(බිමල් ශ්‍යාමන් ජයසිංහ)

සංවිධානාත්මක අපරාධ කරුවකු වන  "වැල්ලම්පිටියේ අමල් නොහොත් පරිප්පුවා" නැමැත්තාගේ  ගෝලයන් සිව්දෙනෙකු  තියුණු ආයුධ සමඟ කැලණිතිස්ස වේරගොඩ ප්‍රදේශයේ දී අත්අඩංගුවට ගත් බව කොළඹ අපරාධ කොට්ඨාසය කියයි 

ඒ අතර  "ඉන්නම්බි" නමැති අපරාධකරු ද සිටින බව පොලීසිය සඳහන් කරයි

සැකකරුවන් සන්තකයේ තිබී කඩු හතරක් උල් පිහි දෙකක් පොලිසිය භාරයට ගෙන ඇත 

පරිප්පුවා නැමැති සංවිධානාත්මක අපරාධකරු  තවත් පුද්ගලයන් සිව් දෙනෙකු සමඟ කිසියම් අපරාධයකට යමින් සිටින බවට කොළඹ අපරාධ කොට්ඨාසයේ සංවිධානාත්මක අපරාධ විමර්ශන ඒකකයට ලද රහසිගත තොරතුරක් අනුව  වහා ක්‍රියාත්මක වූ එම ඒකකයේ නිලධාරීන් සැකකරුවන් අත්අඩංගුවට ගැනීමට සමත්වී ඇත 

සැකකරුවන් පැමිණෙමින් සිටි  වේරගොඩ ප්‍රදේශය වැටලීමේදී එම කණ්ඩායම මෙහෙයවූ බව කියන පරිප්පුවා නැමැති  සංවිධානාත්මක අපරාධ කරු පලා ගිය බව පොලිස් නිලධාරියෙක් පැවැසීය 

මිනීමැරුම්, මුදල් බලෙන්  ලබා ගැනීම් සහ කොල්ලකෑම් රැසකට චෝදනා ලැබූවෙක් වෙන  පරිප්පුවා නැමැති සංවිධානාත්මක අපරාධ කරු ට එරෙහිව නඩු ගණනාවක් අධිකරණ කීපයක විභාග වෙමින් පවතින බව පොලිසිය සඳහන් කරයි 

අත්අඩංගුවට ගත් සැකකරුවන්ද විවිධ චෝදනා ලැබූ වන් බවත් පොලීසිය වැඩිදුරටත් සඳහන් කරයි 

බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ  සෘජු අධීක්ෂණය යටතේ කොළඹ අපරාධ කොට්ඨාසයේ වැඩබලන අධ්‍යක්ෂක සහකාර පොලිස් අධිකාරි නෙවිල් ද සිල්වා ස්ථානාධිපති ප්‍රධාන පොලිස් පරීක්ෂක ඇන්සලම් ද සිල්වා මහතාගේ මෙහෙයවීමෙන් සංවිධානාත්මක අපරාධ විමර්ශන ඒකකයේ ස්ථානාධිපති පොලිස් පරීක්ෂක  කේ එම් සි එස් කුමාරසිරි උප පොලිස් පරීක්ෂක බණ්ඩාර ,පොලිස් කොස්තාපල්වරුන් වන 88139 ලසන්ත ,91282 ජයවර්ධන 91691 චතුරංග 1117 මධුමාල,3122 උදයංග 11509 චතුරංග 97134 අමල් 97143 ජයලාල් 94757 මානවසිංහ මහත්තුරු පරීක්ෂණ පවත්වයි