(සුජිත් හේවාජුලිගේ )
ජලසම්පාදන සහ වතු යටිතල පහසුකම් සංවර්ධන අමාත්යාංශයට චීන රජය ප්රදානයක් වශයෙන් ලබාදී ඇති රුපියල් කෝටි 4ක් පමණ වටිනා ඡංගම ජල තත්ව පරීක්ෂණ රථය කිසිදු පරීක්ෂණ කටයුත්තක් සඳහා යොදා නොගෙන අමාත්යංශ පරිශ්රයේ ගාල්කර ඇතැයි ජාතික විගණන කාර්යාලය නිකුත් කළඅලුත්ම වාර්තාවක සඳහන් වේ.
එසේම අමාත්යාංශයේ තවත් වාහන තුනක් එහි කටයුතු සඳහා යොදා නොගෙන අමාත්යාංශ පරිශ්රයෙහි ගාල් කර ඇති බවද එම වාර්තාවේ දැක්වෙයි.
ජාතික ජල සම්පාදන හා ජලාපවාහන මණ්ඩලයට අයත් වාහන හතරක් පසුගිය වසරේදී ජලසම්පාදන සහ වතු යටිතල පහසුකම් සංවර්ධන අමාත්ය කාර්ය මණ්ඩලයේ පරිහරණයට මුදල් අමාත්යාංශයේ අවසරයකින් තොරව යොදාගෙන ඇතැයිද විගණන විමර්ශනවලදී තොරතුරු අනාවරණයවී ඇත.
රාජ්ය ව්යවසාය අරමුදල්වලින් මිලදී ගත් වාහන අමාත්යාංශ දෙපාර්තමේන්තු හා අනෙකුත් ආයතන පාවිච්චි කරන්නේ නම් ඒ සඳහා මුදල් අමාත්යාංශයේ පූර්ව අනුමැතියක් ගත යුතු බව ජාතික විගණන කාර්යාලය පවසයි.
මේ අතර අමාත්ය වරයාගේ පෞද්ගලික ලේකම්වරයාට ලබාදී තිබු රුපියල් එක්කෝටි විසි ලක්ෂයක් පමණ වටිනා වාහනයක් රාජ්ය අමාත්යාංශය අහෝසිවීමෙන් පසු අමාත්යාංශයට බාරදී තිබූ අවස්ථාවේදී අනතුරට ලක්ව ඇති බවත් මේ පිළිබඳව පොලීසිය දැනුවත් නොකිරීම නිසා එහි අලූත්වැඩියා වියදමවූ රුපියල් පන්ලක්ෂ හැත්තෑ දෙදහසක මුදල ගෙවීම රක්ෂණ ආයතනය ප්රතික්ෂේප කර තිබූ බවත් විගණන අංශ පවසයි.
කෙසේ නමුත් රජයට සිදුවූ පාඩුවට වගකිවයුතු අය හඳුනාගෙන ඔවුන්ගෙන් එම මුදල් අයකරගැනීමට මේ වර්ෂයේ මාර්තු 27 වැනිදා වනවිටද කටයුතු කර නොතිබූ බව ජාතික විගණන කාර්යාලය පවසයි.
මේ තොරතුරු සඳහන් වන්නේ ජලසම්පාදන හා වතු යටිතල පහසුකම් සංවර්ධන අමාත්යාංශයේ 2022 වාර්ෂික කාර්ය සාධන වාර්තාවේය.
පොල් කිරි අපනයනය කිරීම මගින් 2024 පෙබරවාරි මාසයේ රුපියල් මිලියන 2971ක මුදලක් උපයා ඇතැයි පොල් සංවර්ධන අධිකාරිය පවසයි.
ඉන්දියාවෙන් ආනයනය කළ බිත්තර ලක්ෂ 50 ක පමණ තොගයක් රට තුළ පවතින බවත් ඒ හේතුවෙන් බිත්තර ආනයනය සීමා කළ බවත් රාජ්ය වාණිජ විවිධ නීතිගත සංස්ථාවේ සභාපති ආසිරි
ගෑන්ඩ්පාස් ස්ටේට් පාරේදී පුද්ගලයෙකුට කතුරකින් ඇණ ඝාතනය කල පුද්ගලයකු අත්අඩංගුවට ගත් බව ග්රෑන්ඩ්පාස් පොලිසිය කියයි.
කන්කසන්තුරේ තිස්ස රජ මහා විහාරයට ඇතැම් ද්රවිඩ දේශපාලඥයන් වරින්වර පැමිණ වන්දනා නඩවලට අවහිරයක් වන අන්දමින් කටයුතු කිරීම ජාතික ආරක්ෂාවට බරපතළ තර්ජන
නරක් වූ මාළු කන්ටේනර් එකසිය දෙකක් රටට ගෙන ඒමේ සිද්ධිය අපරාධමය වරදක් වන හෙයින් ඒ සම්බන්ධයෙන් අපරාධ පරීක්ෂණ දෙපාර්තමේන්තුවට පැමිණිලි කරන ලෙස රජයේ මුදල
රට වෙනුවෙන් ඉදිරිපත් කරන ආර්ථික වැඩපිළිවෙළ සම්බන්ධයෙන් විවාදයකට එන්නැයි ජාතික ජන බලවේගය පක්ෂයේ නායකයන්ට අභියෝගයක් කරන බව සමගි ජන බලවේගයේ කුරුණෑගල
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
කෝටි 4 ක ජල පරීක්ෂණ රථය කැලෑවට ඇරලා
aravinda Monarawila Thursday, 01 June 2023 04:50 PM
චීනගෙන් නොවෙයි දෙවියන්ගෙන් වුණත් නිකන් හමුවෙන ඒවා වැඩක් නෑ.... කෝටිගණන් කොමිස් ගහලා ගෙනාවා නම් උපරිමයට වැඩගන්න හැටි දන්න අපේ දේශපාලකයෝ...
ravin Thursday, 01 June 2023 05:37 PM
මෙවැනි අක්රමිකතා එදිනෙදා අසන්නට නොලැබුණු දවසට සෞභාග්යමත් දේශයක් වෙනු නියතයි...
සසර Thursday, 01 June 2023 05:57 PM
ජලය ජීවයේ පදනමයි. එය ඉස්සරහට දාගෙන ගහන ගැහිලි හෙලා දකිමු...!
Bunny Preena Friday, 02 June 2023 10:58 AM
මෙවැනි වැරඩි වැඩ වෙනකන් බලාගෙන ඉදලා අන්තිමට විගනන වාර්තාවෙන් මෙවා එලි දක්වනවා. එවැනි වැරදි ආයතන ප්රදානින්ගෙ අනුදැනුම උඩ තමයි සිද්ධ වෙන්නෙ.
පැරකුම් Friday, 02 June 2023 08:27 PM
විගණන වාර්තා වලින් එලිවන මෙවන් අක්රමිකතාවන් ප්රසිද්ධියට පත්කරන නමුත් ඒවාට වගකිව යුත්තන්ට කිසිදා පියවර ගත් බවක් අප අසා නැත. එබැවින් මෙම විගණන කටයුතු සඳහා වැයකරන මුදල් අපතේ නොයවා ඒවා දේශපාලුවන්ගේ සුඛවිහරණය වැනි වෙනත් කටයුත්තකට යොදාගත යුතුයි...