IMG-LOGO

2024 ජුලි මස 15 වන සඳුදා


තෙවන වරටත් ඉන්දියාව මෝදිට

(විමුක්ති එස් රුද්‍රිගු)

ලැබූ මැතිවරණ ජයග්‍රහණයත් සමඟ ජාතික ප්‍රජාතන්ත්‍රවාදී සන්ධානය පිහිටුවන නව රජයේ අග්‍රාමාත්‍ය ධුරය සඳහා නරේන්ද්‍ර මෝදි මහතා නම් කරන බවත් ඒ අනුව තෙවැනි වතාවටත් නරේන්ද්‍ර මෝදි මහතා ඉන්දීය අග්‍රාමාත්‍ය ධුරය හොබවනු ඇති බවත් එම සන්ධානය නිවේදනයක් නිකුත් කරමින් ප්‍රකාශ කළේය.

තෙවැනි වතාවටත් ඉන්දීය මහ මැතිවරණය ජාතික ප්‍රජාතන්ත්‍රවාදී සන්ධානය ජයග්‍රහණය කිරීමේ සතුට සමරමින් අග්‍රාමාත්‍ය නරේන්ද්‍ර මෝදි මහතා ජනතාව ඇමතූ අතර එහිදී ඔහු කියා සිටියේ මෙම ජයග්‍රහණය ජනතාව ලැබූ ජයග්‍රහණයක් බවත් ප්‍රජාතන්ත්‍රවාදය ලැබූ විශාලතම ජයග්‍රහණයක් බවත්ය.

භාරතීය ජනතා පක්ෂය ප්‍රමුඛ ජාතික ප්‍රජාතන්ත්‍රවාදී සන්ධානය මෙවර මැතිවරණය ජයග්‍රහණය කළත් පක්ෂයක් ලෙස 18 වැනි ලොක් සභාවේ බහුතර බලය හිමිකර ගැනීමට භාරතීය ජනතා පක්ෂයට හැකියාවක් ලැබී නැතැයි ඉන්දීය මාධ්‍ය වාර්තා කළේය.

2019 වසරේදී පැවැති මහ මැතිවරණයේදී භාරතීය ජනතා පක්ෂය සියයට 37.36ක ඡන්ද ප්‍රතිශතයක් ලබා ගනිමින් ආසන 303 ක් දිනා ගැනීමට සමත් වූවේය.එම ඡන්ද ප්‍රතිශතය 1989 වසරෙන් පසුව මහ මැතිවරණයකදී පක්ෂයක් ලබාගත් වැඩිම ඡන්ද ප්‍රතිශතයද විය.

ලොක් සභාව තුළ ආසන 400 දිනා ගැනීමේ අරමුණින් ඡන්ද සටන ඇරඹුවත් ප්‍රකාශිත සහ අපේක්ෂිත ඡන්ද ප්‍රතිඵල මත භාරතීය ජනතා පක්ෂය ප්‍රමුඛ ජාතික ප්‍රජාතන්ත්‍රවාදී සන්ධානයට ආසන 300 ආසන්නයට පැමිණ සෑහීමකට පත්වීමට සිදුවිය.රාහුල් ගාන්ධිගේ ඉන්දීය කොංග්‍රස් පක්ෂය ප්‍රමුඛ "ඉන්දියා" සන්ධානය මෙවර මැතිවරණයේදී කැපී පෙනෙන ලෙස ඉදිරියට පැමිණියේය.

ඉන්දීය මහ මැතිවරණයේ ආසන 440 ක නිල ඡන්ද ප්‍රතිඵල ඊයේ(04) රාත්‍රිය වනවිට ප්‍රකාශයට පත්වී තිබූ අතර ඉන් භාරතීය ජනතා පක්ෂයට ආසන 209 ක් ජයග්‍රහණය කිරීමට හැකියාව ලැබුණේය.ඉන්දීය කොංග්‍රස් පක්ෂය ආසන 80 ක් ජයග්‍රහණය කළ අතර සමාජවාදී පක්ෂය ආසන 33 ක් ජයග්‍රහණය කළේය. එසේම ත්‍රිනමුල් කොංග්‍රසය ආසන 22 ජයග්‍රහණය කිරීමට සමත් විය.

