( රොමේෂ් මධුෂංඛ)

වවුනියාව, පූවරසන්කුලම, මඩුකුලම වැව් බැම්මේ ගමන්ගත් ට්‍රැක්ටරයක් පෙරළීමෙන් වයස අවුරුදු 15 ක දරුවෙකු මියගොස් තවත් දරුවෙකු බරපතල තුවාල ලබා ඇති බව පූවරසන්කුලම පොලිසිය පවසයි.

දරුවන් දෙදෙනා ට්‍රැක්ටරයේ පසුපස ගමන්ගත් අවස්ථාවේ ට්‍රැක්ටරය පාලනය කරගැනීමට නොහැකිව වැව් බැම්මෙන් පෙරළී යාමෙන් මෙම අනතුර සිදුව ඇති බවටය.

ට්‍රැක්ටරය පෙරලී සිදුවූ අනතුරින් බරපතල තුවාල ලැබූ වයස අවුරුදු 15 ක් වන දරුවන් දෙදෙනෙකු වවුනියාව රෝහලට යොමුකොට ඇති අතර, එහිදි පූවරසන්කුලම ප්‍රදේශයේ පදිංචි එස්.සදූෂන් නමැති දරුවෙකු ජිවිතක්ෂයට පත්ව ඇත.

ට්‍රැක්ටර රථයේ රියදුරුට ට්‍රැක්ටර රථය පාලනය කර ගැනීමට නොහැකිවීමෙන් ට්‍රැක්ටර රථය වැව් බැම්මෙන් පෙරළී ගොස් ඇති බවද පොලිසිය පැවසීය.