2024 පාර්ලිමේන්තු මහ මැතිවරණයට තරග කිරීම සදහා පිළිගත් දේශපාලන පක්ෂ හා ස්වාධීන කණ්ඩායම් 690ක් නාම යෝජනා පත්‍ර දුන් බව මැතිවරණ කොමිෂන් සභාව කියයි.

ඒ අතරින් පිළිගත් දේශපාලන පක්ෂ සහ ස්වාධීන කණ්ඩායම් 616ක නාම යෝජනා පිළිගත් බව ද එම කොමිෂන් සභාව සඳහන් කරයි.

පාර්ලිමේන්තු මහ මැතිවරණය තරග කිරීම සඳහා ඉදිරිපත් වූ පිළිගත් දේශපාලන පක්ෂ හා ස්වධීන කණ්ඩායම් 74ක නාමයෝජනා පත්‍ර ප්‍රතිකෂේව වූ බව මැතිවරණ කොමිෂන් සභාව  පවසයි.

එම නාමයෝජනා පත්‍ර ප්‍රතික්ෂේප වූ දේශපාලන පක්ෂ සහ ස්වාධීන කණ්ඩායම්වලට ඒ සම්බන්ධයෙන් සෑහීමකට පත් විය නොහැකි නම් අධිකරණ ක්‍රියාමාර්ග ගත හැකි බව ද මැතිවරණ කොමිෂන් සභාව සඳහන් කරයි.

බලයලත් නියෝජිතයකු මාර්ගයෙන් නාම යෝජනා පත්‍ර ඉදිරිපත් නොකිරීම, නාම යෝජනා පත්‍රවල අඩුපාඩු පැවතීම ආදී හේතුන් මත නාම යෝජනා පත්‍ර ප්‍රතික්ෂේප කෙරෙන බව ද මැතිවරණ කොමිෂන් සභාව කියයි.