මෙවර මහ මැතිවරණය අදියර 7 කින් පැවැති අතර ඒ සඳහා ඡන්දදායකයන් මිලියන 911.9ක් ලියාපදිංචිවී සිටියේය. අදියර 7 අවසානයේ මිලියන 644.08 ක පිරිසක් ඡන්දය ප්‍රකාශ කර තිබිණි. එය ප්‍රතිශතයක් ලෙස සියයට 61.63 ක් විය.

ඡන්දය ප්‍රකාශ කිරීමේ කටයුතු පසුගිය 1 වැනිදා අවසන් වූ අතර ඡන්දය ගණන් කිරීමේ කටයුතු ඊයේ(04) උදෑසන 8 ට ආරම්භ වූවේය.ආසන 543 කින් යුත් ලොක් සභාවේ බහුතර බලය හිමිකර ගැනීම සඳහා ආසන 272 ක් දිනාගත යුතුව තිබූ නමුත් තනි දේශපාලන පක්ෂයකට එම කඩඉම පසු කිරීමට මෙවර නොහැකි විය.

ඒ අනුව ප්‍රකාශිත සහ අපේක්ෂිත ඡන්ද ප්‍රතිඵල අනුව භාරතීය ජනතා පක්ෂය ප්‍රමුඛ ජාතික ප්‍රජාතන්ත්‍රවාදී සන්ධානයට ලොක් සභාව තුළ ආසන 292 ක් ලබා ගනු ඇති බවත් රාහුල් ගාන්ධිගේ ඉන්දීය කොංග්‍රස් පක්ෂය ප්‍රමුඛ "ඉන්දියා" සන්ධානය ආසන 234 ක් ලබා ගනු ඇති බවත් දේශපාලන විචාරකයෝ පුරෝකථනය කළහ.එසේම භාරතීය ජනතා පක්ෂය තනිව ලොක් සභාව තුළ ආසන 240 ක් හිමිකර ගනු ඇතැයිද දේශපාලන විචාරකයෝ පුරෝකථනය කළහ.

ඊයේ(04) රාත්‍රී 10.30 වන විට තවත් ආසන 103 නිල ඡන්ද ප්‍රතිඵල නිකුත් කිරීමට ඉතිරිව තිබිණි.

----------------------------------------------

මෝදිට බහුතරය තියෙනවා

---------------------

ඉන්දීය පාර්ලිමේන්තුවේ නියෝජිත මන්ත්‍රී මණ්ඩලය හෙවත් ලොක් සභාවේ බහුතර බලය යළිත් වරක් හිමිකර ගැනීමට අග්‍රාමාත්‍ය නරේන්ද්‍ර මෝදි ප්‍රමුඛ ඔහුගේ භාරතීය ජනතා පක්ෂ අයත් ‘ජාතික ප්‍රජාතන්ත්‍රවාදී සන්ධානය’ මේ වනවිට සමත් වී සිටී.

ඉන්දීය මහ මැතිවරණය පැවැත් වූයේ ලොක් සභාවේ ආසන 543 සඤහා නියෝජිතයන් තෝරා ගැනීමටය.

බහුතරය සඳහා ආසන 272 ක් දිනාගත යුතුව තිබුණු අතර, මෝදි සහ ඔහුගේ පක්ෂය අයත් ‘ජාතික ප්‍රජාතන්ත්‍රවාදී සන්ධානය’ ආසන 297 ක් දිනාගෙන ඇතැයි ඉන්දීය මාධ්‍ය පවසයි.

ඉන්දියාවේ ප්‍රධාන විපක්ෂ දේශපාලන කණ්ඩායම වන ‘කොග්‍රස් පක්ෂය’ අයත් ‘ඉන්දියා’ විපක්ෂ සන්ධානය දිනා ගෙන ඇත්තේ ආසන 213 කි.

කෙසේ නමුත් අග්‍රාමාත්‍ය මෝදිගේ මෙවර ඉලක්කය වූයේ පාර්ලිමේන්තුවේ ආසන 400 සීමාව පසු කිරීමටය. එම ඉලක්කය කරා යෑම මෝදි සහ ඔහුගේ පක්ෂයට ගැටලුවක් වී තිබේ.

(එන්.ඩී.ටීවී.)



