ලන්දේසීන් රැගෙන ගිය පුරාවස්තු 06ක් ආපසු දීමට සූදානම්

(කේ. බුද්ධික කුමාරසිරි)

ලන්දේසි පාලන සමයේ මෙරටින් රැගෙන ගිය පුරාවස්තු 06ක් නැවතත් මෙරටට ලබාදීමට නෙදර්ලන්ත රජය සූදානම් බව ශ්‍රී ලංකාවේ නෙදර්ලන්ත තානාපති බොනි හෝර්බච් මහත්මිය (Bonnie Horbach) ප්‍රකාශ කළ බව බුද්ධශාසන ආගමික හා සංස්කෘතික කටයුතු අමාත්‍යංංශය පවසයි.

අමාත්‍ය ආචාර්ය හිනිදුම සුනිල් සෙනෙවි මහතා සහ නෙදර්ලන්ත තානාපති බොනි හෝර්බච් මහත්මිය අතර අමාත්‍යංශයේ දී අද (18) පැවති හමුවේ දී මේ පිලිබදව දැනුවත් කර ඇත.

ඒ අනුව පේරැස් මුද්දක්, ඇත් දළ ආභරණ මංජුසාවක්, මහ තුවක්කු දෙකක්, ඇත් දළයෙන් නිමකළ කුඩා වංගෙඩිය සමග මෝල් ගසක් සහ ඉපැරැණි තේක්ක පුටුවක් මෙරටට නැවත ලැබීමට නියමිත කෞතුක භාණ්ඩ අතර වේ.

මෙම සාකච්ඡාවට නෙදර්ලන්ත තානාපතියගේ සංස්කෘතික කටයුතු පිලිබඳ උපදේශක ක්‍රිෂේන් මෙන්ඩිස්, විදේශ කටයුතු අමාත්‍යංශයේ යුරෝපා සහ උතුරු ඇමරිකානු කලාපය භාර සහකාර ලේකම් තිවංකා අතුරලිය, ජාතික කෞතුකාගාර දෙපාර්තමේන්තුවේ අධ්‍යක්ෂ ජනරාල් සනුජා කස්තුරිආරච්චි, අතිරේක ලේකම් (ජාතික උරුම) සුජීවා පල්ලියගුරුගේ ඇතුළු මහත්ම මහත්මීහු පිරිසක් එක්වූහ.

අදහස් (7)

ලන්දේසීන් රැගෙන ගිය පුරාවස්තු 06ක් ආපසු දීමට සූදානම්

ජිල්බු Tuesday, 18 March 2025 10:47 PM

හොඳ වෙලාවට මේ ආණ්ඩුව කාලෙ ඒව හම්බවෙන්නෙ.

: 7 35

බහිරවයා Wednesday, 19 March 2025 09:57 AM

අනිවාර්යයෙන්ම! නැත්තං රජ කඩුව 2.0.

: 0 8

රනේ Wednesday, 19 March 2025 06:57 AM

අපි බහුතරයක් අපේ උදාරත්වය රැකගන්න සටන් කලාට එදත් පාවාදෙන්නන් හිටියා..

: 1 3

Saththaya Wednesday, 19 March 2025 08:12 AM

එක්කෙනෙක් ඒවාට කරපු දේවල් ඔප්පු කරන්න අමාරුයි , අනික් කෙනා එංගලන්ත වෙළද පොලට වික්ක . ඇත්තමයි , අනාගතයේදී හොයන්න අමාරු තැනක හැන්ගුවොත් බේරගන්න පුළුවන් වෙයි

: 0 6

කපිල Wednesday, 19 March 2025 08:48 AM

අර පුස්කොල පොත් ටික දුන්න නම් මීට වැඩිය හොඳයි නේද? තියාගෙන හිටියට ඔහෙලට කියවන්න දන්නවයි?

: 0 6

ravin Wednesday, 19 March 2025 09:57 AM

අන්න ඒකට අපේ සමහරුන් රටේ ඉතිහාසය සම්පූර්ණයෙන්ම වෙනස් කරලා අලුත්ම ඉතිහාසයක් ගොඩනගන්න උත්සාහ කරනවා

: 5 0

කපුරු හාමි Wednesday, 19 March 2025 03:52 PM

නෙදර්ලන්තයේ තිබුණු නිසා පරිස්සම් වුණා. ලන්කාවේ තිබුණා නම් මෙළහකටත් අතුරුදහන් වෙලා දූෂිත පවුල් පාලන ආණ්ඩුව කාලේ, කටුගෙයි වටීනා පුරාවස්තුවලට වෙච්චි දේ රටම දන්නවා...

: 0 2