‘ෆොක්ස්හිල්‘ ධාවකයින් දෙදෙනකු අත්අඩංගුවට

(ප්‍රසාද් රුක්මල් )

දියතලාව නරියාකන්ද ෆොක්ස්හිල් මෝටර්රථ ධාවන තරගය අතරතුරේ හත්දෙනෙකුට මරු කැදවමින් , 21 දෙනෙකුට බරපතළ තුවාල සිදු වූ මෝටර් රථ අනතුර සම්බන්ධයෙන් මෝටර් රථ තරගකරුවන් දෙදෙනකු අද (22) සැකපිට අත්අඩංගුවට ගත් බව දියතලාව පොලිසිය පවසයි .

ෆොක්ස්හිල් මෝටර්රථ ධාවන තරගයේ තරග අංක 5 යටතේ තරග වැදුණු මාතර මැදපාර හිත්තැටිය ප්‍රදේශයේ පදිංචි 36 හැවිරිදි අයෙක් සහ තරග අංක 196 යටතේ තරග වැදුන පේරාදෙණිය මාකන්ද ප්‍රදේශයේ පදිංචි 47 හැවිරිදි පුද්ගලයකු මෙසේ අත්අඩංගුවට ගත් බවත් , ඔවුන් දෙදෙනාත් මෙම මෝටර් රථ අනතුරින් තුවාල ලබා දැනට පොලිස් ආරක්ෂාව යටතේ දියතලාව මූලික රෝහලේ ප්‍රතිකාර ලබමින් පසුවෙන බවද පොලිසිය කීය .

පාස්කු දින ප්‍රහාරයෙන් වසර පහකට පසුව ඊයේ (21) දියතලාව නරියාකන්දේදි මෙම ෆොක්ස්හිල් මෝටර්රථ ධාවන තරග පැවත්විණ .

එම මෝටර්රථ ධාවන තරගය අතරතුරේ මෙසේ මෝටර්රථයක් ධාවන පථයෙන් ඉවතට පැන පෙරලීයාමෙන් අනතුර ට පත් වූ අතර එය නැරඹීමට ඒ ආසන්නයට යාමේදී පැවති අධික දූවිල්ලත් සමඟ ධාවන පථයෙ තරග වැදුන මෝටර් රථ දෙකක් එකිනෙක ගැටීමෙන් ඉවතට විසිවී ගොස් ඊට යටවීමෙන් මෙසේ අවුරුදු 8 කුඩා දැරියක ඇතුලු හත්දෙනෙකු මියගොස් 21 දෙනෙකු බරපතළ තුවාල ලැබූ බවද පොලිසිය සදහන් කළේය .

අදහස් (4)

‘ෆොක්ස්හිල්‘ ධාවකයින් දෙදෙනකු අත්අඩංගුවට

සෑම් Monday, 22 April 2024 12:10 PM

ඔය අනතුරේ වගකීම යන්න ඕන සහ අත්අඩංගුවට ගන්න ඕනා ඕක සංවිධානය කරපු ආරක්ෂක අංශවල අය , ආරක්ෂක ලේකම් සහ රජය. තරඟකරුවන්ට වරද පැටවීමට උත්සහ කිරීම විහිළුවක්

: 2 29

රංජිත් Monday, 22 April 2024 12:50 PM

මෙම තරගය පිලිබඳව ඇති වූ ටියුබ් පට බැලීමෙන් සහ තරග විස්තර විචාරය වලට සවන් දීමේදී. තරිදු ජයවර්ධන නම් ක්‍රීඩකයෙක් සහ රොෂාන් පීරිස් තරම් ක්‍රීඩකයා අතර කාලයක පටන් පවතින කොන්තරයක් මෙම ගැටුමට හේතුවන බව පවසයි. මීට පෙරද එවැනි ගැටුම් හටගෙන ඇති බව විවාරක පවසයි. එම වීඩියෝ පරීක්ෂා කිරීමේ දී එක් කෙනෙක් වංගූවකදි ඉදිරීයට ගැනිමට බාධාවන ලෙස අනෙකා අවහිර කිරීම පැහැදිලිව දර්ශනය වෙයි. මෙය ක්‍රීඩාවේ සාරධර්මවලට පටහැනිය. ප්‍රතිපලස අහිංසක ජීවිත හතක් අහිමි විය. මේනිසා අත්අඩංගුවට ගත් යුතුය.

: 3 21

ඉසුරු Tuesday, 23 April 2024 07:23 AM

මේක තරගයක්, එකේදී මුලින්ම යන කෙනා විතරයි දිනනන්නේ. පොඩ්ඩක් යුටියුබ් එකේ තියන විඩායෝ ටික බලන්න. එකේදී කියන්නේ සංවිධායකවරුන්ගේ වැරැද්ද ගැන. නැත්නම් මෙච්චර අනතුරක් වෙලා තියෙද්දී රෑ ඩිජේ එකක් දායි ද?

: 0 0

නරනාටක Tuesday, 23 April 2024 12:18 PM

කැකිල්ලේ රජතුමා තවමත් ඉන්නවද ආයුබෝවන් නැත්නම් වාහනයක් පෙරලිලා යටවෙලා කීප දෙනෙක් මැරුණම රියදුරු මොනවා කරන්නද රියදුරු ඕන කමින් යටකර මැරුවෙ නැහැ බලන්න නොගිය නම් කිසිම ප්‍රශ්නයක් නැහැ දැන් අත් අඩංගුවට ගත්තු ක්‍රමය නිවැරදියි නම් දළදා මාලිගාව අවට ඔය සෙල්ලම කරන්න කටයුතු කරපු කෙනාට තමයි දඩුවමක් දෙන්න ඕන

: 0 0