අදහස් (11)

තෙවන වරටත් ඉන්දියාව මෝදිට

BITTER TRUTH Tuesday, 04 June 2024 10:52 AM

පොහොට්ටුවේ පිරිසක් මාලිමා රැස්වීම් වලට ගිහින් මාලිමාවේ කට්ටිය වගේ එතන ප්‍රශ්න ඇතිකරන එක තමා අලුත්ම ප්ලෑන . ජනතාව අවදානයෙන් .

:       192       55

BITTER TRUTH Tuesday, 04 June 2024 10:53 AM

ආණ්ඩුව සහ බලු රාජපක්ෂවරුන් මුදල් දීලා වල් වහල් බයියන් පිරිසක් සුදානම් කරලා තියන බව රාජපක්ෂ වරුන්ට සමීප ඔත්තුකරුවෙක් ඔත්තුවක් ලබා දී ඇත . මෙයින් ඔවුන් කරන්නේ රජයට සහා රාජපක්ෂ කල්ලියට විරුද්ද කොමෙන්ට් සහා පෝස්ට් අන්ලයික් කර ඒවාට පොදු ජනතාව මෙන් රජයට සහා රාජපක්ෂ කල්ලියට සහායෝගය දෙන ආකාරයට රිප්ලයි කිරීම. තවද , FACEBOOK, INSTRAGRAM , YOUTUBE වැනි සමාජ මාධ්‍ය PAGE සහා GROUP භාවිතා කරමින්ද රජයට සහා රාජපක්ෂ කල්ලියට සහයෝගය කරන මෙන් ප්‍රචාරය සිදු කරයි .මෙහිදී ඔවුන් විශේෂයෙන් ජාතිවාදය සහා රට සුළු ජාතින් නිසා විනාශ වන බව පෙන්වා දෙයි . පොදු ජනතාව අවදානයෙන් සිටින මෙන් ඉල්ලා සිටිමු . මෙය පිළිබදව ඔබගේ පවුලේ උදවිය සහා මිතුරන් දැනුවත් කරන්න .තවද පොහොට්ටුවේ පිරිසක් මාලිමා රැස්වීම් වලට ගිහින් මාලිමාවේ කට්ටිය වගේ එතන ප්‍රශ්න ඇතිකරන එක තමා අලුත්ම ප්ලැන . ජනතාව අවදානයෙන් .

:       153       41

kamal koyrala Tuesday, 04 June 2024 03:50 PM

නියමයි ජය වේවා .උතුරේ ජනාධිපතිවරණය වර්ජනය කරනවලු එකත් රටත් එකක්ම මොදිට තමා

:       97       33

Rohana Tuesday, 04 June 2024 03:50 PM

ආසන 400 කෙසේවෙතත් මෝදි නූලෙන් බේරිලා තියෙනවා.බලය අධිතක්සේරුකිරීම නොකළ යුතුයි.

:       3       104

Chandra muna Tuesday, 04 June 2024 04:33 PM

නමුත් Modi ගෙ BJP පක්ෂයට තනිව බහුතර ය නොමැත

:       0       10

DM Tuesday, 04 June 2024 04:39 PM

මොදිගේ මේ ධුර කාලයේදී ලංකාව තවත් ඉන්දියාවේ පාලනයට යටත් වෙනවා. රැකියා නැති ඉන්දියානුවන් තොග පිටින් ලංකාවට පටවනවා. අපි ඉවරෙටම ඉවරයි. අපේ මෝඩ ජනතාවට මේක තේරෙන්නේ නැහැ.

:       4       11

Marikkar Tuesday, 04 June 2024 06:00 PM

මෝදි ගෙදර යනවා නොඅනුමානයි. භාරතීය ජනතා පක්ෂයෙන් නව අගමැතිවරයෙක් බිහිවනු ඇත. කෙසේ වෙතත් එල්ලෙන බලය බෙදීම හේතුවෙන් නව අග්‍රාමාත්‍යවරයාගේ ධූර කාලය ස්ථාවර නොවනු ඇත.

