(යොහාන් භාසුර)
විද්යා හා තාක්ෂණ අමාත්යාංශයට අනුබද්ධ ජාතික මූලික අධ්යයන ආයතනය සොයාගත් දේශීය මිනිරන් බැටරි නිෂ්පාදනයට උචිත ලෙස ඉතාම පිරිසිදු තත්වයට පත්කිරීමේ නැවත ආරෝපණය කළ හැකි බැටරි නිෂ්පාදනය සහ වාණිජකරණය කිරීම පිළිබඳව සාකච්ඡාවක් විද්යා හා තාක්ෂණ අමාත්ය මහාචාර්ය ක්රිෂාන්ත අබේසේන මහතාගේ ප්රධානත්වයෙන් එම අමාත්යාංශයේ ශ්රවණාගාරයේදී පසුගියදා පැවැත්විණි.
මෙය අඩු වියදම් නව තාක්ෂණ ක්රමවේදයක බවත් ලෝකයේ විවිධ රටවල ඇති මිනිරන් අතරින් ඉහළම ප්රමිතියකින් යුතු ඉතාම උසස් තත්වයේ මිනිරන්වලින් ශ්රී ලංකාව පොහොසත් බවත් එම අමාත්යංශය කීය.
මිනිරන් අමුද්රව්යක් ලෙස ලෝකය පුරා විශාල කර්මාන්ත සංඛ්යාවකට භාවිතා කරන අතර ඒ අතරින් නැවත ආරෝපණය කළ හැකි බැටරි නිෂ්පාදන කර්මාන්තයට ප්රමුඛ ස්ථානයක් හිමි වේ. මෙම කර්මාන්තය සදහා මිනිරන් සියයට 99.99 ක පමණ ප්රතිශතයකට එනම් ඉතාම පිරිසිදු තත්වයට පත් කළ යුතු වේ. ඒ අයුරින් පිරිසිදු කිරීම සදහා වු අඩු වියදම් නව තාක්ෂණයක් මෙරට ජාතික මූලික අධ්යයන ආයතනයේ පර්යේෂකයන් පිරිසක් හදුනාගෙන ඇති අතර ඒ සදහා ඉතාම ඉහළ වාණිජමය අගයක් හිමි වේ.
ඉතිහාසය පුරා මෙරට ස්වාභාවික සම්පත් ආශ්රිතව අගය එකතු කළ නිෂ්පාදනය බිහිකර අපනයනය කිරීම වෙනුවට එම ස්වාභාවික සම්පත් අමුද්රව්ය ලෙස විශාල වශයෙන් අපනයනය කිරීම ක්රියාත්මක වේ. ඒ අතරම මෙරට සිදුකරන පර්යේෂණ තුළින් ගොඩනැගෙන නව දැනුම සහ තාක්ෂණය වාණිජකරණය නොකිරීමේ විශාල ගැටළුවක් ද පවතී. මේ සඳහා පිළියම් යෙදීමේ නව රජයේ වැඩපිළිවෙළට අනුව යන ඉදිරි පියවරක් ලෙස මෙම ව්යාපෘතියට සුවිශේෂී වැදගත් ස්ථායක් හිමිවේ.
විද්යා හා තාක්ෂණ අමාත්යාංශ නිලධාරීන් ජාතික මූලික අධ්යයන ආයතනයේ විද්යාඥයින්, මෙම ව්යාපෘතියට මූල්ය ප්රතිපාදන යෙදවීමට අදහස් කරන පෞද්ගලික අංශයේ පාර්ශවකරුවන් අතර මෙම සාකච්ඡාව පැවැත්විණි. මෙම තාක්ෂණික ක්රමවේදය වාණිජ මට්ටමට ප්රවර්ධනය කිරිම තුළින් රටට ආර්ථික ප්රතිලාභ හිමිකරගැනිමට ඇති අවස්ථා පිළිබඳ අදාල පාර්ශව අතර අන්න්යෝන්ය වශයෙන් අදහස් හුවමාරු කර ගැනීම සාකච්ඡාවේ අරමුණ විය. අදාළ පාර්ශ්ව අතර ධනාත්මක ප්රතිචාර සමග ඉතා සාධනීය ලෙස සාකච්ඡාව පැවැත්විණි. ඒ අනුව අවබෝධතා ගිවිසුමක් මත ව්යාපෘතියේ ඉදිරි පියවරයන්ට ළගා වීමට නියමිතය.
