IMG-LOGO

‘සමාජ අසාධාරණ ජයගැනීම තරඟකාරී ආර්ථිකයක විශාල ම අභියෝගයයි’


(නිමල කොඩිතුවක්කු)
 
තරඟකාරී ආර්ථිකයක් ඇති කිරීමේදී සමාජ අසාධාරණ සිදුවීම ජයගත යුතු විශාලතම අභියෝගය බවට පත්ව ඇතැයි අග‍්‍රාමාත්‍ය රනිල් වික‍්‍රමසිංහ මහතා කොළඹදී පැවැසීය.
 
එබැවින් තරඟකාරී ආර්ථිකයක් සමඟ සමාජ සේවා කටයුතු වෙනුවෙන්ද රජය විශාල අවධානයක් යොමුකර ඇතැයිද අග‍්‍රාමාත්‍යවරයා වැඩිදුරටත් කීය.
 
අග‍්‍රාමාත්‍ය රනිල් වික‍්‍රමසිංහ මහතා මේ බව පැවසුවේ බණ්ඩාරණායක අනුස්මරණ ජාත්‍යන්තර සම්මන්ත‍්‍රණ ශාලාවේ අද(22) පැවති ජාතික සමාජ සංවර්ධන ආයතනයේ උපාධි සහ ඩිප්ලොමා ප‍්‍රදානෝත්සවයට එක්වෙමිනි.
 
එහිදී වැඩිදුරටත් අදහස් දැක්වූ අග‍්‍රාමාත්‍ය රනිල් වික‍්‍රමසිංහ මහතා මෙසේද කීය.
  
‘‘ සමාජය දියුණු වෙන්න  දියුණු වෙන්න සමාජයේ  එක් එක් අංශයට සහයෝගය, උපදෙස් සහ සත්කාර අවශ්‍යයි. කවුද ඒක ලබා දෙන්නේ කියන ගැටලුව දැන් තියෙනවා. පැරණි  ලංකාවේ ඒ පිළිබඳව සොයා බලන්න පවුල් ජාලය කියන  වැඩසටහනක් තිබුණා. පවුලේ ඔක්කොම එකට  හිටියා. කවුරු හරි අනෙක් කෙනාව බලා ගත්තා. දැන් පවුල් ජාලය  නැහැ. එක්කෙනෙක් ඩුබායිවල, අනික් කෙනා කොරියාවේ.  කවුද මේවා බලාගන්නේ.
 
මේ හැම කෙනාටම  ඉස්සෙල්ලම තියෙන්නේ තමන්ගේ  දරුවන් ගැන බලා ගන්නයි. ටියුෂන් පන්තිවලට යවන්න,  වෙනත් නැටුම් පන්තිවලට යවන්න, තමන්ගේ  ආහාරවේල බලා ගන්න තියෙනවා.  වෙන එකක් තියා දැන් දවල්ට එළියෙන් කනවා. 
 
මේ ක‍්‍රමවේදය  ඉස්සෙල්ලා උසස් පන්තිවල තිබුණා.  ඒක දැන් සෑම සමාජ කණ්ඩායමකටම පැතිර යනවා. මේ කණ්ඩායම  පිළිබඳව  අපේ අවධානය වැඩි වෙන්න, වැඩි වෙන්න ඒ සඳහා විශේෂඥ දැනුම අවශ්‍යයි.
 
අපේ ණය ගෙවන්න ආණ්ඩුවක් විදියට අපි විශාල මුදලක් යොදවන්න තිබෙනවා. මේ ණය ගෙවන්න බැරි තත්වයක තිබුණේ. ඒ ණය ගෙවන්න පුළුවන් තත්වයක් තිබුණා නම් එදා 2014දි  ජනාධිපතිවරණය තියන්නේ නැහැ.
 
අපි මේ වසරේදී  පමණක් ඩොලර් මිලියන 5,900ක් ගෙවන්න ඕන.  අපේ ආදායමේ විශාල කොටසක් එතෙන්ට ගිහින් තියෙනවා. තව කොටසක් ගිහින් තියෙනවා රජයේ සේවකයන්ගේ වැටුප් ගෙවන්න.
 
මේ ඉතුරු සල්ලිවලින් අපි අවධානය යොමු කළේ සමාජ අංශය ගැනයි. මේ අවුරුදු කිහිපයේදි අධ්‍යාපනය වෙනුවෙන් විශාල මුදලක් යෙදුවා.  අධ්‍යාපනය  අවුරුදු 13ක් අනිවාර්ය කළා.  ළඟම පාසල හොඳම පාසල ව්‍යාපෘතිය ක‍්‍රියාත්මක කළා.  පුහුණු ගුරුවරු  වැඩිපුර යෙදුවා,  වැඩිපුර විද්‍යාපීඨ ඇති කළා”  යැයිද අග‍්‍රාමාත්‍ය රනිල් වික‍්‍රමසිංහ මහතා එහිදී පැවැසීය.
 
