(යොහාන් භාසුර)

කළුතර බන්ධනාගාරයට රැගෙන එන ලද නවක සැකකරුවන් එම බන්ධනාගාරයේ සිටි පැරණි සැකකරුවෙකුට ලබාදුන් පාර්සලයක තිබී හෙරොයින් පැකටි 196 ක් ඇතුළු තහනම් භාණ්ඩ රැසක් අත්අඩංගුවට ගත් බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් (පාලන සහ සහ පුනරුත්ථාපන) චන්දන ඒකනායක මහතා පැවසීය.

අදාල නවක සැකකරු පීසීආර් පරීක්ෂණය සඳහා තාවකාලික සිරමැදිරියක රඳවා සිටියදී පැරණි සැකකරුට මෙම පාර්සලය ලබාදී ඇති බවත් එම සැකකරු නිරෝධායනය සඳහා බූස්ස බන්ධනාගාරයට යොමු කිරීමට නියමිතව තිබූ බවත් චන්දන ඒකනායක මහතා කීය.

එම පාර්සලය තුල හෙරෝයින් පැකටි 196 ක්, කේරල ගංජා ග්‍රෑම් 8 ක්, අයිස් මත්ද්‍රව්‍ය කුඩා පැකටි 4 ක් සහ දුමිකොළ 4 ක් තිබූ බව කී බන්ධනාගාර මාධ්‍ය ප්‍රකාශකවරයා මත්ද්‍රව්‍ය සහ අනෙකුත් තහනමි ද්‍රව්‍ය ඉදිරි කටයුතු සදහා කලුතර උතුර පොලිස් ස්ථානයට භාරදිමට කටයුතු කරන බවද සඳහන් කළේය.