IMG-LOGO

2024 ජුලි මස 18 වන බ්‍රහස්පතින්දා


සංචාරක ක්ෂේත්‍රයේ නවමු අත්දැකීම ‘‘ද පිකෝ ට්‍රේල්’’

සංචාරක ව්‍යාපාරය අපේ රටට විදෙස් විනිමය උපයා දෙන ප්‍රධානම අංශයකි. ඉකුත් සමයේ කඩා වැටී තිබූ සංචාරක කර්මාන්තය මේ වනවිට ශීඝ්‍ර ප්‍රගතියක් අත්කර ගනිමින් සිටී. එය තව තවත් වර්ධනය කර ගනිමින් රටේත් ජනතාවගේත් සුබ සිද්ධිය උදෙසා මේ ව්‍යාපාරය දායක කරගැනීම සැමගේ වගකීමය.

සංචාරකයන්ට නො අඩුව තම සිතැඟියාවන් ඉටුකර ගැනීමට හැකි ස්වභාව සෞන්දර්යයෙන් මේ රට අනූන ය. එකී ස්වාභාව සෞන්දර්යයට තව තවත් සංචාරකයන් සමීප කරවීමට එහි අත්දැකීම් ලබා ගැනීමට යොමු කිරීමෙන්  මේ රටට තව තවත් සංචාරකයන් ආකර්ශනය කරගත හැකිය. නව මානයන් ඔස්සේ මේ ව්‍යාපාරය නැංවීමට කටයුතු කිරීමේ වුවමනාව මතුවන්නේ ඒ අනුව ය. 

‘‘ද පිකෝ ට්‍රේල්’’ එවන් නවමු සංචාරක අත්දැකීමක් ලබාදීමේ වැඩ පිළිවෙළකි. සංචාරක ව්‍යාපාරය කඩා වැටී තිබූ කාලයේ එය යළි නගා සිටුවීමට ශක්තියක් වීමේ අරමුණෙන් ‘ද පිකෝ ට්‍රේල්’’  වැඩපිළිවෙළ ආරම්භ කෙරුණි. සාමාන්‍යයෙන් පැමිණෙන සංචාරකයන්ට වඩා විශේෂිත සංචාරක පිරිසක් මේ වැඩ පිළිවෙළ හරහා ආකර්ශනය කර ගැනීමට හැකිවනු නො අනුමාන ය. සොබා දහමේ අපූරු තැන් විඳිමින් සංචාරකයන්ට නවමු අත්දැකීමක් ලබාගැනීමට ‘‘ද පිකෝ ට්‍රේල්’’ මගින් අවස්ථාව උදාකර දී තිබේ.

මහනුවර හන්තාන තේ කෞතුකාගාරය අසලින් ආරම්භ වන ‘ද පිකෝ ට්‍රේල්’’ හි ගමනාන්තය වන්නේ නුවරඑළියයි. දුර කිලෝමීටර් 300කි. අඩි පාරක් දිගේ කෙරෙන මෙම සංචාරය මෙතෙක් මෙරට දී ලබාගැනීමට නොහැකි වූ අත්දැකීමකි. සුන්දරම තේ වතු, මනස්කාන්ත කඳුකර ප්‍රදේශ, කෙත්වතු, වගා බිම් මැද්දෙන් විහිදී ඇති මෙම ගමන් මාර්ගය  ත්‍රාසජනක අත්දැකීමක් ලැබෙන පා ගමනකි. 

මධ්‍යම සහ ඌව පළාත් හරහා විහිදී ඇති ‘‘ද පිකෝ ට්‍රේල්’’ අඩි පාර මේ වනවිට දෙස් විදෙස් සංචාරකයන් ගේ විශේෂ අවධානයට ලක්ව තිබෙන්නකි. ඒ එමගින් ලැබිය හැකි සුවිශේෂි සංචාරක අත්දැකීම් හේතුවෙනි.‘‘ද පිකෝ ට්‍රේල්’’ගමන් මාර්ගය කේන්ද්‍ර කර ගනිමින් නව සංචාරක ව්‍යාපාර රාශියක් උදාවී තිබීම තවත් විශේෂ ලක්ෂණයකි. එමෙන්ම නව අවස්ථා රාශියක් මෙම වැඩපිළිවෙළ හරහා උදාකර ගැනීමේ හැකියාව ද තිබේ. එය මෙහිදී අමතක නොකළ යුතුම කාරුණකි.

