(මනෝප්‍රිය ගුණසේකර)

තරුණයකුට ක්‍රිකට් පොලු ඇතුළු පොලු වලින් පහරදී ඝාතනය කිරීමේ චෝදනාවන්ට වරදකරුවන් වු මෝදර ප්‍රදේශයේ පුද්ගලයින් 07 දෙනෙකුගෙන් පස්දෙනකුට මරණීය දණ්ඩනය නියම කළ කොළඹ මහාධිකරණ විනිසුරු නවරත්න මාරසිංහ මහතා දෙදෙනකුට ජීවීතාන්තය දක්වා වු සිරදඬුවම් අද (28) නියම කළේය.

මේ වන විට වයස අවුරුදු 27 හා 29 වැනි වයස්වල පසුවුවත් අපරාධය සිදුවන අවස්ථාව වන විට බාලවයස්කරුවන් ලෙස අවුරුදු 15 සහ 17 වැනි වයස්වල පසුවීම නිසා විත්තිකරුවන දෙදෙනාට මෙලෙස ජීවීතාන්තය දක්වා වු සිරදඬුවම් නියම කෙරිණී.

වසර 13කට පෙර 21 වැනි පසුවු ෆැන්සිස් සුරංජන් නමැති තරුණයාට කළ මෙම අපරාධය සම්බන්ධයෙන් විත්තිකරුවන්ට එරෙහි චෝදනා පැමිණීල්ල විසින් සාධාරණ සැකයකින් තොරව ඔප්පු කර ඇතැයි තීරණය කරමින් ඔවුන් වරදකරුවන් කරමින් විනිසුරුවරයා එලෙස දඬුවම් නියම කළේය.

2012 සැප්තැම්බර් 26 වැනිදා හෝ ඊට ආසන්න දිනයක මෝදරදී ෆැන්සිස් සුරංජන් නමැත්තාට ක්‍රිකට් පොලු ඇතු`ථ පොලු වලින් පහරදී ඝාතනය කළ බවට විත්තිකරුවන් නවදෙනකුට එරෙහිව නීතීපතිවරයා නඩු පවරා තිබිණී.

නඩු විභාගය අතරතුරදී විත්තිකරුවන් දෙදෙනෙකු මිය යෑම හේතූවෙන් විත්තිකරුවන් හත්දෙනෙකුට එරෙහිව නඩුව විභාග කෙරිණී.

මේ සම්බන්ධයෙන් පැවැති දීරඝ නඩු විභාගයේදී කෝවිල් දෙකක් අතර ඇති නිවසකදී පහරකෑමට ලක්වු මියගිය තරුණයා රෝහලට ගෙන යන අතරතුරදී මියගොස් ඇති බව සාක්කි වලින් අනාවරණය විය.

ඉදිරිපත්වු සියළු කරුණු සළකා බැලීමෙන් අනතතුරුව විත්තිකරුවන්ට එරෙහි චෝදනා පැමිණීල්ල විසින් සාධාරණ සැකයකින් තොරව ඔප්පු කර ඇතැයි විනිසුරුවරයා තීන්දු කළේය.

විත්තිකරුවන්ට දඬුවම් ලිහිල් කිරීම සඳහා හේතූ ඇත්නම් ඉදිරිපත් කරන ලෙස දැනුම් දුන් අවස්ථාවේදී විත්ති කූඩුවේ සිට ද්‍රවිඩ සහ සිංහල භාෂා වලින් අධිකරණය ඇමතූ විත්තිකරුවෝ තමන් මෙම අපරාධයට කිසිඳු සම්බන්ධයක් නැතැයිද එහෙයින් තමන්ට ලිහිල් දඩුවම් දෙන්නැයි ඉල්ලා සිටියහ.

සිය`ථ කරුණු සළකා බැලීමෙන් අනතුරුව විනිසුරුවරයා විත්තිකරුවන් 07 දෙනාගෙන් පස්දෙනකුට මරණීය දණ්ඩනය නියම කළ විනිසුරුවරයා දෙදෙනකුට ජීවීතාන්තය දක්වා වු සිරදඬුවම් නියම කළේය.