(නිමන්ති රණසිංහ)

කොළඹ සේදවත්ත කළු පාලම අසල කැළණී ගඟේ පාවෙමින් තිබූ කාන්තා මළ සිරුරක් අද (19) පෙරවරුවේදී ගොඩගෙන ඇති ග්‍රෑන්ඩ්පාස් පොලීසිය ඒ සම්බන්ධයෙන් පරීක්ෂණයක් ආරම්භ කර ඇත.

වයස අවුරුදු 55ක පමණ වන මෙම කාන්තාව වෙළෙදාම් කටයුතු කරන්නියක් බවට සැක කෙරෙන බව ග්‍රෑන්ඩ්පාස් පොලීසිය සඳහන් කරයි.

එම මළ සිරුරේ කිසිදු තුවාලයක් දක්නට නොලැබෙන බවත්, මරණකාරිය හැද සිටි හැට්ටයේ රුවු ගෙන සිටි රුපියල් 1200ක මුදලක් ද පොලීසිය සොයා ගෙන ඇති බවත් වාර්තා වෙයි.

මෙම මළ සිරුර ඊයේ (18) රාත්‍රීයේ වැල්ලම්පිටිය ප්‍රදේශයේ කැළණී ග`ගේ පා වී ගොස් ඇති බවත් පසුව අද (19) පෙරවරුවේදී සේදවත්ත කළු පාලම අසල ගං ඉවුර දෙසට පා වී ඇවිත් තිබූ බවත් පොලිසිය පවසයි.

මේ සම්බන්ධයෙන් වැඩිදුර පරීක්ෂණය ග්‍රෑන්ඩ්පාස් පොලීසියේ ස්ථානාධිපති ප්‍රධාන පොලිස් පරීක්ෂක තාරක විජේසිංහ මහතා ඇතුළු නිලධාරීහු සිදුකරති.

මේ අතර, තොටලග වික්ටෝරියා පාලම අසලින් ද පිරිමි මළ සිරුරක් සොයා ගත් බවත එය ද දියේ ගිලී සිදුවූ මරණයක් බවත් පොලීසිය පවසයි.