නැෂනල් ජියෝග්‍රැෆික් සහ බ්‍රිතාන්‍ය සංචාරක ලේඛකයන්ගේ සංසදයේ පැසසුමට ලක්වීමට ‘‘ද පිකෝ ට්‍රේල්’’ විදේශිකයන්ගේ වැඩිම අවධානයට ලක්වුණු ලංකාවේ එකම අඩිපාර ‘‘ද පිකෝ ට්‍රේල්’’ වශයෙන් නම් කිරීමේ කිසිදු වරදක් නැත. ‘‘ද පිකෝ ට්‍රේල්’’ මෙලෙස ජාත්‍යන්තරයේ අවධානය දිනාගෙන ඇත්තේ මෙවැනි අඩිපාරක ගමන් කිරීමෙන් ලබන අත්දැකීම විදෙස් සංචාරකයන් අතරේ ජනප්‍රිය බැවිනි. ප්‍රචලිත බැවිනි. 

‘‘ද පිකෝ ට්‍රේල්’’ හි ගමන් කිරීම සිත් ඇද ගන්නා දර්ශනවලින් පිරි සංචාරයක් පමණක් නොවේ. එමගින් බොහෝ ව්‍යාපාරික අවස්ථා උදාකර ගැනීමේ හැකියාව තිබේ. ප්‍රජා සංවර්ධන ව්‍යාපෘති, කෘෂි කාර්මික ව්‍යාපාර දියුණු කිරීම, ග්‍රාමීය ආර්ථිකය නැංවීම යනාදී අංශ රාශියක් ඔස්සේ  ග්‍රාමීය ආර්ථිකයට, රටේ ආර්ථිකයට ඉහළ දායකත්වයක් මෙම වැඩපිළිවෙල ජනප්‍රිය කරමින් සංචාරක ආකර්ශනය වැඩිකර ගනිද්දී ලබාගත හැකිය.

‘‘ද පිකෝ ට්‍රේල්’’ ජාත්‍යන්තර මට්ටමේ නැවුම් අත්දැකීමක් ගෙන දෙන්නක් හෙයින් මධ්‍යම සහ ඌව ප්‍රදේශවල සංචාරක ව්‍යාපාරය සහ ආර්ථික සංවර්ධනයට  නව  අවකාශයක් විවර කිරීමට හේතු පාදක වන බව ඉතාම පැහැදිලිය. සංචාරකයන් පරිසරයට වැඩි වැඩියෙන් සමීප කරන ‘‘ද පිකෝ ට්‍රේල්’’ ලාබ උපයන ආකාරයට, රටේ සමෘද්ධිමත් පළාත් එකිනෙක සම්බන්ධ කරමින් සැමට ප්‍රතිලාභ ගලායන ආකාරයේ වැඩපිළිවෙළකි.

මනරම් පරිසර පද්ධතියක් හරහා කෙරෙන මෙම සංචාරය  සමාජ මාධ්‍ය ආදී විවිධ මාධ්‍ය ඔස්සේ ජනප්‍රිය කිරීමෙන් ඉමහත් වාසියක් ජාතික වශයෙන් ලබාගැනීමේ හැකියාව තිබේ. අන්තර් ක්‍රියාකාරී වෙබ් අඩවි, පොඩ්කාස්ට් වැනි  ඩිජිටල් මෙවලම් මෙම කටයුත්තට යොදාගත හැකිය.

කැලෑ කපා, මාර්ග එළිපෙහෙළි කරමින් මෙම මාර්ගය සකසා නැත. නුවර සිට  නුවරඑළිය දක්වා වූ කිලෝමීටර 300ම ගමන් කෙරෙන්නේ ගම් මැද්දෙනි. තේ වතු, කැලෑ, කෙත්වතු හරහා ය. මේ අඩිපාර එදා සිටම තිබූවක් මිස අලුතෙන් සංවර්ධනය කළ ඒවා නොවේ. ඇතැම් තැන් පැරණිය. කරත්ත පාරවල් ය.

එනිසා එහිදී ලැබිය හැකි අත්දැකීම් ස්වභාව  සෞන්දර්යයට අතිශය සමීප බව අමුතුවෙන් කිව යුතු නැත.  දෙපයට මහන්සියක් නොදැනෙන ආකාරයට ගමන් කළ හැකි පරිදි මෙම මාර්ගය සැලසුම් කර තිබීම සුවිශේෂී ලක්ෂණයකි. කොතරම් කඳුකර ප්‍රදේශයක් වුවත් දිනකට අපහසුවකින් තොරව කිලෝමීටර 15ක් පමණ  ඇවිද යා හැකි ආකාරයට ‘ද පිකෝ ට්‍රේල්’’ සැකසී තිබේ.