මෙම අවස්ථාවට විද්යා හා තාක්ෂණ අමාත්යාංශ ලේකම් වයි. එල්. මොහොමඩ් නවාවි, ජාතික මූලික අධ්යයන ආයතනයේ මහාචාර්ය අතුල සුමතිපාල, මහාචාර්ය සිරිල් විජේසුන්දර, ආචාර්ය අතුල විජේසිංහ, පෞද්ගලික අංශයේ ව්යවසායකයන් වන චෙරන්ත ද සිල්වා, කපිල ද සිල්වා, ජාතික විද්යා පදනමේ සභාපති මහාචාර්ය සමන් සේනවීර, ජාතික නවෝත්පාදන නියෝජිතායතනයේ ප්රධාන නවෝත්පාදන නිලධාරී මහාචාර්ය අජිත් ද අල්විස්, කොළඹ විශ්ව විද්යාලයේ මහාචාර්ය උපුල් සොන්නාදර යන මහත්වරුන් ඇතුළු පිරිසක් එක්ව සිටියහ.
මෙවර 2024 වර්ෂයේ අ.පො.ස සාමාන්ය පෙළ විභාගෙට පෙනී සිටින පාසල් දරුවන්ගේ ප්රතිඵල ඉහළ නැංවීමේ අරමුණින් එම දරුවන්ට සවස් කාලයේ සහ රාත්රී කාලයේ නොමිලේ අමතර ප
ශ්රී ලංකාව තුළ අපරාධ රැසක් සිදු කර ඉන්දියාවට පළා ගොස් සිටි , රජයේ ලියාපදිංචි අපරාධකරුවෙකු , ගමන් බලපත්ර නොමැතිව ඉන්දියාවේ රැදී සිටියදී , එරට ආරක්ෂක අ
එකම අංකයෙන් ධාවනය වූ ටොයටා ප්රියස් වර්ගයේ මෝටර් රථ දෙකක් අත්අඩංගුවට ගැනීමට වලාන මධ්යම දූෂණ මර්දන ප්රහාරයක ඒකකය සමත්ව ඇත .
අයතා ලෙස උපයාගත්තේ යැයි කියන රුපියල් මිලියන 15ක මුදලක් එන් ආර් කනසල්ටන්සි සමාගමේ ආයෝජනය කිරීමෙන් මුදල් විශුද්ධිකරණය වැළැක්වීමේ පනත යටතේ වරදක් කලේ යැය
පාර්ලිමේන්තුවේ තොරතුරු පද්ධති සහ කළමනාකරණ දෙපාර්තමේන්තුවේ ඇතැම් සේවිකාවන්ට සිදු වී ඇතැයි පැවසෙන ලිංගික හිංසන සම්බන්ධයෙන් පාර්ලිමේන්තු මන්ත්රීවර
එක්සත් අරාබි එමීර් රාජ්යය හා ශ්රී ලංකාව අතර ආර්ථික හා ආයෝජන සබඳතා ශක්තිමත් කිරීම සඳහා ප්රවර්ධන හා අන්යෝන්ය ආයෝජන ආරක්ෂණ ගිවිසුමක් එක්සත් අරාබි
ශ්රී ලංකාවේ අංක එකේ පාරිභෝගික ඉලෙක්ට්රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්රී ලංකාවට හදුන්වාදෙන ලදි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
මිනිරන් ආශ්රිත බැටරි නිෂ්පාදනය වාණිජකරණය කිරීමේ තීරණයක්