(යොහාන් භාසුර )
ශ්රී ලංකා ගුවන් හමුදාව 72 වන සංවත්සරයට සමගාමීව පවත්වන සාම්ප්රදායික ධජ ආශිර්වාද පූජාව අනුරාධපුර ජය ශ්රී මහා බෝධීන් වහන්සේ අභියසදී පසුගිය දා පැවැත්වීය .
ගුවන් හමුදාධිපති එයාර් මාර්ෂල් සුදර්ශන පතිරණ මහතාගේ ප්රධානත්වයෙන් පැවැත්වුනු මෙම උත්සවය සදහා සියලුම මූලික කඳවුරු අණදෙන නිලධාරීන්, විද්යාපීඨයේ පීඨාධිපති සහ කදවුරු අණදෙන නිලධාරීහු සහභාගි වූහ.
මෙහිදී ශ්රී ලංකා ගුවන් හමුදාවට අයත් සියලුම කදවුරු හා පක්ෂාංගයන් නියෝජනය කරන සියලුම ධජයන් සදහා ආශිර්වාද සිදු කරන ලද අතර ශ්රී ලංකා ගුවන් හමුදාවේ විවිධ තනතුරුවලින් දිවයින පුරා සේවයේ නියුතු සියලුම නිලධාරීන් හා සෙසු නිළයන් සදහා ආශිර්වාද එක් කිරීම මෙයින් සංකේතවත් විය.
ශ්රී ලංකා ගුවන් හමුදා අනුරාධපුර කඳවුර විසින් සංවිධානය කරන ලද මෙම අවස්ථාව සදහා සමස්ත ගුවන් හමුදාව නියෝජනය වන පරිදි ගුවන් හමුදා මාණ්ඩලික ප්රධානී, ගුවන් හමුදා අධ්යක්ෂ මණ්ඩලයේ සාමාජිකයින්, ජ්යෙෂ්ඨ නිලධාරීන්, සෙසු නිලයින් සහ සිවිල් කාර්ය මණ්ඩලයේ පිරිසක් සහභාගී වූහ.
COMMENTS
ගුවන් හමුඩදාව සන්චාරක ව්යාපාරයන්ට යොදා ගන්න බැරිද මුදල් ගෙවල ගමන් කරන්න පුලුවන් හෙලිකොප්ටර් සේවාවක් හදුන්වා දුන්නොත් නරකද
තුනුරුවන් සරණින් අපේ හමුදාවේ සියලු දෙනාටම යහපතක්ම වේවා!
මේවගේ මිත්යාදෘෂ්ටික දේවල් ලෝකයේ වෙන කොයිරටකවත් කෙරෙන්නේ නැහැ...
මේක සිංහල බෞද්ධ ගුවන් හමුදාවක් මිස ශ්රී ලාංකික ගුවන් හමුදාවක් නොවෙයි.
කරන්න දෙයක් නැති උනාම බොරුවට උත්සව තියන එක අද කාලේ සාමාන්ය දෙයක් වෙලා.
යුද්ධයක සේයාරුවක් වත් දැක නැති පට්ට පොරවල් දාන කමෙන්ට්ස්! අහල බලපල්ලා යුද්ධෙකට ගිය සොල්දාදුවෙක්ගෙන් තමන්ගේ රට රැක ගන්න යන ගමනේදී ඕනෑම ආගමක ආශීර්වාදය කොතරම් ආත්ම විශ්වාසයක් ඇති කරනවද කියල.