා අන්තවාදී න්‍යාය පත්‍රයට අනුව වැඩ කරන ත්‍රස්තවාදීනට තමන්ගේ ඉලක්ක ලබා ගැනීම පහසු වී ඇත.

: 2 3

Nimal Thursday, 21 September 2023 08:28 PM

ඇයි මේ නම කියන්නේ? නික් නේම් එක වුණත් එහෙම කියනවද? නියම ආරක්ෂක ඇමැතියෙක්නේ ඉන්නේ...

: 0 1

C.K.Lankaputhra Thursday, 21 September 2023 09:06 PM

අනේ ඇමැතිතුමෝ! අපිට බයිලා කියන්න නම් එන්න එපා. දැන් රෙද්ද කැඩුවා වගේ ඔහෙලගේ කෙරුවාවල් එළියේ. ඉස්සරහට එන ඡන්දෙදී අපි ඔහෙලාට හරියට උත්තර දෙන්නම්. මේ අපේ වාරේ...!

: 2 1

Bamunuarachchi Friday, 22 September 2023 05:32 AM

බමුණුආරච්චි ඔයටික පුන පුනා කිව්වා. ඔහෙලා දැන්ද ඕක තේරුම් ගත්තේ? පාස්කු ප්‍රහාරය මුස්ලිම් - ක්‍රිස්තියානි ගැටුමේ, කුරුස යුද්දේ, තව එක episode එකක් පමණයි. මහමොල කාරයා මොහොම්මඩ්. ඔය ටික සඳහන්ව තිබෙන නිසයි කොමිෂන් වාර්තාවේ ප්‍රසිද්ද කල නොහැකී කියන්නේ කියා මට හිතෙනවා.

: 2 3

Bandara Friday, 22 September 2023 10:37 AM

මූත් හොඳ ත්‍රස්තවාදියෙක් තාමා

: 0 0

Bunny Preena Friday, 22 September 2023 11:08 AM

ත්‍රස්තවාදියා පහර දෙන්නේ සාමාන්‍ය ජනයා හෝ අප කවුරුවත් නොසිතෙන විදිහටයි. මෙවැනි දේවල් වළකා ගැනීමට කටයුතු කරන බුද්ධි අංශවලට සම්පූර්ණ සහයෝගය දිය යුතුයි. මහජනතාව හැටියට අපිට තියෙන්නේ යම් සැක කටයුතු දේවල් නිරීක්ෂණය වුණා නම්, සිදුවෙනවා නම් එවැනි කාරණා ගැන වහාම බුද්ධි අංශ දැනුවත් කිරීමයි.

: 0 2

Rata Perata Friday, 22 September 2023 12:08 PM

මේ වගේ අඳ බාල, බොළඳ අය එක්ක කොහොමද රටේ ආරක්ෂාවක් කරන්නේ? මේ මිනිහාට කවම වුණේ මොකක්ද කියලා හිතාගන්න බෑ වගේ.. පොඩි කාලේ නත්තල් සීයා දුම් කවුළුවෙන් එන එක තදින්ම විශ්වාස කරපු කෙනෙක් වගේ මෙයා...!

: 1 1

de silva Friday, 22 September 2023 06:31 PM

මේ අය තව මොනවාහරි ප්ලෑන් කරනවද දන්නේ නෑ.

: 0 0

ඔබේ අදහස් එවන්න

දියත

මාදුරුඔය ගුවන් අනතුරින් 6 දෙනකුගේ දිවි අහිමි වෙති

2025 මැයි මස 09 1642 1

මාදුරුඔය ජලාශයට අද (09) උදෑසන කඩාවැටුණු ගුවන් හමුදාවට අයත් බෙල් 212 හෙලිකොප්ටර් යානයේ සිටි හමුදා සෙබළුන් 6 දෙනෙකු මියගොස් ඇතැයි පොලීසිය කියයි.

රට බැංකු දෙකක හොඳ හිත ගන්න වැඩ සටහනක්

2025 මැයි මස 09 220 0

ලෝක බැංකුවේ සහ ආසියා සංවර්ධන බැංකුවේ පූර්ණ අන්‍යෝන්‍ය විශ්වාසය පිළිබඳ කාර්ය රාමුව යටතේ ඉහළ ප්‍රමුඛතා සම්ප්‍රේෂණ සංවර්ධන ව්‍යාපෘති ක්‍රියාවට නැංවීම

ජනපති පාප්තුමන්ට සුබ පතයි

2025 මැයි මස 09 186 0

14 වැනි ලියෝ පාප් තුමන්ට ජනාධිපති අනුර කුමාර දිසානායක මහතා සුබ පැතුම් පළ කර තිබේ.

දණිස් අමාරුකාරයන්ට සුබ ආරංචියක්

2025 මැයි මස 09 1614 0

සම්පූර්ණ දණහිස් ප්‍රතිස්ථාපන (TKR) පද්ධතිය සඳහා ශරීරයට බද්ධ කරන TKR සංරචක කට්ටල 3,000 ක් සැපයීම සඳහා වූ ප්‍රසම්පාදනය පිරිනැමීමට කැබිනට් අනුමැතිය ලැබී ඇත

සිතුල්පව්ව-තිස්සමහාරාම පොසොන් පින්කමට රජයෙන් අත

2025 මැයි මස 09 304 0

සිතුල්පව්ව හා තිස්සමහාරාම විහාරස්ථාන මූලික කර ගත් පොසොන් උත්සව මාලාව සම්බන්ධයෙන් සාකච්ඡාවක් ජනාධිපති ලේකම් ආචාර්ය නන්දික සනත් කුමානායක මහතාගේ ප්‍

වෙසක් උත්සවයට අද සිට විශේෂ දුම්රිය සේවා

2025 මැයි මස 09 238 0

වෙසක් උත්සවය හා රාජ්‍ය වෙසක් උත්සවය නිමිත්තෙන් විශේෂ දුම්රිය සේවා අද (09) සිට ක්‍රියාත්මක කිරීමට දුම්රිය දෙපාර්තමේන්තුව පියවර ගෙන තිබේ.