දුරගමන් සේවාවල ගමන් ගන්නා මගීන්ට මාර්ගගත ක්‍රමවේදය ඔස්සේ කලින් ආසන වෙන්කර ගැනීමේ පහසුකම හඳුන්වා දුන් බව  අමාත්‍ය බිමල් රත්නායක මහතා අද පැවසීය.

  බත්තරමුල්ලේ “මගනැගුම මහමැදුර” හි පැවති මාධ්‍ය හමුවකදී අමාත්‍යවරයා මේ බව සඳහන් කළේය,

   අමාත්‍යවරයා මෙසේ ද කීය. ජනතාවගේ දෛනික ගමනා ගමන පහසුකම් වැඩිදියුණු කිරීම රජයේ ප්‍රමුඛ අරමුණක් වනවා.

   නියමු ව්‍යාපෘතියක් ලෙස පෞද්ගලික බස් රථ සඳහා ආරම්භ කළ මෙම ක්‍රමය මඟින් බස් ගමන් ගන්නා වේලාවන් කලින්ම දැන ගන්න පුළුවන් ඒ මගින්  රස්තියාදු වීම, වෙන් කළ ආසන අහිමි වීම, හදිසි ගමන් අවලංගු වීම සහ අධික සේවා ගාස්තු වැනි ගැටලු අවම වෙනවා.

   පෙරදී ආසන වෙන්කිරීම සඳහා රුපියල් 200 – 300 අතර මුදලක් අය කළා.

    නව ක්‍රමය යටතේ එක් ආසනයක් සඳහා ගෙවිය යුත්තේ රුපියල් 30 ක වැනි සුළු මුදලක් බව ද අමාත්‍යවරයා සඳහන් කළේය.