ඒ වගේම ගමින් ගමට යන ආකාරයට මේ සංචාරය සැකසී තිබිම අමතක නොකළ යුතු කරුණකි. උදාහරණයක් වශයෙන් ගතහොත් හන්තානෙන් ආරම්භ වන ගමන ගලහ ප්‍රදේශයෙන් අවසන් ය.  පළමු දිනයේ එම කොටස අවසන් කරන සංචාරකයකුට ගලහා ප්‍රදේශයේ නවාතැන් ගැනීමට හැකිය. අවශ්‍ය ආහාර පාන එම ප්‍රදේශයෙන් ලබාගත හැකිය. එමෙන්ම සංචාරකයා අඩිපාර දිගේ ගමන් කරද්දී ඔහු ඊළඟ දිනයේ නවාතැන් ගන්නා ස්ථානයට ඔහුගේ බඩු බාහිරාදිය රැගෙන යා යුතුය.

එය වෙනම ප්‍රවාහන සේවාවක් හරහා ලබාගැනීමට සිදුවනු ඇත. එයින් පෙනෙන්නේ ‘‘ද පිකෝ ට්‍රේල්’’ හරහා  තවත් පිරිසකට  ආදායම් මාර්ගයක් විවර වන බවය. ඒ වගේම සංචාරකයන්ට නවාතැන් පහසුකම් සැපයීම, ආහාර පාන සැපයීම, වෙනත් භාණ්ඩ හෝ දේශීය නිෂ්පාදන අලෙවි කිරීමට මේ හරහා අවස්ථාව උදාවන බව ඉතාම පැහැදිලි ය. එනම් ඒ ඒ ගම්වල ජනතාවගේ ආර්ථිකය හක්තිමත් කිරීමක් ‘ද පිකෝ ට්‍රේල්’’ හරහා සිදුවන බවය.

ඒ වගේම තවත් සුවිශේෂී කරුණක් අමතක නොකළ යුතුය. එනම් මෙයින් ලැබෙන සෑම ආදායමක්ම සෘජුවම ඒ ඒ ප්‍රදේශවල ජනතාව අතටම පත්වීමයි. මෙලෙස ගම් නගර 22ක්  යා කරමින් අදියර 22ක් යටතේ මෙම සංචාරය සැලසුම් වී තිබේ. මේ ගම් නගර 22 සංචාරයේ ආරම්භය සහ අවසානය සලකුණු කරන ස්ථානයි. එනිසා ඉහත කී ආකාරයේ ආර්ථික ප්‍රතිලාබ මේ ගම් නගර  විසි දෙකේම ජනතාවට සෘජුවම  ලැබීමේ අවස්ථාව‘‘ද  පිකෝ ට්‍රේල්’’ වෙතින් උදාකර දී තිබේ.

 සංචාරක  ආර්ථික කේන්ද්‍රස්ථාන වශයෙන් මේ ගම් නගර විසි දෙක සංවර්ධනය කිරීම ‘‘ද පිකෝ ට්‍රේල්’’ හි මූලික අරමුණක් වී තිබේ. හෝටල්, අවන්හල්, ඇඳුම් පැළදුම් ආදිය සංචාරකයන්ට සැපයීම හරහා ආදායම් උත්පාදනයට ඒ ඒ ප්‍රදේශවල අයට ප්‍රමුඛතාව දෙමින් මේ වැඩ පිළිවෙළ ක්‍රියාත්මකය. මෙහි යන සංචාරකයකු වතුර බෝතලයක් මිලදී ගත්ත ද එය ඒ ප්‍රදේශයේ පුද්ගලයකුට සෘජුවම හිමිවන ආදායමකි.

