(ඉන්දිකා  රාමනායක)

ජාතික  ජනබලවේගයේ   ගම්පහ දිසා සමුළුවට ගිය  එහි නායක   අනුර කුමාර දිසානායක  මහතාගේ රථයට බිත්තර ප්‍රහාරයක් එල්ල කිරීමේ සිද්ධිය සම්බන්ධයෙන් පුද්ගලයන්  25 දෙනකුගෙන්  පමණ ප්‍රකාශ සටහන් කරගෙන ඇති බවද  පොලිසිය පවසයි.

අවට   පිරිසගෙන්  මෙම ප්‍රකාශ  සටහන් කරගෙන ඇති බවත් සිද්ධියට අදාල, ස්ථාන රැසක  සී.සී.ටී.වී  කැමරා  දර්ශන  ද පරීක්ෂාවට ලක්කර ඇති බව පොලිසියේ උසස් නිලධාරියෙක් පැවසීය. 

බිත්තර ප්‍රහාරයට එල්ල කර පලාගිය සැකකරුවන් රැසක් හදුනාගෙන ඇති බවද  එම උසස් පොලිස්  නිලධාරියා කියා සිටියේය.

මේ සම්බන්ධයෙන්   නිට්ටඹුව පොලිස් ස්ථානයට මෙතෙක් පැමිණිල්ලක්  ඉදිරිපත් කර නොමැති බවද පොලිසිය පවසයි.

මෙම සිද්ධියේ  ජාතික  ජන බලවේගය පක්ෂයේ පුද්ගලයකු සැකකරුවන්ගේ පහර කෑමට ලක්ව තුවාල ලබා  රෝහල් ගත වී ඇති  බවත් එම පැමිණිල්ල පමණක්  නිට්ටඹුව පොලිසිය වෙත ලැබී ඇති බවද   එම උසස් පොලිස් නිලධාරියා කියා සිටියේය.