(ඩයනා උදයංගනී)
මෙරට හමුදාව සිවිල් කටයුතු සඳහා අනවශ්ය මැදිහත්වීමක් සිදුකර නැතැයි කැබිනට් ප්රකාශක, අමාත්ය ඩලස් අලහප්පෙරුම මහතා පැවසීය.
ඒ සම්බන්ධයෙන් රටේ සියලු දෙනාට පැහැදිලි සාක්ෂිකරුවන් විය හැකි බව ද ඇමතිවරයා සඳහන් කළේය.
අමාත්යවරයා මේ බව පැවසුවේ රජයේ ප්රවෘත්ති දෙපාර්තමේන්තුවේ දී අද (14) පැවති කැබිනට් තීරණ දැනුම්දීමේ මාධ්ය හමුව අමතමිනි.
හදිසි නීතිය යටතේ ඇතැම් සිවිල් කටයුතු සඳහා හමුදාව යෙදවීම ගැන සිය අවධානය යොමු කරන බවට එක්සත් ජාතීන්ගේ මානව හිමිකම් පිළිබඳ මහ කොමසාරිස්වරිය සිදුකළ ප්රකාශය සම්බන්ධයෙන් අදහස් දක්වමින් ඩලස් අලහප්පෙරුම මහතා මේ බව පැවසීය.
හදිසි නීතියේ වගන්ති දෙකක් පමණක් සංශෝධනය කර ආහාර බෙදාහැරීම්වලට අදාළව හමුදාව සම්බන්ධ කරගෙන තිබෙන බව කී ඇමතිවරයා එන්නත්කරණ ක්රියාවලියේදී ඔවුන්ගේ මැදිහත්වීම ධනාත්මකද නැද්ද යන්න ජනතාව දන්නා බවත් ආහාර බෙදාහැරීම් සම්බන්ධයෙන් ද සිදුවන්නේ එසේම බවත් කීවේය.
එක්සත් ජාතීන්ගේ සාමාජික රාජ්යයක් ලෙස ශ්රී ලංකාව ඔවුන්ගේ නිර්දේශ පිළිගන්නා නමුත් ප්රායෝගිකව රට තුළ සිදුවන දේ දර්ශකයක් ලෙස භාවිතා කර තීන්දු ගත යුතු බවද ඇමතිවරයා පැවසීය.
රටේ ආර්ථික ගැටලු පවතින අවස්ථාවක ජනාධිපතිවරයා හා අගමැතිවරයා විදේශ සංචාරවල යෙදීම සුදුසු ද යනුවෙන් මාධ්යවේදියකු නැගූ පැනයට පිළිතුරු දුන් ඇමතිවරයා පැවසුවේ අත්යාවශ්ය සංචාරවල නිරත්වීම ජනතා බදු මුදල් නාස්ති කිරීමක් නොවන බවයි.
ජනාධිපතිවරයා එක්සත් ජාතීන්ගේ සමුළුව ඇමතීම මේ අවස්ථාවේ ඉතා වැදගත් බව කී ඇමතිවරයා, අගමැතිවරයාගේ සංචාරයද ආරාධනයක් අනුව සිදුවූ බවත් ඒවාට අවම පිරිසක් සහභාගී වන බවත් පැවසීය.
කොවිඩ් අර්බුදයෙන් පසු ඔවුන් සංචාරයකට එක්වන පළමු අවස්ථාව මෙය බව කී ඇමතිවරයා ගත වූ කාලයේ දී කැබිනට් ඇමතිවරු දෙදෙනෙක්වත් සංචාර සඳහා ගොස් නැතැයි ද සඳහන් කළේය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
හමුදාව සිවිල් කටයුතු සඳහා අනවශ්ය ලෙස මැදිහත් වී නැහැ
Jcn Tuesday, 14 September 2021 04:46 PM
පන්සලේ බණ කියන්න විතරයි හමුදාව දාල නැත්තෙ තාම
de silva Tuesday, 14 September 2021 06:01 PM
ඔබලා හිතන් ඉන්නේ ලංකාවේ මිනිස්සු ඔක්කොම බයියො කියලද? මෙහෙම බොරු කියන්නේ මොකද?
sampath Tuesday, 14 September 2021 08:04 PM
ඔබලා කියනවා අපි අහලා තීරණය කරනවා... ගැටළුවක් නැහැ... කියන්නා කෙසේ කීවත් අහන්නා සිහි බුද්ධියෙන් ඇසිය යුතු බව දන්නවා.
සමිත සේනක අලුත්ගමගේ. Tuesday, 14 September 2021 11:25 PM
වෙනත් රටවල අය අපේ රටේ ප්රශ්න වලට එබෙනවාට අප විරුද්ධයි. ඒත් ඇමැතිතුමා ඔය කමිසයට යටින් තිබෙන හදවතට තට්ටුකොට බැලුවොත්, ඔබතුමාටම ඇත්ත හොඳින් වැටහෙනවා නේද ?