අතරමැදියන්ගෙන් තොරව සංචාරකයා හා ග්‍රාමීය ජනතාව සම්බන්ධ කිරීමක් මෙමගින් සිදුවන බව පැහැදිලි ය. ඒ වගේම අපද්‍රව්‍ය කළමනාකරණය කඳුකර ප්‍රදේශවල තිබෙන ප්‍රධාන ප්‍රශ්නයකි. ඒ ප්‍රදේශවල ප්‍රාදේශීය සභා හෝ එවැනි වෙනත් ආයතනවලට මේ කාර්යය නිසි පරිදි කිරීමට හැකිව නැත. ඒ වගේම ඒ පිළිබඳ මනා අවබෝධයක් ඇති බවක් ද නොපෙනේ.

එනිසා මේ කාරණයට තිරසාර විසඳුමක් සෙවීමේ ප්‍රමුඛ අරමුණක්ද ‘‘ද පිකෝ ට්‍රේල්’’ හි අන්තර්ගත ය. මෙය ඒ ඒ ප්‍රදේශවල සමාජය, ජනතාව වෙනුවෙන් කෙරෙන්නකි. තම නගරය ලස්සනට, පිරිසුදුව තබා ගැනීමෙන්  ගමට ලැබෙන වටිනාකම, සුන්දරත්වය, එමගින් සංචාරක කර්මාන්තය වර්ධනයට වන බලපෑම හා ජනතාවට ලැබෙන ප්‍රතිලාභ පෙන්වා දෙමින් මෙම වැඩ පිළිවෙළ ඉදිරියට යාමෙන් විශාල ශක්තියක් රටට සමාජයට ලැබෙන බව පැහැදිලි ය.

මේ මාර්ගය විශේෂයෙන් වතු හරහා වැටී තිබීම හේතුවෙන් එම ප්‍රජාවට මෙමගින් ප්‍රතිලාභ ලබන්නට පුළුවන. වත්තක වැඩ කරන පුද්ගලයකුගේ පවුලක සාමාන්‍යයෙන් වැඩ නොකරන හතර දෙනෙක් සිටිති. මෙයින් එක් අයකුට මේ ට්‍රේල් එකෙන් අමතර ආදායමක් ලැබිය හැකි නම් එම අවුලට විශාල ශක්තියක් වනු ඇත. එනිසා ‘‘ද පිකෝ ට්‍රේල්’’ හි ආර්ථික අවස්ථා බහුල ය. අවශ්‍ය වන්නේ එයින් නිසි ඵල නෙළා ගැනීම ය.

‘‘ද පිකෝ ට්‍රේල්’’තව තවත් දියුණු කර ගනිමින් ඉදිරියට ගෙනයාම මෙරට සංචාරක කර්මාන්තය නව මානයකට ගෙන යන්නක් බව අමුතුවෙන් කිව යුතු කරුණක් නොවේ. එමගින් මෙරට ජන ජීවිතය නංවාලීමට වන දායකත්වය ද සුළුපටු නොවන බව මේ කෙටි සටහනෙන් වුව පැහැදිලි ය. එය  තව තවත් පුළුල් කර ගැනීම අප සතු වගකීමකි. අනාගත පරපුරේ අභිලාෂ ඉටුකිරීමට ‘‘ද පිකෝ ට්‍රේල්’’ මහරු සම්පතක් බවට පත්කර ගත හැකි ය.


-චමින්ද      



අදහස් (4)

සංචාරක ක්ෂේත්‍රයේ නවමු අත්දැකීම ‘‘ද පිකෝ ට්‍රේල්’’

Samanthika Monday, 17 June 2024 09:10 PM

ඉතාම හොඳ ප්‍රොජෙට් එකක් .රටේ සුන්දරත්වය දැකබලා ගැනීමට වටිනා අවස්තාවක්

:       0       12

CC Wednesday, 19 June 2024 11:47 AM

ඉතාම හොඳ වටිනා සංචාරක ප්‍රවර්ධන වයාපෘතියකි මෙය කිලෝ මීටර. 30 විතර කොටස් 10කට වෙන් කර හැකි අයට කි.මි.300 ම යන්නත් අනෙක් අයට හැකි දුරක් ගොස් නැවත ප්‍රධාන මාර්ගයන්ට සම්බන්ධ කර වාහන පහසුකමකින් ගම් හරහා ඇවැසි තැනකට යන්නත් ගම් ඔස්සේ ලින්ක් එකක් සකස් කරන්නේ නම් ඉතා වටිනා වැඩකි. ඒ සඳහා අවශ්‍ය ප්‍රවේශ පහසුකම් වැඩිදියුණු කිරීමට පියවර ගත යුතුයි.

