(සුමිත් පොතුපිටිය)

හිටපු අමාත්‍ය නන්දන ගුණතිලක මහතා ගේ මරණය ගැන ශ්‍රී ලංකා වේ දේශපාලන ආර්ථික අපරාධ අධීක්ෂණය කිරීමේ ගෝලීය මධ්‍යස්ථානය වෙතින් නිකුත් කර ඇති වීඩියෝවක් හේතුවෙන් අද දින ආදාහනය කිරීමට ගෙන තිබූ තීරණය වෙනස් කොට භූමදානය කිරීමට තීරණය කළ බව නන්දන ගුණතිලක මහතාගේ සොහොයුරිය වන මංගලා කරුණාතිලක මහත්මිය අද පැවැසුවාය.

අය  මෙසේ ද කීවාය. මාගේ අයියා  ඇතුළු තවත් සිව්දෙනකුගේ ජීවිත වලට තර්ජනයක් ඇති බැවින් ජීවිතය ආරක්ෂා කරදෙන ලෙස ඉල්ලා ලංකාවේ දේශපාලන ආර්ථික අපරාධ අධීක්ෂණය කිරීමේ ගෝලීය මධ්‍යස්ථානය වෙත පසුගිය ඔක්තෝබර් මාසයේදී පැමිණිල්ලක් කර ඇති බවට එම ආයතනයේ විධායක අධ්‍යක්ෂිකාගේ ප්‍රකාශකයක් ඇතු ළත් විඩියෝවක් සමාජගත වෙලා.

එම විඩියෝව අනුව අයියාගේ ජීවිතය ආරක්ෂා කර ගැනීමට නොහැකි වී ඇති බැවින් ඒ සම්බන්ධයෙන් ඉදිරි විමර්ශන සිදුකිරිම සදහා දේහය භූමදානය කිරීමට තීරණය කළා.

ඒ අනුව හෙට (21) දින පස්වරුවේ වාද්දුව මහජන ක්‍රීඩා පිටියේදී ආදාහනාගාරය කිරීමට ගෙන තිබූ තීරණය වෙනස් කර මහ වාද්දුව වේරගම පොදු සුසාන භූමියේ දී භූමදානය කිරීමට තීරණය කළා යැයි  ද ඇය කීවාය.