(සුජිත් හේවාජුලිගේ)
පාර්ලිමේන්තු වෙබ් අඩවියේ අධිකරණ අමාත්ය නීතිඥ හර්ෂණ නානායක්කාර මහතාගේ නම ඉදිරියෙන් ආචාර්ය පදවියක් සඳහන් කිරීම සම්බන්ධයෙන් අපරාධ පරීක්ෂණ දෙපාර්තමේන්තුව පාර්ලිමේන්තුවේ ව්යවස්ථාදායක සේවා අධ්යක්ෂ ජයලත් පෙරේරා මහතාගෙන් අද (10) පැය පහකට ආසන්න කාලයක් ප්රශ්න කර ප්රකාශයක් සටහන් කරගත්තේය.
එම දෙපාර්තමේන්තුවෙන් කෙරුණු දැනුම්දීමක් අනුව ජයලත් පෙරේරා මහතා ඊයේ පෙරවරුවේ එහි පෙනී සිටියේය.
එම දෙපාර්තමේන්තුව මෙයට පෙරද ජයලත් පෙරේරා මහතාගෙන් ප්රකාශයක් සටහන් කරගෙන තිබිණ.
පාර්ලිමේන්තුව වෙබ් අඩවියට මන්ත්රීවරුන්ගේ නම් ඇතුළත් කිරීමේ වගකීම පැවරී ඇති සභා ලේඛන කාර්යාලය පවතින්නේ ව්යවස්ථාදායක සේවා අධ්යක්ෂවරයා යටතේය.
අපරාධ පරීක්ෂණ දෙපාර්තමේන්තුව මෙයට පෙර සභා ලේඛන කාර්යාලයේ ප්රධානියාගෙන්ද අමාත්ය හර්ෂණ නානායක්කාර මහතාගේ නම ඉදිරියෙන් ආචාර්ය පදවිය සඳහන් කළ එම කාර්යාලයේ සේවකයෙකුගෙන් සහ සේවිකාවකගෙන්ද ප්රශ්න කර ප්රකාශ සටහන් කර ගත්තේය.
එම දෙදෙනා අපරාධ පරීක්ෂණ දෙපාර්තමේන්තුව හමුවට කැඳවා මෙසේ ප්රකාශ සටහන් කරගෙන තිබිණ.
මේ අතර සභා නායක කාර්යාලයෙන් ලැබුණු ලිපියක සඳහන්ව තිබූ තොරතුරු අනුව හර්ෂන නානායක්කාර මහතාගේ නම ඉදිරියෙන් ආචාර්ය පදවියක් සඳහන් කළ බව එම සේවකයන් එහිදී සඳහන් කර ඇත. එම ලේඛනය සභා නායක කාර්යාලයට ලැබී තිබුණේ ආණ්ඩු පක්ෂයේ ප්රධාන සංවිධායක කාර්යාලයෙන් බව පාර්ලිමේන්තු ආරංචි මාර්ග සඳහන් කරයි.
මේ අනුව එම කාර්යාල නිලධාරීන්ගෙන්ද මේ පිළිබඳව ඉදිරියේදී ප්රශ්න කෙරෙනු ඇතැයි අපරාධ පරීක්ෂණ දෙපාර්තමේන්තුව ආරංචි මාර්ග සඳහන් කළේය.
පාර්ලිමේන්තුවේ වෙබ් අඩවියේ තමාගේ නම ඉදිරියෙන් ආචාර පදවියක් සඳහන් කිරීමෙන් තමාට අපහාසයක් සිදු වූ බව පවසමින් අධිකරණ අමාත්ය නීතිඥ හර්ෂණ නානායක්කාර මහතා අපරාධ පරීක්ෂණ දෙපාර්තමේන්තුවට පැමිණ පසුගියදා පැමිණිල්ලක් කළේය.
එම දෙපාර්තමේන්තුව මෙම විමර්ශනය ආරම්භ කළේ ඒ අනුවය.
මේ සිද්ධිය කතාබහට ලක්වීමෙන් පාර්ලිමේන්තුවේද පසුගියදා දැඩි උණුසුම් තත්ත්වයක් ඇතිවිය.
එකම අංකයෙන් ධාවනය වූ ටොයටා ප්රියස් වර්ගයේ මෝටර් රථ දෙකක් අත්අඩංගුවට ගැනීමට වලාන මධ්යම දූෂණ මර්දන ප්රහාරයක ඒකකය සමත්ව ඇත .
අයතා ලෙස උපයාගත්තේ යැයි කියන රුපියල් මිලියන 15ක මුදලක් එන් ආර් කනසල්ටන්සි සමාගමේ ආයෝජනය කිරීමෙන් මුදල් විශුද්ධිකරණය වැළැක්වීමේ පනත යටතේ වරදක් කලේ යැය
පාර්ලිමේන්තුවේ තොරතුරු පද්ධති සහ කළමනාකරණ දෙපාර්තමේන්තුවේ ඇතැම් සේවිකාවන්ට සිදු වී ඇතැයි පැවසෙන ලිංගික හිංසන සම්බන්ධයෙන් පාර්ලිමේන්තු මන්ත්රීවර
එක්සත් අරාබි එමීර් රාජ්යය හා ශ්රී ලංකාව අතර ආර්ථික හා ආයෝජන සබඳතා ශක්තිමත් කිරීම සඳහා ප්රවර්ධන හා අන්යෝන්ය ආයෝජන ආරක්ෂණ ගිවිසුමක් එක්සත් අරාබි
කළු ගගේ මුහුණ සේදීමට ගිය පුද්ගලයෙකු කිඹුලෙකු ඩැහැගෙන ගොස් ඇති බවට ලද සාක්ෂියක් මත පරීක්ෂණ ආරම්භ කළ බව කළුතර උතුර පොලිසිය පවසයි.
පැයක විදුලි කප්පාදුවක් අද (13) දින ක්රියාත්මක කරන බව විදුලි බල මණ්ඩලය මීට සුළු මොහොතකට නිවේදනය කළේය.
ශ්රී ලංකාවේ අංක එකේ පාරිභෝගික ඉලෙක්ට්රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්රී ලංකාවට හදුන්වාදෙන ලදි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
පාර්ලිමේන්තුවේ සේවා ලොක්කාගෙන් පැය 5ක ප්රකාශයක්
swene Saturday, 18 January 2025 07:42 AM
එමිල් රංජන් ළමා හේවාට තම දෑත බදලා සම්මාන දීපු එක ගැනත් විමර්ශන තිබුණොත් නේද හොඳ? කොහොම වුවත්, ඉදිරියේදී සම්මාන දීමේ උත්සව වලින් වැළකී සිටිනවා නම් හොඳයි. එක එක වැඩකට නැති සමිති සමාගම් වලින් අත දිග හැරලා සම්මාන දෙන නිසා...
Bunny Preena Saturday, 18 January 2025 09:25 AM
හර්ෂණ නානායක්කාරට නම් අවුරුදු 5ක් යනකන්ම ඇදගෙන යන්න පුළුවන් ව්යාපෘතියක් ලැබිලා තියෙනවා.
Kamal Koyrala Sunday, 19 January 2025 03:03 PM
පාර්ලිමේන්තුවේ වග කිව යුත්තන් මේවා වෙබ් අඩවියට ඇතුළත් කිරීමට සත්ය අසත්ය භාවය සොයාබැලිය යුතුයි. මෙය වගකීම් විරහිත ක්රියාවක් නිසා ඇති වූ තත්වයක්...