:       0       2

වරුන ජයවර්ධන Saturday, 22 June 2024 08:16 AM

මෙම ඇවිදින මන්තීරුව දකුණු ආසියාවේ දිගම ඇවිදින මන්තීරුවයි. අදියර 22ක් කිලෝමීටර 300ක් දිගට විහිදුණු pekoe trail ඇවිද යන මන්තීරුව දෙස් විදෙස් සන්චාරකයින් හට ස්වභාවික පරිසරය විඳිමින් පරිසරය ආරක්ෂා කරමින්, ලන්කාවේ ඇත්තම ලස්සන බලන්න ආස කරන අය සඳහා විවෘත කර ඇති බව මගේ හැඟීමයි. අදියර 7ක් දැනට සම්පූර්ණ කර තිබෙන මා බලාපොරොත්තු වනවා සියලුම අදියර කිරීමට... ඔබ pekoe trail හි ඇවිද යනවා නම් පා සටහන පමණක් ඉතිරි කර ඇවිදින්න. පරිසරය විදින්න නැවුම් වාතය ආස්වාස කරන්න. මෙහි පාරවල් තව ටිකක් පිළිවෙල කරනවා නම් අගය කොට සලකමි.

:       0       6

රෝයි ෆෙඩ්රික්ස් Saturday, 29 June 2024 05:05 AM

කොතරම් අගනා ක්‍රියාවක්ද? තවම ගොදුරු සොයන කාලකන්නි දේශපාලකයෙක් මැදිහත්වී නොමැති යයි සිතමි.

:       2       0

ඔබේ අදහස් එවන්න

දියත

රන්- මුදල් සමඟ හොර යකදුරා අත්අඩංගුවට
2024 ජුලි මස 18 27 0

මළගිය ඥාතීන්ගේ දෝෂ පවතින බවට නිවැසියන් රවටා ආරූඪවී ශාන්තිකර්ම කරන මුවාවෙන් මහා පරිමාණයෙන් මුදල් සහ රන්භාණ්ඩ වංචාකළ යකැදුරෙකු බව කියාගත් පුද්ගලයෙකු


අවුරුදු හතරේ දැරිය ළිඳට බිලි
2024 ජුලි මස 18 55 0

බුලත්කොහුපිට්ය කිරිපෝරුව ප්‍රදේශයේ වතු ගම්මානයේ සිට් වයස අවුරුදු හතර හමාරක කුඩා දැරියකගේ මළ සිරුරක් පාළු ළිදක තිබී සොයා ගත් බව රුවන්වැල්ල පොලීසිය ක


දිස්ත්‍රික්ක කිහිපයකට අදත් වැසි: සුළං ඉදිරියටත්
2024 ජුලි මස 18 209 0

සක්‍රීය නිරිත දිග මෝසම් තත්ත්වය හේතුවෙන් දිවයිනහරහා දැනට පවතින සුළං තත්ත්වය තවදුරටත් බලාපොරොත්තු වන බව කාලගුණවිද්‍යා දෙපාර්තමේන්තුව කියයි.


තිස්ස අත්තනායක රිය අනතුරක
2024 ජුලි මස 18 2011 2

සමගි ජන බලවේගයේ පාර්ලිමේන්තු මන්ත්‍රී තිස්ස අත්තනායක මහතා ගමන් ගත් සුඛෝපභෝගී ජීප් රථය ජාවත්ත මාර්ගයේ සළුසල අසලදී අනතුරකට ලක්වී ඇතැයි නාරාහේන්පිට පො


උපසම්පදා පිංකමට ගල් පෙරළයි
2024 ජුලි මස 18 2719 3

කරුවලගස්වැව අලුත්ගම ලුම්බිණි විහාරස්ථානයෙ උප සම්පදා උත්සවයට සහභාගි වු පිරිසකට ඊයේ 16 දින සවස එල්ලවු ගල් හා පොලු මුගුරු ප්‍රහාරයකින් තුවාල ලැබු දෙදෙනක


බයිඩන්ට කොවිඩ්
2024 ජුලි මස 18 965 0

ඇමෙරිකා ජනාධිපති ජෝ බයිඩන්ට ’කොවිඩ් 19’ වයිරසය ආසාදනය වී ඇතැයි ධවල මන්දිරය පවසයි. 81 හැවිරිදි ජනාධිපතිවරයාට මීට පෙර ද ’කොවිඩ් 19’ ආසාදනය විය.


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 127 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 993 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1876 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site