:       3       6

Kasun Wednesday, 05 June 2024 05:40 AM

එහෙ 3% කට්ටිය නැතිව ඇති .මතකනේ 2015 කියපුවා .අවුරුදු 5 කින් රට දියුණු කරන්නේ නැතිව තව 5 කින් කොහොම කරන්නද කියලා අපිට කිව්වේ .අපිත් අහු උනා බොරු වලට

:       6       7

nimal Wednesday, 05 June 2024 09:51 AM

මොදිගේ සාර්ථකත්වයේ සහ ජයග්‍රහණයේ රහස නම් හිටපු ඉන්දීය අග්‍රාමාත්‍ය ධුරය හොබවූ මන් මොහාන් සිං අගමැතිවරයා දැමු පදනම් වෙනසක් නොකර ඒ ආකාරයෙන්ම ඉදිරියට ගෙනයාමට කටයුතු කිරීම වේ

:       1       11

Nimal Wednesday, 05 June 2024 11:30 AM

මෙතැන පණ්ඩිත කතා කිව්වට වැඩක් නෑ. ඉන්දියාව කියන්නේ මොන අතින් ගත්තත් අපිට වඩා ඉතා විශාල ගුණයකින් ලොකු රටක්. ඉන්දියාවත් එක්ක ගහගන්න අපිට කොහොමවත් බෑ. කරන්න තියෙන්නේ අවුස්සගන්නේ නැතිව, අපිට පාඩුවක් නොවෙන්න, අපේ වැඩ කරගන්න එක...

:       2       5

sene Wednesday, 05 June 2024 04:34 PM

නූලෙන් බේරුණා. තමන්ගේ අදි ධනපති යහළුවන් වෙනුවෙන් බිම් මට්ටමේ ජනතාව අමතක කළ මොහුට වුණු දේ අපේ අයටත් වෙනවා නියතයි...

:       0       0

ඔබේ අදහස් එවන්න

දියත

එන්නතක් විසවී දරුවන් 11කට අසාධ්‍යයි
2024 ජුලි මස 15 712 0

පාසල් දරුවන් පිරිසකට මිහින්තලේ රෝහලෙන් ලබාදුන් එන්නතක් හේතුවෙන් පාසල් සිසුන් එකළොස් දෙනකු ආසාධ්‍ය තත්වයට පත්ව අනුරාධපුර ශික්ෂණ රෝහලට ඇතුලත් කොට ති


නාම යෝජනා කැඳවන දිනය මේ මස අග
2024 ජුලි මස 14 391 0

ජනාධිපතිවරණයට නාම යෝජනා කැඳවන දිනය මෙම මස අගදී මැතිවරණ කොමිසම ප්‍රකාශයට පත් කරනු ඇතැයි එම කොමිසමේ සභාපති එන්.එම්.ආර්.එල්. රත්නායක මහතා ප්‍රකාශ කළේය.


පාතාලය මර්දනය කරනු- මැති ඇමැතිවරු ඉල්ලති
2024 ජුලි මස 14 613 0

පාතාලය මර්දනය කිරීමට දැඩි වැඩපිළිවෙළක් ක්‍රියාත්මක කළ යුතු බවට මැති ඇමතිවරුන් පිරිසක් ජනාධිපතිවරයාගෙන් දැඩිව ඉල්ලීමක් කර ඇතැයි වාර්තා වේ.


තනතුරුවලින් මාව ඉවත් කරන්න කාටවත් බෑ
2024 ජුලි මස 14 654 0

සමඟි ජන බලවේගයේ සභාපති ධූරයෙන් සහ කැලණිය ආසනයේ සංවිධායක ධුරයෙන් තමන් ඉවත් කිරීමට කිසිවෙක්ට නොහැකි බවත් එසේ කළනොහැකි ලෙස අධිකරණය පැනවූ වාරණ නියෝගය මේ


පොහොට්ටුව ජනපතිට සති 2 ක් කල් දෙයි
2024 ජුලි මස 14 897 0

සමග ජන බලවේගය ඇතුළු විපක්ෂයේ දේශපාලන පක්ෂ වලින් මන්ත්‍රීවරුන් විසිපස් දෙනෙකු කැඳවාගැනීම සඳහා ශ්‍රී ලංකා පොදු ජන පෙරමුණ ජනාධිපති රනිල් වික්‍රමසිංහ ම


මැකෝ මුදල් ලොක්කෝ කැඳවයි
2024 ජුලි මස 14 314 0

ජනාධිපතිවරණයේ කටයුතු සඳහා අවශ්‍ය මුදල් පිළිබඳව විමසීම සඳහා මහා භාණ්ඩාගාරයේ ප්‍රධානීන් මැතිවරණ කොමිෂන් සභාවට 17 වැනිදා කැඳවූ බව එහි සභාපති ආර්. එම්.ඒ


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 59 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 918 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1801 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site