 
(ඡායාරූප : ජයමාල් චන්ද්‍රසිරි)

 



අදහස් (10)

‘සමාජ අසාධාරණ ජයගැනීම තරඟකාරී ආර්ථිකයක විශාල ම අභියෝගයයි’

Raveendra Friday, 22 March 2019 02:29 PM

සූත්තර පුංචාගේ මාර සොයාගැනීම... මේ සොයාගැනීමට නොබෙල් ත්‍යාගයට හාදයාගේ නම යෝජනා කළ යුතුමයි.

:       166       139

NissankaSaturday, 23 March 2019 08:43 AM

රවින්ද්‍රට තියෙන්නේ අමුතු ලෙඩක්. මේ ලෙඩේම තියෙන බමුනෙකුත් ඉන්නවා. පොහොට්ටුවේ කවුරු හරි දෙයක් කිව්වොත් ඒක පරම සත්‍යය. වෙනත් කවුරුහරි මොන තරම් හරි දෙයක් කිව්වත් වැරදි. මේ වගේ පාට කන්නාඩි දාගත්ත අය නිසා තමා අපේ රටට මේ අවාසනාවන්ත ඉරණම අත් වෙලා තියෙන්නේ

:       72       313

RaveendraSaturday, 23 March 2019 06:34 PM

නිස්සංක මයා වෙත, ඔබගේ අදහස් වලට ගරු කරන්නෙමු. අප කිසිවිට වර්ණ කන්නාඩි පැළද අදහස් ඉදිරිපත් නොකරන බව ඔබට නොතේරීම කනාගටුවට කරුණකි. අප සැමවිටම හොද දෙය අගය කරන්නෙමු. එය මෛත්‍රී ද මහින්දද රනිල් රතු මලයද අපටනම් අදාලම නැත. එලෙසින්ම වැරදිනම් එය වැරදියි කීමට අප නම් බිය නොවන්නෙමු. මොකද 225 ම සිය පවුලුත් සමග නඩත්තු කරන්නේ ඔබ මෙන්ම අපද ගෙවන බදු මුදල්වලින් බව නොරහසකි. එබැවින් මොවුන්ගේ හොද දෙය අගය කිරීමත් වරදින වැරදියි කීමට අපට කොදු පණ තිබිය යුතුය. තවදුරටත් අප එක එක්කෙනාගේ පක්ෂවලට, වර්ණවලට ගැති වෙන තරමටම අපගේ මාතෘ භූමිය අගාදයට යාම වැලැක්විය නොහැකි බව ඔබටද නොතේරීම කනගාටුවකි.

:       137       132

NissankaSunday, 24 March 2019 04:25 AM

රවින්ද්‍ර ඔබ මේ කියන දේ මිට කලින් ඔබ විසින් පල කර ඇති ඔබේ අදහස් හා නොගැලපේ. ඔබම ආපසු කියවා බලන්න.

:       7       208

Sanath KandySunday, 24 March 2019 04:36 AM

රවින්ද්‍ර, ආර්ථික විද්‍යාව පිලිබඳ නොබෙල් ත්‍යාගය දිනාගත් අමාත්‍ය සෙන් වැනි විද්වතුන්ගේ අදහසද මෙවැනි බව ඔබ දන්නවාද? මටනම් හිතෙන්නේ ඔබට මේ කියූ කිසි දෙයක් වැටහී නැහැ. ඔබට වහකදුරු මෙන් තිත්ත රනිල්ගේ එජාපයද, ඔබ දෙවියන් බුදුන් මෙන් වන්දනාමාන කරන රාජපක්ෂලාගේ ආණ්ඩුද මෙතෙක් කල් ක්‍රියාත්මක කර ඇති ආර්ථික ප්‍රතිපත්තියේ ඇති අසාර්ථකබව ගැනයි මේ කතා කරන්නේ. රනිල් මේ ස්වයං විවේචනයක් කරලා තියෙන්නේ. එත් මේ මාර්ගයෙන් මිදෙන්නේ ඔවුන්ට හැකියාවක් හෝ උවමනාවක් නැහැ. එබැවින් අප කළ යුත්තේ විකල්ප ආර්ථික ප්‍රතිපත්තියක් ඇති පිරිසකට බලය ලබා දීමයි.

:       47       176

Bandara Friday, 22 March 2019 06:45 PM

කියලා වැඩක් නැහැ රවීන්ද්‍ර.. මේකනම් මාර සොයාගැනීමක්... මොකක් හරි එකකට ඇවිල්ලා කෙප්ප ඇදබාලා යනවා. රට එතනමයි...

