(බිමල් ශ්‍යාමන් ජයසිංහ)

අධිවේගී මාර්ග සංචාරක රථවාහන කොට්ඨාසයට අනුයුක්ත පොලිස් කොස්තාපල්වරයෙකුගේ මල සිරුරක් කාණුවක තිබී අද (7) හමු වූ බව පමුණුගම පොලිසිය කියයි

මෙලෙස සැක කටයුතු ලෙස මියගොස් ඇත්තේ කඩුවෙල අධිවේගී පිවිසුමට අනුයුක්ත උදාරක විජේදාස නැමැති 50 හැවිරිදි කොස්තාපල්වරයෙකි 

පමුණුගම දෑලතුර සිට ජා ඇල දක්වා ගමන් ගන්නා මාර්ගයේ අධිවේගී පිවිසුමට මීටර් 200 ක මම දුරකින් පුද්ගලයෙකුගේ මළසිරුරක් වතුර පිරි කානුවක වැටී තිබෙන බවට පමුණුගම පොලිසියට ලද දුරකථන ඇමතුමක් අනුව මළ සිරුර සොයාගෙන ඇත

 ඉකුත් පස්වෙනි දින සිට මියගිය  කොස්තාපල්වරයා  රාජකාරියට වාර්තා කර නොතිබූ බවත් පොලිස් විමර්ශනවලදී අනාවරණය වී ඇත

ඔහුට හදිසියේ යම් රෝගී තත්ත්වයක් හටගෙන මියැදුනාද ? එසේත් නොමැති නම් වෙනයම් හේතුවක් ද යන්න? මෙතෙක් අනාවරණය වී නැතැයි පොලිසිය කියයි

මළ සිරුර රාගම ශික්ෂණ රෝහලේ මෘත ශරීරාගාරයේ තැන්පත් කර ඇති අතර හෙට (8) දින  පශ්චාත් මරණ පරීක්ෂණය පැවැත්වීමට නියමිතය

පමුණුගම පොලිසියේ වැඩ බලන ස්ථානාධිපති පොලිස් පරීක්ෂක අනූෂ රූපසිංහ මහතාගේ උපදෙස් මත විමර්ශන සිදු කෙරේ