(සුජිත් හේවාජුලිගේ)

ඩෙංගු සහ චිකුන් ගුන්යා වැළඳුණු දරුවන්ගේ වැඩිවීමක් පෙන්නුම් කරන බව කොළඹ රිජ්වේ ආර්යා ළමා රෝහලේ  ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා පැවසීය.

වැස්ස සමග මෙම රෝග පැතිරීම තවදුරටත් වර්ධනය විය හැකි බව පැවසූ වෛද්‍යවරයා හැකි සෑම අවස්ථාවකම ගෙවත්තේ සහ  ආයතනවල මදුරුවන් බෝවන ස්ථාන විනාශ කිරීමට කටයුතු කරන ලෙස ජනතාවගෙන් ඉල්ලීමක් කරයි.

දින දෙකකට  වඩා උණ පවතී නම් ඩෙංගු පරීක්ෂාවක් කර ගන්නා ලෙසටද ඔහු ඉල්ලීමක් කරයි. හන්දිපත් වේදනාව දිගටම පවතින්නේ නම් එය  චිකුන් ගුණ්‍ය  රෝග ලක්ෂණයක් විය හැකි  බව දීපාල් පෙරේරා මහතා වැඩිදුරටත්  පෙන්වා දෙයි.