:       55       133

Sanath Kandy Saturday, 23 March 2019 08:53 AM

ඔබ ඇතුළු ප්‍රධාන ධනේශ්වර පක්ෂ දෙක විසින්ම ක්‍රියාත්මක කරන නව ලිබරල් ආර්ථික ක්‍රමයේ තාර්කික ප්‍රතිඵලය තමා ඒ. මේ කටුක සත්‍ය දැන දැනම තව දුරටත් අපේ රට සමාජ ආර්ථික විෂමතාවයෙන් පිරුණු අසාර්ථක රාජ්‍යයක් කරා ගෙන යන්නේ නැතිව විකල්ප බලවේගයකට බාර දීම තමා එකම විසඳුම.

:       0       106

bamunuarachchi Monday, 25 March 2019 09:12 AM

"ඔබගේ අදහස් වලට ගරු කරන්නෙමු." මේ කතාව ඉවත් කොරන්න මේකත් හරියට දැන් හැම එකාටම පාවිච්චි කරන " ඔබතුමා " වගේ කතාවක්. අපි කෙලින් කතා කරමු.

:       46       110

Mudali Monday, 25 March 2019 01:42 PM

රවින්ද්‍ර යමක් තේරුම් කරලා දුන්නනම් පිළිගන්නවා…. බමුණු තරම් අන්තවාදී නැහැ.

:       68       142

gbase Tuesday, 26 March 2019 11:24 AM

මහමෙරකට වඩා උසයි ජයගත් අභියෝග. ඉතින් මදිද??

:       0       49

ඔබේ අදහස් එවන්න

 

 
 

දියත

පුංචි ආණ්ඩු බලය ගන්න විපක්ෂ එක තැනකට රොක් වෙති
2025 මැයි මස 14 22 0

ජාතික ජන බලවේගයට බහුතරය හිමි නොවූ මහ නගර සභා, නගර සභා සහ ප්‍රාදේශීය සභා ඇතුලත් සියලු පළාත් පාලන ආයතන වල බලය පිහිටුවීම සඳහා විපක්ෂයේ දේශපාලන පක්ෂ වල නායක


’’අපි කාටත් ඉකි ගසා හැඬූ මොහොතක් තිබුණා’’
2025 මැයි මස 14 120 0

ජනතා විමුක්ති පෙරමුණේ ශාරීරික මෙන්ම මානසික වශයෙන් වශයෙන්ද වේදනා පිරුණු ඉතිහාසයේ තමා මෙන්ම සෙසු සහෝදර සහොරියන්ද ඉකි ගසා හැඬූ එක මොහොතක් හෝ තිබෙන බව ජ


බස් අනතුරින් තුවාල ලැබූ දරුවන් වෙනුවෙන් ක්‍රිකට් ආයතනය ඉදිරියට
2025 මැයි මස 14 350 0

කොත්මලේ ගැරඩිඇල්ල බස් අනතුරින් තුවාල ලැබූ දරුවන්ගේ ඉදිරි අනාගත කටයුතුවලට සහ අධ්‍යාපන කටයුතුවලට මූල්‍ය අනුග්‍රහය දැක්වීමට ශ්‍රී ලංකා ක්‍රිකට් ආයතනය


ඉන්ධන ලොරිය දොයි
2025 මැයි මස 14 533 0

කොළොන්නාවේ සිට වැලිමඩ දක්වා ඩීසල් සහ පෙට්‍රල් ලීටර් 33600ක් ප්‍රවාහනය කළ බවුසර් රථයක් තලවකැලේ නුවරඑලිය කිරිමැටිය ප්‍රදේශයේදී පෙරළීමෙන් එම මාර්ගයේ ගමන


බස් ඛේදවාචකයට නුදුරින් වෑන් රථයකුත් පෙරලෙයි
2025 මැයි මස 14 1340 0

නුවරඑලියේ සිට අනුරාධපුරයේ රාජාංගණයාය දක්වා ධාවනය වු වෑන් රථයක් කොත්මලේ බස් රථ අනතුර සිදු වූ ස්ථානයට යාබද වූ බ්ලූම්ෆීල් වත්ත ප්‍රදේශයේදි වෑන් රථයක් අ


ජනාධිපති කාර්යාලයේ සැප වාහන වෙන්දේසිය හෙට
2025 මැයි මස 14 312 0

ජනාධිපති කාර්යාලයේ අධි සුඛෝපභෝගී වාහන වෙන්දේසියේ දෙවන අදියර ලෙස සුඛෝපභෝගී වාහන සහ භාවිතයෙන් ඉවත් කර ඇති වාහන 26ක් හෙට (15) වෙන්දේසි කිරීමට නියමිතය.


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 1407 2
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1608 3
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 419 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site