(අංජුල මහික වීරරත්න)
කිසියම් මන්ත්රීවරයකුට සොරකම්, දූෂණ හා වංචා සම්බන්ධව චෝදනා එල්ල වන්නේ නම් විධිමත් පරීක්ෂණයකින් පසුව එම මන්ත්රීවරුන්ගේ මන්ත්රී ධූර පාර්ලිමේන්තුව මගින්ම අහෝසි කළ හැකි පරිදි නව නීති පාර්ලිමේන්තුව මගින්ම සකස් කළ යුතු යැයි කෘෂිකර්ම හා වැවීලි කර්මාන්ත අමාත්ය මහින්ද අමරවීර මහතා පැවසීය.
බටඅත නව තරුණ කෘෂි ව්යවසායකත්ව ගම්මානයේ ගොවින්ට කෘෂි උපකරණ ලබා දෙමින් අමාත්යවරයා මේ බව කීය.
තම වසර 29ක පාර්ලිමේන්තු ජීවිතයේදී මෙවැනි විපක්ෂ නායකයෙක් දැක නැතැයි කී අමාත්යවරයා අතීතයේ සිටි විපක්ෂ නායකවරුන් සැමවිටම රජය විසින් ක්රියාත්මක කරන හොඳ වැඩ වලට සහයෝගය දුන් නමුත් වත්මන් විපක්ෂ නායකවරයා ජනතා ප්රශ්න විසඳීම සඳහ කිසිදු ක්රියාමාර්ගයකට සහයෝගය නොදෙන බව පැවසීය.
කතානායකතුමා දවිපක්ෂ නායක වරයා තම බලතල අයථා ලෙස භාවිතා කිරීම පාලනය සඳහා පියවර ගත යුතුව ඇතැයි කෘෂිකර්ම අමාත්යවරයා කීය.
මන්ත්රීවරුන්ගේ විනයගරුක භාවය ස්ථාපිත කිරීම සඳහා පත් කරන ලද නව කමිටුව මගින් ගෙන එන යෝජනා සියලු මන්ත්රීවරුන් පක්ෂ භේදයෙන් තොරව සම්මත කළ යුතු බවද අමාත්යවරයා පැවසීය.
COMMENTS
Reply To:
Sisira - cb chds hcdsh cdshcsdchdhd
අස්සයා ගියපු ස්තාලයේ දොර වැසීමෙන් කිසිඳු පලක් නැත .ජනතා සේවය සඳහා යයි කියා එන්නෙම හොරකම් කරන්න මිස බව පොදුජන පිළිගැනීමකි .කෙලින්ම ප්රජා අයිතිය අහෝසි කලොත් මිස අන් කිසිවෙකින් ප්රතිපල ලබා ගැනීම දුෂ්කර වේ
සාමාන්ය නීතිය ප්රමාණවත් එක රටක්, එකම නීතියක් තියෙන්නේ ආයේ නීති හදන්න මහන්සි වෙන්නේ මොකටද?
පාර්ලිමේන්තුවේ ඉන්න දූෂිත දේශපාලුවන්ගේ, කිසිම විනයක්, චාරයක් නැති හැසිරීම්, කෙරුවාවල්, වාචාල කතා, මඩ ගැසීම් අපි කාලයක් තිස්සේ දැකපුවා. මෙයාට පෙනිලා තියෙන්නේ විපක්ෂ නායකයා විතරමයි..
අනේ මේ! නිකන් ඉන්න. ඔයාට දැන් ද ඕක මතක් වුනේ. අපිව ගොනාට අන්දන්න හදන්න එපා. ඔයගොල්ලෝ ඔක්කොම එක වල්ලෙ පොල්...!
ඒ වගේම නාමයෝජනා දෙනවිට වරදකට සිරගතව සිටි අයට නොදීමට මෙන්ම සමාජයට හිංසාකාරීව හැසිරෙන අයට නාමයෝජනා නොදීමට කටයුතු කරන්න ඕන පක්ෂ ලියාපදිංචි කිරීමේදී එවැනි සාමාජිකයන් සිටින පක්ෂ හා සංධාන ලියාපදිංචි නොකර සිටීමට අනිවාර්ය කරන්න ඕන විභාග වැරදි කලො පළාත් පාලන මැතිවරණය සදහාවත් ඉදිරිපත් වීම තහනම් කරන්න ඕන වැදගත්ම දෙයක් ලෙසට පාර්ලිමේන්තුවේ අශෝභන ආකාරයට හැසිරීම එවෙලේම පාර්ලිමේන්තුවෙන් දොට්ට දැමීමට පමණක් නොවෙයි සධාකාලිකව දේශපාලනය තහනම් කිරීමට හේතුවක් වෙන්න ඕන කොටින්ම කිව්වොත් සමගිව රැස්වෙන්න සමගිව කතාකරන්න බැරි අවිනීතයින්ට පාර්ලිමේන්තුව පමණක් නොවෙයි සියලු පළාත් සභා හා පළාත් පාලන ආයතන සදහා ක්රියාත්මක වෙන්න පුළුවන් නීතියක් නොපමාව හදන්න ඕන ඔය අවිචාරවත් මිනිස්සු මෙතෙක් කාලයක් රටේ සාරධර්ම විනාශ කිරීමත් රට වලපල්ලට යාමට හේතුවක් වුනා
මහින්ද රාජපක්ෂ ,බැසිල් රාජපක්ෂ ,නාමල් රාජපක්ෂ ගැන තමුන්නාන්සෙ මොනවත් කියන්නෙ නැද්ද? උසාවි තීන්දුවලින්ම තමයි වැරදි කාරයො විදියට පිළිඅරගෙන තියෙන්නෙ..තව ඉන්නවා..ප්රසන්න රණතුංගල එහෙම ...
චෝදනා තිබුණ පලියට හෝ චෝදනා කල පලියට කාටවත් දඬුවම් කරන්න බැහැ නේද ඇමතිතුමෝ? චෝදනා ඔප්පු උනොත් හොරකම් අතටම අසුවෙලා දඬුවම් විඳින්න සිද්ද උනොත් අන්න පයින් ගහලම පන්නන්න. කෝ අර අලි සබ්රියාව තාම පන්නන්න බැරි උනා නේද? කෝ විපක්ෂ නායකයා ගේ කෙරුවාවල්. මහත්තයෝ මේ අහන්න කැනඩාවේත් ඔය හොරු ඉන්නවා. Barn එකක් හදන්න මිලියන 8 වැය කරලා තිබෙනවා. එපමණ මුදලක් වැය උනේ කොහොමද කියලා ප්රශ්න කලාම ඒ barn එකට විදුලි සෝපානයක් සවිකලා කියලා කියනවා. එතකොට විරුද්ද පක්ෂය plan එක පෙන්නලා අහනවා මේකේ එක මාලයයි තිබෙන්නේ මේකට මොකටද විදුලි සෝපාන කියලා. අන්න මුළු කතාවම YouTube එකේ තිබෙනවා කතාව ක්රිකට් මණ්ඩලේ හොරකම් වලට වඩා රසවත්.