(ඉන්දිකා  රාමනායක සහ අමදෝරු අමරජීව)

කින්නියා කුරුඤ්ඤන්කේනී හි පාලම් පාරුවක් පෙරළීමෙන්  අතුරුදන් පිරිසෙන්  පුද්ගලයන් 17 දෙනෙකු දැනට බේරා ගෙන ඇති බව නාවික හමුදාව පවසයි. බේරාගත් පිරිස අතර පාසල් ළමුන් තිදෙනකු ද සිටින බව නාවික හමුදාව කියයි.

 අනතුරට ලක්ව අතුරුදන් වූ පිරිස බේරා ගැනීම සඳහා නාවික හමුදාවේ විශේෂ යාත්‍රා බලඝණය, ක්ෂණික ක්‍රියාකාරී බලගණය , මැරීන් බලගණය ට අයත් විශේෂ කිමිදුම්  කණ්ඩායම් 8  ම යොදවා ඇතැයි ද නාවික හමුදා මාධ්‍ය ප්‍රකාශකවරයා පැවසීය.

මේ අතර මෙම සිද්ධියට විරෝධය පාමින් ප්‍රදේවාසිහු පිරිසක් කින්නියා ප්‍රාදේශීය ලේකම් කාර්යාලයට වටකමින් උද්ඝෝෂණයක නිරත වන බව අප වාර්තා කරුවෝ පවසති.  මෙම කලපුව හරහා ඉදිකරන පාලමේ වැඩ කටයුතු ප්‍රමාද කරන බව ඔවුහු චෝදනා කරති.

පොලිසිය, පොලිස් විශේෂ කාර්ය බළකාය සහ යුද හමුදාව ආරක්ෂාවට යොදවා ඇතැයි උසස් පොලිස් නිලධාරියෙක් පැැවසීය.

(අමදෝරු අමරජීව සහ ඉන්දිකා රාමනායක)

කින්නියා කුරුඤ්ඤන්කේනී හි පාලම් පාරුවක් පෙරළීමෙන් සිසුන් හය දෙනකු මියගොස් ඇතැයි පොලිසිය කියයි.

මෙම පිරිස අද පෙරවරුවේ පාසල් යමින් සිටියදී මෙම අනතුරට මුහුණ පා ඇත.

අනතුර සිදුවන අවස්ථාවේ එහි 20 දෙනකු පමණ ගමන් කර ඇති අතර ඉන් කීපදෙනකු පීනා ගොඩට ඇවිත් ඇතැයි ද දැනගන්නට ඇත.

කින්නියා සහ කුරුඤ්ඤන්කුලම යා කරමින් මෙම පාලම් පාරුව සේවයේ යොදවා ඇත්තේ දැනට එහි ඇති පරණ පාලම වෙනුවෙන් නව පාලමක් ඉදිකරන නිසා බව ද ප්‍රදේශවාසීහු පවසයි

මියගිය ගණන මීට වඩා ඉහළ යා හැකි බව ද පොලිසිය පවසයි. අතුරදහන් වුවන් සොයා පොලිසිය සහ නාවික හමුදාව මෙහෙයුමක් ආරම්භ කර ඇත.