( රොමේෂ් මධුෂංක)

යාපනය අරියාලෙයි ප්‍රදේශයේ පිහිටි පොල්වත්තක සඟවා තිබූ රුපියල් කෝටි 5 කට අධික වටිනාකමින් යුතු කේරලගංජා කිලෝ 156 ක ප්‍රමාණයක් සමග සැකකරුවන් දෙදෙනෙකු අත්අඩංගුවට ගත් බවට පොලීසිය පැවසීය.

යුදහමුදා බුද්ධි අංශයට ලැබුණු තොරතුරකට අනුව මන්නරම පොලිස් මත්ද්‍රව්‍ය නිවාරන කාර්යංශ නිලධාරීන් පිරිසක් අරියාලෙයි ප්‍රදේශයේ සිදුකරන ලද සෝදිසි මෙහෙයුමකදී මෙම  කේරලගංජා තොගය පොල්වත්තේ සඟවා තිබියදී සොයාගත්තේය.

එහිදී වැඩිදුර සිදුකරන ලද පරික්ෂණවලින් අනතුරුව අදාල කේරලගංජා තොගය රැගෙන ආ බවට සැකකෙරෙන පුද්ගලයින් දෙදෙනෙකු අත්අඩංගුවට ගනු ලැබීය.

අත්අඩංගුවට ගත් සැකකරුවන් යපනය සහ කිලිනොච්චිය යන ප්‍රදේශයන්හි පදිංචි අවුරුදු 39 සහ 44 යන වයස්හි පසුවන්නන් බව  පොලීසිය වැඩිදුරටත් පැවසීය.